بشکیک اجلاس: کیا پاکستان کے وزیرِ اعظم عمران خان انڈیا کے مودی پر بازی لے گئے؟
کرغزستان کے دارالحکومت بشکیک میں منعقدہ شنگھائی تعاون تنظیم (ایس سی او) کا سربراہی اجلاس کئی لحاظ سے سرخیوں میں رہا۔
انعقاد سے پہلے تو اس پر انڈیا کی سوشل میڈیا میں وزیر اعظم مودی کے لیے پاکستانی فضائی حدود کے استعمال کی اجازت پر گرما گرم بحث رہی۔
اس کے بعد انڈین وزیر اعظم نے پاکستانی فضائی حدود کا استعمال کیے بغیر ایران اور عمان کے راستے بشکیک جانے کا فیصلہ کیا۔ ایک ٹوئٹر صارف نے لکھا کہ انڈیا نے ‘پہلے اجازت مانگ کر غلطی کی اور پھر اسے خود مسترد کرکے دوسری غلطی کر ڈالی۔’
ا س کے بعد پاکستان میں وزیر اعظم عمران خان کے تعلق سے یہ مباحثہ شروع ہو گیا کہ انھوں نے روایتی سفارتی آداب کا خیال نہیں کیا۔
جب دوسرے سربراہان مملکت کھڑے ہو کر آنے والے مہمانوں کا ابھی استقبال کر ہی رہے تھے تو اس وقت عمران خان اپنی نشست پر بیٹھے تسبیح گنتے رہے۔
ان سب سے قطع نظر، انڈیا میں سوشل میڈیا پر کئی دنوں سے وزیر اعظم نریندر مودی کی بھی کئی تصاویر کے ساتھ ایک ویڈیو بھی گردش کر رہی ہیں اور انھیں تبصروں کا نشانہ بنایا جا رہا ہے۔
انڈیا کی وزارت خارجہ نے ایک تصویر پوسٹ کی جس پر سویڈن میں مقیم ’کنفلکٹ سٹڈیز‘ کے پروفیسر اشوک سوائیں نے طنز کرتے ہوئے لکھا: ‘دنیا کے سب سے طاقتور لیڈر کو کنارے لگا دیا؟’
https://twitter.com/ashoswai/status/1139408836635156480
اس کے بعد انھوں نے یہ سوال بھی کیا کہ انڈیا کی آبادی پاکستان سے ایک ارب زیادہ ہے جبکہ معیشت آٹھ کھرب زیادہ ہے پھر بھی سمجھ میں نہیں آتا کہ انڈیا کے عظیم رہنما نریندر مودی کو کرغستان کے نائب وزیر اعظم لینے کے لیے آئے جبکہ پاکستانی وزیر اعظم عمران خان کو لینے وہاں کے وزیر اعظم پہنچے!
https://twitter.com/ashoswai/status/1139536980448952322
اشوک سوائیں نے ایک اور سوال پوچھ لیا: ‘بشکیک میں شی (جن پنگ)، پوتن اور یہاں تک کہ عمران خان کو کرغستان کے صدر سورنبے جینبےکوف کے الآرکا صدارتی محل میں ٹھہرایا گیا۔ لیکن انڈیا کے عظیم رہنما مودی کو 30 کلومیٹر دور سینٹرل بشکیک کے اورین ہوٹل میں ٹھہرایا گیا۔ کیوں؟’
جبکہ دوسری طرف وکاس تومر نامی ایک صارف نے ایک تصویر پوسٹ کرتے ہوئے لکھا: ‘جب بارش آئی تو کرغستان کے صدر نے مودی کے لیے چھتری تانی۔۔۔’
When presidents held umbrellas for Modi.
