دستکاری کی رنگ برنگی اور انوکھی دنیا
دنیا کے مختلف ممالک میں انسان اپنے ہاتھوں سے کیسی کیسی انوکھی چیزیں تخلیق کر لیتے ہیں۔
پاکستان کے شمالی علاقہ جات میں واقع سکردو شہر کے بلتت قلعے کے قریب اپنی چھوٹی سی رنگین دکان میں سکرت بی بی روایتی سوتی کڑہائی اور سوئی کا استعمال کرتے ہوئے مختلف رنگارنگ اشیا بنا رہی ہیں۔
متحدہ عرب امارات کے ساحلی شہر قلبہ میں ایک افغان مزدور مچھلیاں پکڑنے کے لیے استعمال ہونے والا جال بناتے ہوئے۔ گذشتہ کچھ سالوں کے دوران قلبہ، ایسے جال بنانے کا مرکز بن گیا ہے اور کام کی تلاش میں درجنوں افغان اور پاکستانی تیل کی دولت سے مالامال اس خلیجی ریاست کا رخ کرتے ہیں۔
انڈیا کے زیرِ انتظام کشمیر میں آگ رکھنے کے لیے استعمال ہونے والی روایتی کانگریاں بنانے والا ایک کاریگر۔ کانگریاں مٹی اور درختوں کی شاخوں سے بُنے ایسے برتن کو کہتے ہیں جو پھیرن کے اندر سردی دور رکھنے کے لیے آگ سے بھر کر رکھا جاتا ہے۔ سردیوں کی آمد کے ساتھ وادیِ کشمیر کے باشندے کانگریاں ذخیرہ کرنی شروع کر دیتے ہیں۔
ایران کے شہر مےبود کے بازار میں ایک ایرانی خاتون اُونی سکارف بُن رہی ہیں۔ مےبود ایرانی صوبہ یزد میں واقع ایک صحرائی شہر ہے۔
انڈیا کے شہر جےپور میں ایک کمہار مٹی کے دیے بناتے ہوئے۔ دیوالی کے سالانہ تہوار کے موقع پر ان مٹی کے دئیوں کی مانگ خاصی بڑھ جاتی ہے۔ لوگ اپنے گھر اور مندروں کو روشن کرنے کے لیے دئیے خریدتے ہیں۔
شام کے دارالحکومت دمشق میں فائد السیوفی کی دکان جہاں وہ دمشق کے خاص سٹیل سے تیار کردہ روایتی خنجر اور تلواریں بناتے اور فروخت کرتے ہیں۔
نیپال کے ایک دیہاتی علاقے کوکانہ میں 28 سالہ اسمیتا مہارجن لکڑی تراش کر مختلف اشیا بنانے میں مصروف ہیں۔ وہ دس سال سے یہ کاروبار چلا رہی ہیں۔
انڈونیشیا کے شہر بالی کے ایک دیہات میں بنجار کتری کے علاقے برووان میں 48 سالہ ویان اکسرہ قدرتی پتے، پھلی اور خشک میوہ جات کے چھلکوں کو باندھ کر خوبصورت گلدستے بناتے ہیں۔ یہ گلدستے بنانے کے لیے سب اشیا وہ خود اپنے گھر کے قریب واقع جنگل ’بُکٹ دھرما پتری‘ سے اکھٹی کرتے ہیں۔
ہشیم کوہیل فلسطین کے علاقے غزہ میں واقع اپنی ورکشاپ میں لکڑی سے تراشی اشیا گاہکوں کے لیے ترتیب سے رکھ رہے ہیں۔ یہ سب اشیا انھوں نے خود تراشی ہیں۔
تمام تصاویر بشکریہ گیٹی امیجز۔
- ’بابر، بابر‘ کے نعروں سے ’میچ ونر‘ تک، پی ایس ایل 9 نے کیسے عماد وسیم کے کیریئر میں نئی روح پھونک دی - 19/03/2024
- اسرائیل کو ’انتہائی مطلوب‘ القسام بریگیڈ کے نائب کمانڈر کی ’ہلاکت‘: مروان عیسیٰ کون تھے؟ - 19/03/2024
- بلڈ شوگر ڈائیٹ کیا ہے اور اگر آپ کو ذیابیطس نہیں تو ڈاکٹر اس سے گریز کا مشورہ کیوں دیتے ہیں؟ - 19/03/2024
Facebook Comments - Accept Cookies to Enable FB Comments (See Footer).