پیٹرول کی قیمت میں پانچ روپے اضافے پر شدید عوامی ردعمل
بدھ کی شب جب وفاقی حکومت نے آئل اینڈ گیس ریگولیٹری اتھارٹی (اوگرا) کی سفارش کے مطابق پیٹرولیم مصنوعات کی قیمتوں میں اضافہ کرنے کا نوٹیفیکشن جاری کیا تو پیٹرول کی قیمت میں 5 روپے 15 پیسے کے اضافے کے ساتھ ساتھ سوشل میڈیا پر بھی petrolprice# سب سے تیزی سے ٹرینڈ ہوتا ہوا موضوع بن گیا۔
یاد رہے کہ دو ماہ قبل عیدالفطر سے قبل بھی وفاقی حکومت نےاوگرا کی جانب سے پیٹرولیم مصنوعات کی قیمتوں میں اضافے کی تجویز کو منظور کرتے ہوئے پیٹرول کی قیمت میں 4 روپے 26 پیسے کا اضافہ کیا تھا جس کے بعد فی لیٹر پیٹرول 112 روپے 68 پیسے کا ہوگیا تھا.
اور اس سے قبل مئی میں پیٹرول کی قیمت میں 9 روپے 42 پیسے اضافہ کرتے ہوئے نئی قیمت 108 روپے 31 پیسے فی لیٹر مقرر کی گئی تھی۔
سوشل میڈیا پر حکومت کے اس فیصلے پر شدید تنقید نظر آئی اور لوگوں نے وزیرِ اعظم عمران خان اور پاکستان تحریک انصاف کی حکومت کو آڑے ہاتھ لیتے ہوئے کہا کہ غریب عوام کی زندگی مشکل کی جا رہی ہے۔
صبور نے ٹویٹ کرتے ہوئے کہا کہ ’خان صاحب، پلیز پویلین واپس چلے جائیں، سیاست کرنا آپ کے بس کی بات نہیں ہے۔ آپ مسلسل غریب پر دباؤ ڈال رہے ہیں۔’
#petrolprice
Khan Sahib please go back to pavilion. You can't play this game of politics.
Continously you are pressurising the poor.— Muhammad Abdul Saboor (@fluidengineer31) July 31, 2019
براؤن گرل کے نام سے ایک صارف نے ٹویٹ کرتے ہوئے لکھا کہ ’جب عمران خان نے کہا تھا میں ان کو رلاؤں گا، تو مجھے احساس نہیں تھا کہ وہ ہم سب کے بارے میں بات کر رہے ہیں۔‘
https://twitter.com/the_desi_dream/status/1156647910068633600
سید سعد احمد نے پیٹرول کی قیمت بڑھنے پر تبصرہ کرتے ہوئے لکھا کہ ’اب وقت آگیا ہے کہ میں اپنی سائیکل گیراج سے نکال کر صاف کروں اور استعمال کرنا شروع کر دوں۔ اب یہی میری ہمسفر ہے۔‘
I think the time has come that I should take out my bycycle from garage and clean it and start using it for travelling purpos like from home to University and etc. Ab yahi meri humsafar he #petrolprice
— SYED SAAD AHMAD (@mattttmurdockk) July 31, 2019
فراز لکھتے ہیں کہ اب کیونکہ پیٹرول کی قیمت 100 روپے سے اوپر ہی رہے گی تو حکومت کو چاہیے کہ وہ عوامی ٹرانسپورٹ، سکول بس اور سائیکلوں کے استعمال پر زور دے۔ صحت کے لیے بھی مؤثر اور ماحول کے لیے بھی۔‘
Petrol price will permanently remain above 100 rupees. Govt should promote public transport, school buses and bicycles. Good for health and environment #petrolprice
— faraz (@faraz_lhr) July 31, 2019
یہ بات بھی عام مشاہدے میں ہے کہ پیٹرول کی قیمت بڑھنے کا اعلان ہونے سے پیشتر ہی مختلف چیزوں کی قیمتوں اور ٹرانسپورٹ کرائیوں میں اضافہ کر دیا جاتا ہے۔ اسی کی نشاندہی کرتے ہوئے ایک ٹوئٹر صارف کا دعویٰ تھا کہ ان کا آج صبح ہی صبح (پبلک ٹرانسپورٹ کے) کرائے کی وجہ سے جھگڑا ہوا ہے۔
صبح صبح ھی کرائے کی وجہ سے جھگڑا ہو گیا ہے
تبدیلی آ نہیں رہی
تبدیلی آ گئی ہے
#petrolprice— Aamir Ishaq (@AamirIshaq_) August 1, 2019
ایک اور صارف نے چند دن قبل وزیرِ اعظم عمران خان کی جانب سے روٹی کی قیمتوں میں اضافے کا نوٹس لینے کو طنز کا نشانہ بناتے ہوئے کچھ یوں تبصرہ کیا کہ وزیرِ اعظم نے روٹی کی قیمت میں اضافے کا سخت نوٹس لیتے ہوئے پیٹرول کی قیمت میں فی لیٹر ساڑھے پانچ روپے اضافے کی منظوری دے دی۔
وزیراعظم نے روٹی کی قیمتوں میں اضافے کا سختی سے نوٹس لیتے ہوئے پٹرول کی قیمت میں فی لیٹر ساڑھے 5 روپے کے اضافے کی منظوری دیدی
— پاکستانی قوم (@KhalidM64066361) July 31, 2019
واضح رہے کہ حکومت کی جانب سے پیٹرول کی قیمتوں میں یہ اضافہ سال 2019 میں پانچویں بار ہوا ہے۔
- میٹا کو فیس بک، انسٹاگرام پر لفظ ’شہید‘ کے استعمال پر پابندی ختم کرنے کی تجویز کیوں دی گئی؟ - 28/03/2024
- ’اس شخص سے دور رہو، وہ خطرناک ہے‘ ریپ کا مجرم جس نے سزا سے بچنے کے لیے اپنی موت کا ڈرامہ بھی رچایا - 28/03/2024
- ترکی کے ’پاور ہاؤس‘ استنبول میں میئر کی نشست صدر اردوغان کے لیے اتنی اہم کیوں ہے؟ - 28/03/2024
Facebook Comments - Accept Cookies to Enable FB Comments (See Footer).