افغانستان، بنگلہ دیش ٹیسٹ سیریز: راشد خان ٹیسٹ میچ جیتنے والے سب سے کم عمر کپتان بن گئے
بنگلہ دیش کے شہر چٹاگانگ میں میزبان ٹیم کو شکست دینے کے بعد افغانستان کے راشد خان ٹیسٹ میچ جیتنے والے سب سے کم عمر کپتان بن گئے ہیں۔
20 سالہ راشد خان نے افغانستان ٹیم کے کپتان کی حیثیت سے بنگلہ دیش کے خلاف تیسرے ٹیسٹ میچ میں نہ صرف 11 وکٹیں حاصل کیں بلکہ نصف سنچری بھی بنائی۔
ان کی تباہ کن بولنگ اور عمدہ بیٹنگ کی بدولت افغانستان نے بنگلہ دیش کے خلاف کھیلا گیا تیسرا ٹیسٹ میچ 224 رنز سے جیت لیا۔
یہ بھی پڑھیے
راشد خان: افغان پناہ گزین کا کرکٹ کی بلندیوں تک سفر
کرکٹ: کیا افغانستان کو پاکستان کا شکر گزار ہونا چاہیے؟
تیسرے ٹیسٹ میچ کی پہلی اور دوسری اننگز میں افغانستان نے بالترتیب 342 اور 260 رنز بنائے۔ جواب میں میزبان ٹیم بنگلہ دیش بالترتیب صرف 205 اور 173 رنز بنا پائی۔
راشد خان نے پہلی اننگز میں بنگلہ دیش کے پانچ جبکے دوسری اننگز میں چھ کھلاڑیوں کو آؤٹ کیا۔
راشد نے دوسری اننگز میں افغانستان ٹیم کے مجموعی سکور میں 51 رنز کا اضافہ بھی کیا تھا۔
افغان کرکٹ ٹیم کو ٹیسٹ سٹیٹس سنہ 2017 میں ملا تھا۔
راشد خان کو رواں برس جولائی میں افغانستان کی ایک روزہ، ٹی ٹوئنٹی اور ٹیسٹ ٹیموں کا کپتان مقرر کیا گیا تھا۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).