وینا ملک اور ثانیہ مرزا پاکستان، انڈیا میچ کے بعد ٹوئٹر پر کیوں الجھیں؟
ورلڈ کپ کے دوران انڈیا پاکستان کے میچ کا شاخسانہ سوشل میڈیا پر وینا ملک اور ثانیہ مرزا کے درمیان تلخ کلامی کی صورت نکلا اور اس نے نئی بحث کو جنم دے دیا۔ اس بحث کے کئی پہلو ہیں اور ہر پہلو پر سوشل میڈیا کے لوگ اپنی اپنی سمجھ کے اعتبار سے رائے دینے سے گریز نہیں کر رہے ہیں۔
میچ میں پاکستان کی شکست کے بعد اپنی خراب کارکردگی کے لیے سینيئر کرکٹر شعیب ملک تو پہلے سے ہی لوگوں کے نشانے پر تھے لیکن جب سے ایک ریستوران میں ثانیہ مرزا کے ساتھ ان کی تصویر وائرل ہوئی ہے، ثانیہ بھی اس کی زد میں آ گئیں۔
کسی نے انھیں انڈیا کا بارھواں کھلاڑی، کسی نے را (انڈیا کی خفیہ ایجنسی) کا ایجنٹ، کسی نے انڈر کور، تو کسی نے انڈیا کی جیت میں ان کے کردار پر بات کی۔
اس سے قبل کسی ریستوران کے باہر کسی نے ثانیہ کی ان کے بیٹے کے ساتھ ویڈیو بھی بنائی جو وائرل ہوئی اور اس پر ثانیہ مرزا نے برہمی کا اظہار کیا۔ ویڈیو ڈالنے والے نے ویڈیو ہٹا تو لی لیکن ابھی اس کے متعلق ٹینس سٹار ثانیہ مرزا کی تلخی کم نہیں ہوئی تھی کہ پاکستانی اداکارہ وینا ملک نے ایک نصیحت آموز ٹویٹ کر ڈالا جو شاید جلتی پر تیل کا کام کر گیا۔
دراصل وینا ملک نے جنک فوڈ ریستوران آرچیز میں ثانیہ کو اپنے بچے کے ساتھ جانے کے بارے میں تادیبی قسم کا ٹویٹ کیا تھا۔
https://twitter.com/iVeenaKhan/status/1140662185955332096
انھوں نے لکھا: ‘ثانیہ، میں آپ کے بچے کے بارے میں واقعی متفکر ہوں۔ آپ لوگ اسے شیشہ پینے والی جگہ لے گئے۔ کیا یہ صحت کے لیے مضر نہیں؟ جہاں تک مجھے علم ہے آرچی جنک فوڈ کے لیے جانا جاتا ہے جو کہ ایتھلیٹ/بچوں کے لیے ٹھیک نہیں۔ آپ کو یہ بہتر طور پر معلوم ہونا چاہیے کیونکہ آپ خود ایک ماں اور ایک ایتھلیٹ ہیں؟’
ثانیہ نے اس کے جواب میں لکھا: ‘وینا، میں اپنے بچے کو شیشے کی جگہ نہیں لے گئی تھی۔اس سے نہ آپ کو اور ناں ہی دنیا کے باقی لوگوں کو سروکار ہونا چاہیے کیونکہ میرے خیال سے میں اپنے بیٹے کا کسی سے بھی زیادہ خیال رکھتی ہوں۔ دوسرے یہ کہ ناں میں پاکستانی کرکٹ ٹیم کی ڈائٹیشین ہوں، ناں ہی ان کی ماں یا پرنسپل یا ٹیچر ہوں۔’
Veena,I hav not taken my kid to a sheesha place. Not that it’s any of your or the rest of the world’s business cause I think I care bout my son a lot more than anyone else does 🙂 secondly I am not Pakistan cricket team’s dietician nor am I their mother or principal or teacher https://t.co/R4lXSm794B
— Sania Mirza (@MirzaSania) June 17, 2019
ان دو ٹویٹس سے سوشل میڈیا کو مصالحہ مل گیا اور انھوں نے اپنی پسند کے اعتبار سے حمایت اور مخالفت شروع کر دی۔ پاکستان اور انڈیا دونوں جگہ ثانیہ مرزا ٹرینڈ کرنے لگیں۔
