منی کوپر: دنیا کی سب سے مقبول چھوٹی گاڑی کے 60 سال مکمل


گاڑیوں کے شوقین افراد منی کوپر کے نام سے تو یقیناً واقف ہوں گے۔ کاریں بنانے والی کمپنی بی ایم ڈبلیو کی اس گاڑی کو 60 سال مکمل ہو چکے ہیں۔

اس کار کو سر الیگزینڈر ایسی گونیس نے برٹش موٹر کارپوریشن کے لیے ڈیزائن کیا تھا، لیکن اس چھوٹی سی گاڑی کو دنیا بھر میں بہت شہرت ملی۔

اس کی مقبولیت کے پیچھے ’دی اٹالین جاب‘ جیسی ہالی وڈ فلموں میں اس کا نمایاں کردار تھا۔

ایک چیز جو برسوں بعد بھی اس میں تبدیل نہیں ہوئی وہ یہ کہ اب بھی اس کو بی ایم ڈبلیو کی جانب سے برطانیہ کے شہر اکسفورڈ میں ہی تیار کیا جاتا ہے۔

منی کوپر کے چند شوقین اور دلدادہ افراد نے اس کار سے جڑی اپنی کہانیاں بیان کیں ہیں۔

Chris Moss

Chris Moss

لنکن سے تعلق رکھنے والے منی کوپر گاڑی کے دلدادہ کرس ماس کے پاس صرف ایک ہی نہیں، بلکہ منی کوپر گاڑیاں ہیں جن میں سے سب سے پرانی سنہ 1962 ماڈل کی ولسلی ہارنیٹ (تصویر میں بالکل دائیں طرف) ہے۔

ان کا کہنا ہے کہ انھیں اس گاڑی کا شوق 17 برس کی عمر میں ہوا اور وہ اتنی بچت کرنے کے قابل ہوگیے تھے کہ وہ پرانی گاڑی خرید کر اسے قابل استعمال بنا سکیں۔

کریس نے بتایا کہ ’میں اپنے وقت اور پیسے کا زیادہ تر حصہ گاڑیوں پر صرف کرتا تھا۔ یہ سستا شوق نہیں ہے لیکن کیا کریں شوق کا کوئی مول نہیں ہے۔‘

سارہ نکول ایک ایسے گھرانے میں پروان چڑھی جہاں ان کی والدہ اور والد کے پاس اپنی اپنی منی کوپر کاریں تھیں لہذا ان کے لیے اپنی گاڑی خریدنا صرف مناسب وقت کی بات تھی

ایک نیلے رنگ کی ہوائین ماڈل کی منی کوپر اور ایک سرخ گاڑی ایڈی کے ساتھ آغاز کرتے ہوئے سارہ اور اس کے ساتھی نے گذشتہ سال ایک پرجوش گروپ شروع کیا۔

Mini cars and tents

Jack Parker

جیک پارکر اور ان کی گرل فرینڈ ریا نے حال ہی میں لیسٹر شائر میں واقع ملیوری پارک میں ہونے والے منی ان دی پارک نامی میلے میں شرکت کی تھی۔

گذشتہ چار سال سے منی کوپر رکھنے والے جیک کا کہنا ہے کہ میں نے بہت سے کار شوز میں شرکت کی ہے اور اسی وجہ سے میں بہت سے نئے لوگوں سے ملا ہوں‘

’یہ بہت ہی شاندار گروپ ہے۔‘

Tom with his modified 1987 Mini Mayfair.

Tom Shorrock
ٹام کا کہنا ہے کہ منی تناؤ سے بچنے کے ساتھ ساتھ گفتگو کا آغاز کرنے کا بہانہ بھی ہے

ٹام شورک جب 16 برس کے تھے تو ان کو اپنی پہلی منی کوپر خریدنے کے لئے بہت مشکل سے بچت کرنی پڑی تھی کیونکہ اس وقت انھوں نے بطور شاگرد الیکٹریشن کام شروع کیا تھا۔

وہ یاد کرتے ہیں کہ ان کی پہلی گاڑی نارنجی رنگ کی تھی جبکہ کہ اس چھت کالی تھی اور اس کا انٹیرئر بھی میچنگ تھا۔

برسوں بعد بھی ٹام کو یہ برانڈ پسند ہے اور وہ اپنی کار کے بارہے میں بات کرتے ہوئے اسے تناؤ سے چھٹکارے کا ایک ذریعہ بتاتے ہیں۔

’مجھے منی کوپر سے محبت ہے جس طرح سے وہ بات چیت کے آغاز کا سبب بنتی ہیں اور انھیں چلا کر جو احساس مجھے ہوتا ہے۔‘

Green 1996 Mini 35

Steve Brown

سٹیو براؤن جو اس منی کوپر کے مالک ہیں کا کہنا ہے کہ ’یہ ایک مکمل طور پر اچھی کار کا احساس دیتی ہے۔‘

جے اور جون کی بیٹی ولو کلاسیک گاڑی سے خاندانی پیار جاری رکھے ہوئے ہیں۔ وقت گزرنے کے ساتھ ساتھ جے منی کوپر ایس اور جون کوپر ورکس کے مالک ہیں۔

’میں نے پہلی مرتبہ کوپر کو اس وقت چلایا جب میں کالج میں تھا اور تب سے اس کی محبت میں گرفتار ہوا۔‘

Mr Bean with full-size Mini and toy model

@corgi

حال ہی میں برسٹل میں ہونے والے منی کوپر کے عالمی میلے میں مخلتف قدیم ماڈلز کی گاڑیوں کو نمائش کے لیے پیش کیا گیا۔

یہ میلہ اس چھوٹی اور مقبول کار کی ساٹھویں سالگرہ کی مناسبت سے منقد کیا گیا جس میں مقبول کردار مسٹر بین سمیت چند مشہور شخصیات نے بھی شرکت کی۔

اور یہ یادگار سالگرہ کیک کے بنا مکمل نہیں ہو سکتی تھی جس کے لیے خصوصی کیک ونزویلا سے تعلق رکھنے والے منی کوپر کے شوقین اور انسٹاگرام بیکر ایونا پلیسٹرا نے تیار کیا تھا۔

منی کوپر کی بین الاقوامی مقبولیت کا ثبوت دیتے یہ تصویر سری لنکا کہ ہے جہاں اس کار کے شوقین دلینہ لیانج اپنے دوستوں کے ساتھ دیکھے جا سکتے ہیں۔

اور آخر میں جارج منی کے اس ماڈل سے پتہ چلتا ہے کہ ایک منی جس بھی سائز میں ہو پیاری لگتی ہے۔

مرتب کردہ برنڈیٹ میک کیگ، بی بی سی نیوز۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32296 posts and counting.See all posts by british-broadcasting-corp