کشمیر میں سیکیورٹی فورس کے کمانڈر کی خودکشی
انڈیا کے زیر انتظام کشمیر میں تعینات نیم فوجی دستے سینٹرل ریزرو پیرا ملٹری فورس کے ایک اسٹنٹ کمانڈر نے اپنے ہی پستول سے خود کشی کر لی۔
انڈیا کے سرکاری خبر رساں ادارے پی ٹی آیی نے حکام کے حوالے سے خبر دی ہے کہ 33 سالہ ایم اروند جن کا تعلق سی آر پی ایف کی 40ویں بٹالین سے تھا وہ جمعے کی صبح اننت ناگ کے علاقے صدر میں واقع اپنی رہائش گاہ پر مردہ حالت میں پائے گئے۔
حکام کا کہنا ہے کہ انھوں نے اپنے سرکاری پستول سے خود کو گولی ماری تھی۔
اروند سی آر پی ایف میں سنہ 2014 میں براہ راست بھرتی کے ذریعے شامل ہوئے تھے اور اسی ماہ چودہ اگست کو چھٹی کے بعد دوبارہ جوائن کیا تھا۔
ان کی شریک حیات بیس اگست کو اننت ناگ پہنچیں تھیں۔ حکام کے مطابق اروند نے خود کشی کسی خاندانی جگھڑے کی بنا پر کی ہے۔
سی آر پی ایف کے ایک اہلکار نے کہا کہ ابتدائی تحقیقات کے مطابق اس خود کشی کا محرک کوئی خاندان جھگڑا تھا۔
انھوں نے سماجی رابطوں کی ویب سائٹس پر چلنے والی ان خبروں کی تردید کی کہ سی آر پی ایک کمانڈر نے نامناسب حالت کار، اور ناکافی سہولیات سے تنگ آ کر اپنی جان لے لی۔
انھوں نے کہا کہ اس بات کے کوئی شواہد نہیں ملے ہیں۔
ماضی میں بھی کشمیر میں تعینات پولیس اور فوجی اہلکار کی خود کشیوں کے واقعات ہوتے رہے ہیں۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).