بقول وینا ملک ثانیہ مرزا ان کی بات پر اس قدر بھڑکیں کہ انھوں نے ان کے ماضی کو لے کر ذاتی کمنٹس کر ڈالے لیکن بعد میں انھوں نہ صرف ٹویٹ ڈیلیٹ کر دی بلکہ وینا ملک کو بلاک بھی کر دیا۔
اس پر وینا نے ٹویٹ کیا: ‘تو ایسا ہوا۔ پہلے انھوں نے ٹویٹ کیا پھر ٹویٹ کو ڈلیٹ کر دیا اور مجھے بلاک کردیا۔ میں نے اپنے خدشات کو انتہائی مہذب، ٹھنڈے اور سلیقے سے ظاہر کیا تھا۔ اس پر صحت مندانہ بحث ہو سکتی تھی۔’
خیال رہے کہ اتوار کو پاکستان کی شکست کے بعد سے ایک ریستوران کی تصویر وائرل ہے جس میں ثانیہ مرزا، ان کے شوہر شعیب ملک کے ساتھ کرکٹر انعام الحق، وہاب ریاض، عماد وسیم وغیرہ دیکھے جا سکتے ہیں۔ ان کے درمیان ایک بوتل ہے اور دھوئیں کے مرغولے اٹھ رہے ہیں۔
اس ویڈیو کے بارے میں کہا جا رہا ہے کہ یہ سنیچر اور اتوار کی شب کی بات ہے۔ لیکن پاکستانی کرکٹ بورڈ کے مطابق یہ جمعے اور سنیچر کے درمیانی شب کی بات ہے۔
ان سب کے باوجود بہت سے لوگ پاکستانی کرکٹ ٹیم کی فٹنس کے بارے میں لاپروائی پر سوال اٹھا رہے ہیں۔
شعیب ملک نے بھی ایک ٹویٹ کے ذریعے معاملہ ٹھنڈا کروانے کی کوشش کی۔۔۔
On behalf of all athletes I would like to request media and people to maintain respect levels in regards to our families, who should not be dragged into petty discussions at will. It’s not a nice thing to do
— Shoaib Malik 🇵🇰 (@realshoaibmalik) June 17, 2019
سوشل میڈیا پر ردِعمل
انڈیا میں زیادہ تر لوگ ثانیہ کے حق میں نظر آتے ہیں لیکن بہت سے ایسے ہیں جو ثانیہ کے دوسرے ٹویٹ پر زیادہ ناراض ہیں جس میں ثانیہ نے وینا ملک کے ماضی کو کریدنے کی کوشش کی ہے۔
ایک نے لکھا: ’ثانیہ نے وینا کو انھیں کے انداز میں جواب دیا۔ بہت اچھا تھا۔‘
اس کے جواب میں ’سانو کی‘ نامی صارف نے لکھا: ’ثانیہ نے ایک انتہائی معمولی بحث جیتنے کے لیے وینا کو اخلاق باختہ کہہ کر شرمندہ کیا۔ مجھے اس کی کبھی امید نہ تھی۔ آج انھوں نے بہت سے لوگوں کے درمیان اپنا وقار کھو دیا۔‘
جبکہ مہوش بھٹی نے ایک ٹویٹ نے لکھا: ‘ثانیہ، وینا ملک تنخواہ پر ہیں اور وہ کسی بھی چیز پر کسی کو بھی ٹرول کریں گی۔ انھیں نظر انداز کریں۔’
Sania, Veena is on a payroll and would troll anything or anyone. Ignore her. https://t.co/VLOx34dzcI
— main laanat bhejti houn (@mahobili) June 17, 2019
مریم نامی ایک ٹوئٹر صارف نے لکھا: ‘وینا ملک نے انتہائی سمجھداری کے ساتھ ثانیہ مرزا کو اپنے بچے کو شیشے کی جگہ لے جانے کے خطرات کے بارے میں بتایا۔ اسے ایسا نہیں کرنا چاہیے۔ وہ ان کا بچہ نہیں تھا۔ لیکن پھر عالمی شہریت یافتہ ایتھلیٹ بھابھی اپنے پر اتر آئیں اور وینا کو ان کے ماضی کی یاد دلائی، ایسا ماضی جسے وہ پیچھے چھوڑ چکی ہیں۔ ثانیہ مرزا کی جانب سے یہ بہت نیچے اترنا تھا۔’
Veena Malik very maturely pointed out Sania Mirza taking out her kid to a Sheesha place. She shouldn't have, it's not her kid. But then comes the world class athlete bhabhi who called Veena out for her past, the past that she has left behind. Very very low from Sania. pic.twitter.com/RIFeSCn94W
