افغانستان، بنگلہ دیش ٹیسٹ سیریز: راشد خان ٹیسٹ میچ جیتنے والے سب سے کم عمر کپتان بن گئے

  •  
  •  
  •  
  •  
  •  
  •  
  •  
  •  
  •  
  •  
  •  
  •  

راشد خان

Getty Images
افغانستان نے بنگلہ دیش کے خلاف کھیلا گیا تیسرا ٹیسٹ میچ 224 رنز سے جیت لیا

بنگلہ دیش کے شہر چٹاگانگ میں میزبان ٹیم کو شکست دینے کے بعد افغانستان کے راشد خان ٹیسٹ میچ جیتنے والے سب سے کم عمر کپتان بن گئے ہیں۔

20 سالہ راشد خان نے افغانستان ٹیم کے کپتان کی حیثیت سے بنگلہ دیش کے خلاف تیسرے ٹیسٹ میچ میں نہ صرف 11 وکٹیں حاصل کیں بلکہ نصف سنچری بھی بنائی۔

ان کی تباہ کن بولنگ اور عمدہ بیٹنگ کی بدولت افغانستان نے بنگلہ دیش کے خلاف کھیلا گیا تیسرا ٹیسٹ میچ 224 رنز سے جیت لیا۔

یہ بھی پڑھیے

راشد خان: افغان پناہ گزین کا کرکٹ کی بلندیوں تک سفر

کرکٹ: کیا افغانستان کو پاکستان کا شکر گزار ہونا چاہیے؟

تیسرے ٹیسٹ میچ کی پہلی اور دوسری اننگز میں افغانستان نے بالترتیب 342 اور 260 رنز بنائے۔ جواب میں میزبان ٹیم بنگلہ دیش بالترتیب صرف 205 اور 173 رنز بنا پائی۔

راشد خان نے پہلی اننگز میں بنگلہ دیش کے پانچ جبکے دوسری اننگز میں چھ کھلاڑیوں کو آؤٹ کیا۔

راشد نے دوسری اننگز میں افغانستان ٹیم کے مجموعی سکور میں 51 رنز کا اضافہ بھی کیا تھا۔

افغان کرکٹ ٹیم کو ٹیسٹ سٹیٹس سنہ 2017 میں ملا تھا۔

راشد خان کو رواں برس جولائی میں افغانستان کی ایک روزہ، ٹی ٹوئنٹی اور ٹیسٹ ٹیموں کا کپتان مقرر کیا گیا تھا۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10800 posts and counting.See all posts by british-broadcasting-corp