کوئٹہ: بین الاقوامی نمائش میں طلبہ کی بوریوں پر خوبصورت پینٹنگ

محمد کاظم - بی بی سی اردو ڈاٹ کام، کوئٹہ

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بوری

BBC

بوری ایک ایسی چیز ہے جسے پرانا یا ناقابلِ استعمال ہونے پر شاید ہی کوئی زیادہ دیر تک اپنے پاس رکھے۔

ایک بوری پرانی ہو جائے تو عام طور پر اس کا مقدر کوڑے کا ڈھیر ہوتا ہے لیکن بلوچستان یونیورسٹی میں پینٹنگ کی پہلی بین الاقوامی نمائش میں کچھ اور دیکھنے کو ملا۔

بوری

BBC

وہ یہ کہ اگر پرانی بوری پر پینٹنگ کی جائے تو وہ نئی سے زیادہ خوبصورت نظر آتی ہے۔ پینٹنگ کے بعد اسے کسی گھر، ریستوراںٹ یا دفتر کی دیوار کی زینت بھی بنایا جا سکتا ہے۔

بوری

BBC

اس نمائش کا اہتمام بلوچستان یونیورسٹی کے فائن آرٹس ڈیپارٹمنٹ نے کیا جس سے قبل اس ادارے کی تین روزہ تربیتی ورکشاپ منعقد کی گئی تھی۔

بوری

BBC

اس تربیتی ورکشاپ کے لیے عمان سے سینئر آرٹسٹ موسیٰ عمر کو خصوصی طور پر مدعو کیا گیا تھا۔

بوری

BBC

انھوں نے یونیورسٹی کے طلبہ کو یہ سکھایا کہ جس چیز کو ہم پرانی سمجھ کر پھینک دیتے ہیں وہ بھی کارآمد ہوتی ہے۔ ان میں پرانی بوریاں بھی شامل ہیں۔

بوری

BBC

انھوں نے نوجوان طلبا کو یہ بتایا کہ پرانی بوریوں پر پینٹنگ کر کے ان کو کس طرح خوبصورت اور جاذب نظر بنایا جا سکتا ہے۔

تین روزہ تربیتی ورکشاپ کے دوران بوریوں پر مختلف اقسام کے فن کا مظاہرہ کیا گیا۔

بوری

BBC

اس موقع پر موسیٰ عمر نے بتایا کہ بوری ایسی چیز ہے جس کی جانب لوگ دھیان نہیں دیتے۔ اس کی قیمت کو نہیں جانتے اور اس کو پھینک دیتے ہیں۔

انھوں نے کہا کہ انھوں نے بوری کو قیمت دی جس کا اندازہ اس پر ہونے والی خوبصورت پینٹنگ سے لگایا جاسکتا ہے۔

بوری

BBC

موسیٰ عمر نے بتایا کہ یونیورسٹی کے طلبہ نے تین روز میں بوری پرپینٹنگ کرنا سیکھی اور اس کے بعد بہت اچھا کام کیا۔

بوری

BBC

یوینورسٹی کے طالب علم محمد آصف نے بتایا کہ پہلے ہم اپنی پرانی اشیا کو کوڑا کرکٹ سمجھ کر پھینک دیتے تھے۔ لیکن اس ورکشاپ میں پتا چلا کہ اسے بھی استعمال میں لایا جاسکتا ہے۔

بوری

BBC

ان کا کہنا تھا کہ اس بین الاقوامی نمائش سے انھیں نئے انداز میں سوچنے پر مجبور کیا گیا۔

یونیورسٹی کے ایک اور طالب علم نجیب بلوچ نے بتایا کہ عمان کے سینئر آرٹسٹ نے یہ فن سکھا کر انھیں ایک تحفہ دیا ہے۔

بوری

BBC

ان کے مطابق دو دن کی ورکشاپ کے بعد انھوں نے ہزاروں سال قدیم تہذیب کے مرکز مہر گڑھ کو پینٹنگ کے ذریعے اجاگر کر دیا۔

نجیب بلوچ نے بتایا کہ بوری پر پینٹنگ کا کام پہلے بھی مختلف علاقوں میں ہوتا رہا ہے لیکن بلوچستان میں یہ پہلی مرتبہ ہوا۔

بوری

BBC

تربیتی ورکشاپ میں شریک ایک طالبہ نے بتایا کہ اس ورکشاپ سے طلبہ نے عمدہ کام سیکھا۔

ان کا کہنا تھا کہ انھوں نے بوری پر پینٹنگ سیکھنے کے بعد اس پر گوادر کی تصویر بنائی جو کہ بڑا تجارتی مرکز بننے والا ہے۔

۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 9988 posts and counting.See all posts by british-broadcasting-corp