ایمی ایوارڈز 2019: لاس اینجلس میں ٹی وی کی دنیا کے اہم ترین ایوارڈز کی رنگارنگ تقریب
71ویں ایمی ایوارڈز کی تقریب میں ایچ بی او کی ٹی وی سیریز گیم آف تھرونز نے بہترین ڈرامہ کا ایوارڈ حاصل کیا ہے۔
اتوار کی شب امریکی شہر لاس اینجلس میں منعقدہ تقریب میں بہترین مختصر سیریز کا ایوارڈ بھی ایچ بی او کی ہی سیریز چرنوبل کو ملا۔
اس کے علاوہ بہترین کامیڈی ڈرامے کا ایوارڈ فلیبیگ کو دیا گیا
یہ رات فلیبیگ کی خالق برطانیہ سے تعلق رکھنے والی فیبی والر برج کے نام رہی جنھوں نے اسی ڈرامے کے لیے بہترین اداکارہ اور بہترین مصنفہ کے ایوارڈ بھی حاصل کیے۔
گیم آف تھرونز کے لیے دوسرا ایوارڈ پیٹر ڈنکلیج نے حاصل کیا جنھیں بہترین معاون اداکار قرار دیا گیا۔
ایوارڈ کی اس میں امریکی ٹی وی انڈسٹری کے مشہور اور مقبول ناموں نے شرکت کی اور تقریب کے آغاز سے قبل ’پرپل کارپٹ‘ پر اپنے جلوے دکھائے۔
بہترین اداکارہ کا ایوارڈ جوڈی کومر کو ڈرامہ کلنگ ایو کے لیے دیا گیا جن کا سفید لباس تقریب کے فوٹوگرافرز کی مرکزِ نگاہ رہا۔
اسی ایوارڈ کے لیے کلنگ ایو کی ہی ایک اور اداکارہ ساندرا او بھی نامزد تھیں لیکن کامیابی ان کے قدم نہ چوم سکی۔
’گلو‘ کی کاسٹ میں شامل اداکارہ بیٹی گلپن کو کامیڈی ڈرامے میں بہترین معاون اداکارہ کے ایوارڈ کے لیے نامزدگی تو ملی مگر ایوارڈ ایلکس بورسٹین لے اڑیں۔
روپال کی ڈریگ ریس کو بہترین ریئلیٹی کمپٹیشن سیریز قرار دیا گیا۔
دس از اس کے لیے مینڈی مور کو بہترین اداکارہ کے لیے نامزد کیا گیا تاہم کامیابی ان کے قدم نہ چوم سکی۔
اس ایوارڈ کے لیے ان کا مقابلہ اپنی ساتھی اداکارہ لینا ہیڈی اور گیم آف تھرونز کی اداکاراؤں میزی ولیمز اور صوفی ٹرنر سے تھا لیکن یہ ایوارڈ ڈرامہ سیریز ’اوزارک‘ کے لیے جولیا گارنر کے حصے میں آیا۔
حال ہی میں انڈین وزیراعظم مودی کو بل گیٹس فاؤنڈیشن کی جانب سے ایوارڈ دیے جانے پر تقریب کے بائیکاٹ کا اعلان کرنے والی جمیلہ جمیل بھی ایمی کی تقریب میں شریک تھی۔
ایمی ایوارڈز کی تقریب لاس اینجلس کے مائیکروسافٹ تھیٹر میں منعقد ہوئی تھی۔
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
Facebook Comments - Accept Cookies to Enable FB Comments (See Footer).