کرکٹ ورلڈ کپ 2019: ’کرکٹرز کے خاندانوں پر تنقید کا کوئی جواز نہیں‘
پاکستان کی کرکٹ ٹیم کے آل راؤنڈر محمد حفیظ کو اس بات کا افسوس ہے کہ ورلڈ کپ میں انڈیا کے خلاف شکست کے بعد ہونے والی تنقید میں کرکٹرز کے ساتھ ساتھ ان کی خاندانوں کو کو بھی نشانہ بنایا گیا۔
محمد حفیظ کا کہنا ہے کہ انڈیا کے خلاف شکست کے بعد بہت سی باتوں کا میڈیا میں ذکر ہوا اور کھلاڑیوں کو بہت سی باتیں سننے کو ملیں جو بہت زیادہ تکلیف دہ تھیں اور وہ ان تمام کرکٹرز کے ساتھ ہمدردی رکھتے ہیں جن کے خاندانوں کو ہدف بنایا گیا۔ ایسا نہیں ہونا چاہیے تھا۔
یہ بھی پڑھیے
بڑی ٹیموں کے خلاف پاکستانی ٹیم کا مایوس کن ریکارڈ
پاکستان اب بھی سیمی فائنل تک پہنچ سکتا ہے؟
اولڈ ٹریفرڈ سے ہم نے کیا سیکھا
’یہ غلطیاں انڈیا کے خلاف دہرائیں تو ہار جائیں گے‘
’ایک دوسرے کو اپنی اچھی پرفارمنسز یاد دلائیں‘
محمد حفیظ نے شعیب ملک کا خاص طور پر ذکر کرتے ہوئے کہا کہ یقیناً ان کی کارکردگی بری رہی ہے لیکن یہ وقت ہر کرکٹر پر آتا ہے کہ آپ اچھا کرنے کی کوشش کرکے بھی کامیاب نہیں ہوتے۔ صرف ایک دو ناکامیوں پر 15، 20 سال کے کریئر کی خدمات کو بھلادینا درست نہیں ہے۔
محمد حفیظ کا کہنا ہے کہ ابھی تک پاکستانی ٹیم کی کارکردگی اچھی نہیں رہی اور اس کی ذمہ داری کسی فرد واحد پر نہیں ڈالی جا سکتی سب کو اس کی ذمہ داری لینی پڑے گی جس میں کھلاڑی اورسپورٹنگ سٹاف شامل ہیں۔
پاکستان کی کرکٹ ٹیم کے آل راؤنڈر کے خیال میں انڈیا کے خلاف شکست کا دکھ کھلاڑیوں کو اتنا ہی ہے جتنا کسی دوسرے پاکستانی کو ہے۔ اس شکست کو قبول کرتے ہوئے اپنی خامیوں کو دور کرنے کی ضرورت ہے۔
جب محمد حفیظ کو یاد دلایا گیا کہ وزیراعظم عمران خان نے بھی ٹیم کو مشورہ دیا تھا کہ ٹاس جیت کر پہلے بیٹنگ کی جائے اس کے باوجود پہلے بولنگ کا فیصلہ کیوں کیا گیا تو ان کا جواب تھا کہ ٹاس کے بارے میں اتنی بحث نہیں ہونی چاہیے۔
ان کا کہنا تھا کہ ٹویٹس پڑھ کر کوئی بھی فیصلے نہیں کرتا۔ کسی کی رائے لے کر کوئی اپنی رائے تبدیل نہیں کرتا۔ سرفراز کو جو بھی فیصلہ بہترین لگا وہ انھوں نے کیا، یہ ٹیم کا فیصلہ تھا جو کنڈیشنز کو دیکھتے ہوئے کیا گیا تھا۔ بولرز اچھی بولنگ کرکے انڈین بلے بازوں کو دباؤ میں نہیں لاسکے۔
پاکستانی کرکٹ ٹیم اس وقت ورلڈ کپ کے پوائنٹس ٹیبل پر نویں نمبر پر ہے اور یہ بات محمد حفیظ کے لیے بڑی تکلیف دہ ہے۔
ان کا کہنا ہے ’یہ دباؤ سے زیادہ دکھ کی بات ہے کہ پاکستانی ٹیم ورلڈ کپ میں اس جگہ موجود ہے تاہم ہماری ٹیم کا چانس ابھی ختم نہیں ہوا اور پاکستانی ٹیم کی یہ تاریخ ہے کہ وہ گر کر اٹھتی ہے۔ اگلے میچ کی تیاری میں کوئی کمی نہیں چھوڑ رہے۔ امید ہے کہ آئندہ میچوں میں اچھی کارکردگی کا مظاہرہ کریں گے۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).