— Maryam (@BefourMaryam) June 17, 2019
آدم بیزار نامی صارف نے لکھا: ‘ثانیہ مرزا نے وینا ملک کو سلٹ کہہ کر شرمسار کرنے کی کوشش کی جبکہ برسوں سے انھوں نے خود کو بیدار شخص کے طور پر پیش کیا ہے۔ میں ان (ثانیہ) کی مداح تھی لیکن اب میں متنفر ہوں۔
https://twitter.com/adambeyzaar/status/1140725593388060673
‘اگر ان کا حال بھی ویسا ہی ہوتا جیسا کہ ماضی تھا تو بھی سلٹ کہہ کر شرمسار کرنا اچھا نہیں۔۔۔’
عائشہ نواز نے مریم کا جواب دیتے ہوئے لکھا: ‘ثانیہ مرزا کے لیے اپنے ہی سلیبریٹی کی تضحیک اور تنقید خالصتاً غیر اخلاقی ہے۔ وینا ملک اپنے ٹویٹ میں غلط نہیں تھیں۔ لیکن دوسری جانب ثانیہ نے بہت نیچے گر کر اپنی اصلیت کو واضح کر دیا ہے۔ وہ ہمارے لیے سلیبریٹی نہیں ہیں۔ وہ منھ پھٹ اور مغرور خواتون کے علاوہ کچھ نہیں۔’
Defaming and criticising your own celebrity over @MirzaSania is pure unethical.@iVeenaKhan was not wrong about what she tweeted. But Sania, on the other hand stoop too low to reveal her real self. She is NOT A CELEBRITY for us. She is nothing but a foul mouthed, arrogant woman.
— Aysha Rana (@AyshaNawaz6) June 17, 2019
جبکہ انڈیا کی معروف صحافی برکھا دت نے ثانیہ کے ٹویٹ کو ری ٹویٹ کرتے ہوئے لکھا: ‘ثانیہ نے بے سرو پا جنسیت پر ٹھیک کہا جو انھیں دوسرے ملک کی شکست کا ذمہ دار ٹھہراتا ہے۔’
Well said Sania @MirzaSania on the mindless sexism that makes her accountable for another country's defeat. https://t.co/vo1nsWYxy2
— barkha dutt (@BDUTT) June 18, 2019
جبکہ مانو پروہت نامی صارف نے لکھا: ‘وینا ملک، ثانیہ مرزا نے اصل ٹویٹ کو تبدیل کرکے آپ کو غیر ضروری ٹرول سے بچا لیا لیکن آپ اس کی مستحق نہیں۔ ثانیہ بہت مہربان رہیں لیکن ہم سب نہیں ہیں۔’
دراصل ڈلیٹ کیے ہوئے ٹویٹ میں ثانیہ نے وینا ملک کے ایک میگزن پر شائع ہونے والی تصویر کا ذکر کرکے اسے بچوں کے لیے نقصاندہ قرار دیا تھا۔
@iVeenaKhan the copy of original tweet which Sania modified, to save you from unnecessary trolling, but you don’t deserve that respect. Sania was kind enough but not all of us. pic.twitter.com/0f8h2Xe6Zl
— CA Manav Purohit (@manavpurohit) June 17, 2019
ایس ایس اسالٹ کے نامی ایک ٹوئٹر صارف نے لکھا: ‘ثانیہ مرزا نے اپنی گھٹیا ذہنیت کا مظاہرہ کیا جبکہ وینا ملک نے طنز کرتے ہوئے بھی صحیح بات کہی۔ اور اس گولی سے بچنے کے لیے انھوں نے سلٹ شیمنگ کارڈ کھیلا۔ اور پھر ٹویٹ ڈلیٹ کر دیا اور اس کا مختصر روپ پیش کیا۔ لیکن ایس ایس نے اسے لے لیا۔’
Facebook Comments - Accept Cookies to Enable FB Comments (See Footer).