Arriving inBishkek
for the SCO summit, Modi was extended a ceremonial welcome by the
Kyrgyzstan
President
Sooronbay Jeenbekov
when the rains came down. Photographs from the event showed Jeenbekov holding an umbrella for the PM. pic.twitter.com/zcI0G6xinw
— Vikas Tomar (@vikastomar1hero) June 15, 2019
آر کے ہوریا نامی ایک ٹوئٹر ہینڈ ل سے ایک دوسری تصویر پوسٹ کی گئی اور اس کے ساتھ یہ سوال کیا گیا کہ بشکیک میں واقعی مودی نے عمران خان کو دانستہ خفیف کیا اور تنہا کر دیا، جو کہ گودی میڈیا ہمیں کبھی بھی نہیں بتاتی ہے۔’
Did Modi really snub and isolate Imran Khan at Bishkek, like Godi Media never tires of telling us? pic.twitter.com/q34GLzTrci
— RKHuria (@rkhuria) June 16, 2019
انڈیا میں مودی کی حمایت کرنے والی میڈیا کو طنزیہ طور پر ‘گودی میڈیا’ کہتے ہیں۔
لیکن جو ویڈیو وائرل ہوئی ہے وہ بشکیک کے عشائیے کی تقریباً ڈیڑھ منٹ کی ویڈیو ہے اور اس کو بہت سے لوگوں نے ٹویٹ کیا ہے اور فیس بک پر پوسٹ کیا ہے۔ اور سب نے اس کے ساتھ اپنی اپنی رائے پیش کیا ہے۔
اشعر جاوید نامی ایک صارف نے ویڈیو پوسٹ کرتے ہوئے لکھا: ‘بشکیک میں اجلاس کے دوران عمران تقریباً سارے وقت پوتن کے ساتھ مرکز میں رہے جبکہ مودی سستی سے منھ پھلائے بیٹھے رہے۔ انڈیا خود کو مغرب کے سامنے چین کے خلاف توازن کے طور پر پیش کرتا ہے جب کہ اس کے عزائم ایس سی او یوریشین مقاصد کے مخالف ہیں۔ جبکہ دوسری جانب پاکستان امریکی مدار سے باہر نکل رہا ہے۔’
Imran shared center stage with Putin in Bishkek throughout the summit while Modi sulked idly. India presents itself to the West as a counterweight to China & its ambitions are contrary to SCO's Eurasian objectives. On the other hand Pakistan's moving away from the American orbit. pic.twitter.com/MUm7ZfqY2G
— Ashar Jawad (@AsharJawad) June 15, 2019
بی ایل یادو نامی ایک صارف نے اس ویڈیو کو شیئر کرتے ہوئے تنبیہ کی ہے کہ بھکت اس ویڈیو کو نہ دیکھیں۔ (بھکت انڈیا میں ان لوگوں کے لیے ان دنوں استعمال ہو رہا ہے جو مودی اور بی جے پی کی اندھی تقلید کرتے ہیں)
اس کے ساتھ انھوں نے طنزاً لکھا: ’اس ویڈیو کو دیکھ کر لگتا ہے کہ سچ مچ اپنے مودی جی کی دنیا میں بہت دھاک ہے۔ دنیا کا بڑے سے بڑا رہنما مودی جی کی بہت عزت کرتا ہے!! یہ ویڈیو بیشکیک سربراہی اجلاس کے دوران دینے جانے والے ڈنر کی ہے۔ بھکت اس ویڈیو کو نہ دیکھیں۔’
ان کی اس پوسٹ کو پونے تین سو بار شیئر کیا گیا ہے جبکہ سینکڑوں افراد نے اس پر اپنے تاثرات پیش کیے ہیں۔
کنورجیت سنگھ نامی صارف نے لکھا: وہاں بھائی اور بہنوں سننے والا کوئی نہیں۔ (یہ مودی جی کا انداز خطاب ہے)
ایک نے لکھا: ‘انڈیا میں آ کر پھینکے گا (شیخی بگھاڑے گا) مودی کا ڈنکا دنیا میں بج رہا ہے۔’ چند مزید جوابات مندرجہ ذیل تصویر میں دیھکیں۔
روندر کمار نے لکھا: ‘وشو گرو کو سانپ سونگھ گیا ہے کیا۔’ (وشو گرو یعنی دنیا کو راہ دکھانے والا، انڈیا میں بہت سے لوگ ایسا کہتے اور چاہتے ہیں)۔
ارجن شرما نے لکھا: ‘وہ انڈیا کے ہیرو ہیں۔ سبزی خور ہونے کی وجہ سے وہ کچھ کھا نہیں رہے ہیں صرف لوگوں کو کھاتے اور باتیں کرتے دیکھ رہے ہیں۔’
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).