فلسطینی پولیس چوکیوں پر خودکش حملوں میں تین افسر ہلاک

  •  
  •  
  •  
  •  
  •  
  •  
  •  
  •  
  •  
  •  
  •  
  •  

PALESTINE

Reuters
پہلا حملہ ایک چیک پوسٹ کے قریب موٹر سائیکل کے ذریعے کیا گیا

غزہ میں پولیس کی دو چوکیوں پر ہونے والے خودکش حملوں میں کم از کم تین فلسطینی پولیس اہلکار ہلاک ہو گئے ہیں۔

سکیورٹی ذرائع کا کہنا ہے کہ خدشہ ہے کہ یہ حملے شدت پسند تنظیم دولتِ اسلامیہ سے منسلک خودکش حملہ آوروں نے کیے ہیں۔

یہ بھی پڑھیے

یروشلم میں ٹرک حملہ دولتِ اسلامیہ نے کروایا: نتن یاہو

امریکہ نے فلسطین کی امداد روک دی

’امریکہ کی عزت کرنی چاہیے یا ہم اس سے آگے نہیں جا رہے‘

یہ حملے غزہ میں حماس کی جانب سے دولت اسلامیہ کے وابستہ جنگجوؤں کے خلاف آپریشن کے بعد ہوئے ہیں۔

سکیورٹی ذرائع نے بی بی سی کو بتایا کہ منگل کو حملہ کرنے والوں میں سے ایک حملہ آور پولیس کی حراست میں بھی رہا ہے۔

حملوں کے بعد غزہ میں ہنگامی حالت نافذ کر دی گئی ہے جبکہ سکیورٹی فورسز ہائی الرٹ ہیں۔

پہلا حملہ ایک چیک پوسٹ کے قریب موٹر سائیکل کے ذریعے کیا گیا اور اس میں دو پولیس افسران ہلاک جبکہ ایک فلسطینی زخمی ہوا۔

حماس کی وزارتِ داخلہ کا کہنا ہے کہ اس حملے کے ایک گھنٹے کے اندر دوسرا حملہ ہوا جس میں ایک اور افسر کی ہلاکت ہوئی اور متعدد افراد زخمی ہوئے۔

سکیورٹی فورسز نے ان حملوں کے بعد غزہ کی پٹی کی مرکزی شاہراہ پر سینکڑوں اہلکار تعینات کر دیے ہیں۔

حماس کو گاہے بگاہے سخت نظریات کے حامل اسلامی جنگجوؤں کی جانب سے اندرونی طور پر مزاحمت کا سامنا رہا ہے جن میں دولت اسلامیہ سے وابستہ عناصر بھی شامل ہیں۔

حماس نے سنہ 2007 کی خانہ جنگی کے دوران صدر محمود عباس سے غزہ کا کنٹرول لے لیا تھا۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10822 posts and counting.See all posts by british-broadcasting-corp