شمالی کوریا کا مزید دو میزائلوں کا تجربہ، جنوبی کوریا کا دعویٰ

  •  
  •  
  •  
  •  
  •  
  •  
  •  
  •  
  •  
  •  
  •  
  •  

میزائل تجربہ

AFP
شمال کوریا نے گزشتہ چند ہفتوں میں کئی میزائل تجربات کیے ہیں

جنوبی کوریا کی فوج کے مطابق شمالی کوریا نے دو نامعلوم قسم کے میزائل داغے ہیں جو کہ دو ہفتوں سے بھی کم عرصے میں کیا گیا چوتھا میزائل تجربہ ہے۔

ایک بیان کے مطابق ان میزائلوں کو جنوبی صوبہ ہانگ ہائے سے مشرق کی جانب سمندر میں داغا گیا ہے۔

امریکہ نے کہا ہے کہ وہ صورتحال کی نگرانی کر رہا ہے اور جنوبی کوریا اور جاپان سے مشاورت کر رہا ہے۔

شمالی کوریا نے پیر کے روز امریکہ اور جنوبی کوریا کے درمیان شروع ہونے والی فوجی مشقوں پر برہمی کا اظہار کیا ہے۔

شمالی کوریا کے مطابق یہ مشقیں امریکی صدر ڈونلڈ ٹرمپ اور جنوبی کوریا کے صدر مون جے ان کے ساتھ طے پانے والے معاہدوں کی خلاف ورزی ہیں۔

یہ بھی پڑھیے

شمالی کوریا کا ایک اور میزائل تجربہ

شمالی کوریا ’راکٹ لانچ‘ کی تیاری میں مصروف

’جوہری ہتھیاروں کے خاتمے کے لائحہِ عمل پر اتفاق‘

شمالی کوریا کی وزارت خارجہ نے ایک بیان میں دونوں اتحادیوں پر فوجی مشقوں کا جواز پیش کرنے کے لیے ’ہر طرح کی تدبیریں چلانے‘ کا الزام عائد کیا ہے اور کہا ہے کہ ان کی ’جارحانہ فطرت‘ پر پردہ نہیں ڈالا جاسکتا۔

ہیلی کاپٹر

EPA
شمالی کوریا نے پیر کے روز امریکہ اور جنوبی کوریا کے درمیان شروع ہونے والی فوجی مشقوں پر برہمی کا اظہار کیا ہے

ماضی میں کیے گئے میزائل تجربے

جنوبی کوریا کے حکام کے مطابق گزشتہ جمعے شمالی کوریا نے کم فاصلے تک ہدف کو نشانہ بنانے والے نئی قسم کے میزائلوں کا تجربہ کیا تھا۔

جنوبی کوریا کے جوائنٹ چیفس آف سٹاف کے حکام کے مطابق یہ دو میزائل بحیرہ جاپان میں جا کر گرے۔

جوائنٹ چیفس آف سٹاف کے مطابق ان میزائلوں نے انتہائی سست روی سے تقریباً 220 کلومیٹر کا فاصلہ طے کیا تاہم تجزیہ کاروں کے مطابق میزائل بظاہر غیر معمولی طور پر تیز رفتار تھے۔

جنوبی کوریا کے مطابق بدھ کے روز شمالی کوریا نے دو میزائلوں کا تجربہ کیا جنھوں نے 250 کلو میٹر کا فاصلہ طے کیا اور جاپان کے سمندر میں جا گرے۔

25 جولائی کو بھی شمالی کوریا نے دو میزائلوں کا تجربہ کیا جن میں سے ایک نے چھ سو نوے کلو میٹر کا فاصلہ طے کیا۔

واضح رہے کہ یہ تجربہ جون میں امریکی صدر ڈونلڈ ٹرمپ اور شمالی کوریا کے صدر کم جونگ ان کے درمیان کوریا کے غیر فوجی علاقے میں ہونے والی ملاقات کے بعد کیا گیا تھا۔ اس ملاقات میں فریقین نے جوہری ہتھیاروں کو تلف کرنے کے لیے مذاکرات کو جاری رکھنے پر اتفاق کیا تھا۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10441 posts and counting.See all posts by british-broadcasting-corp