ٹوئٹر کے شریک بانی جیک ڈورسی کا اکاؤنٹ ہیک
ہیکروں نے سماجی رابطوں کی ویب سائٹ ٹوئٹر کے شریک بانی اور چیف ایگزیکٹو جیک ڈورسی کا اکاؤنٹ ہیک کر لیا ہے۔
ایک گروپ نے خود کو چکلنگ سکواڈ کا ذکر کرتے ہوئے کہا ہے کہ جیک ڈورسی کے اکاؤنٹ ہیک کرنے کے پیچھے ان کا ہاتھ ہے۔
واضح رہے کہ اس اکاؤنٹ جس کے 40 لاکھ سے زیادہ فالوورز ہیں نے ٹویٹ کیا جس میں تقریباً 15 منٹ تک انتہائی اشتعال انگیز اور نسل پرستانہ تبصرے ہوئے۔
ٹوئٹر نے بعد میں اس بات کی تصدیق کی اس نے اکاؤنٹ پر دوبارہ کنٹرول حاصل کر لیا ہے۔
یہ بھی پڑھیے
’33 کروڑ ٹوئٹر صارفین اپنے پاس ورڈز تبدیل کریں‘
ٹوئٹر کے بانی کی عجیب و غریب زندگی
ٹوئٹر انتظامیہ نے ایک ٹویٹ میں کہا ’اکاؤنٹ اب محفوظ ہے اور اس بات کا کوئی اشارہ نہیں کہ ٹوئٹر کے سسٹمز سے سمجھوتہ کیا گیا ہے۔‘
ٹوئٹر انتظامیہ کے مطابق کچھ نے @ جیک اکاؤنٹ کے ذریعے پیغامات براہ راست پوسٹ کیے جبکہ دوسروں نے دوسرے اکاؤنٹس سے یہ پیغامات ری ٹویٹ کیے، ن، کا لفظ کا استعمال کیا اور ہولو کاسٹ کے حوالے سے اینٹی سیمیٹک تبصرے کیے۔
ایک پوسٹ کے مطابق سوشل میڈیا کمپنی کے ہیڈ کوارٹرز میں بم تھا۔
واضح رہے کہ چکلنگ سکواڈ نے حال ہی میں ہائی پروفائل ٹوئٹر اکاؤنٹس پر متعدد حملوں کا سہرا لیا ہے جس میں بیوٹی ولاگر جیمز چارلس اور یو ٹیوب کی شخصیت ڈیسمونڈ اموفا سے تعلق رکھنے والا ایک اکاؤنٹ ہے، جسے @ ایٹکا کے نام سے جانا جاتا ہے جنھوں نے اس سال کے شروع میں بظاہر خود کشی کر لی تھی۔
ابھی یہ واضح نہیں ہے کہ ہیکروں نے کس طرح جیک ڈورسے کے اکاؤنٹ تک رسائی حاصل کی۔
جیک ڈورسی کے لیے یہ ایک شرمناک واقعہ ہے اور بہت سے سکیورٹی ماہرین نے یہ سوال اٹھایا ہے کہ کیا ان لوگوں کو، سب لوگوں میں سے، اس طرح کے حملے کو روکنے کے لیے مناسب تحفظ حاصل کرنا چاہیے تھا۔
- مریم نواز اور پنجاب پولیس کی وردی:’کیا وزیراعلیٰ بہاولنگر کے تھانے کا دورہ بھی کریں گی؟‘ - 25/04/2024
- غزہ کی اجتماعی قبروں میں لاپتہ اہلخانہ کی تلاش: ’ہم اس بات کی اجازت نہیں دے سکتے کہ یہ چھوٹا سا معاملہ بن کر دب جائے‘ - 25/04/2024
- رومانس سے بھرپور کامیڈی ڈراموں کا رواج پاکستان میں کہاں سے آیا؟ - 25/04/2024
Facebook Comments - Accept Cookies to Enable FB Comments (See Footer).