سعودی عرب: شاہ سلمان کے باڈی گارڈ میجر جنرل عبدالعزیز الفغم ’ذاتی تنازعے‘ پر قتل
سعودی عرب کے سرکاری ٹی وی کے مطابق شاہ سلمان کے ایک ذاتی محافظ میجر جنرل عبدالعزیز الفغم کو قتل کر دیا گیا ہے۔
انھیں سعودی فرمانروا کے انتہائی قریب سمجھا جاتا تھا۔
سعودی عرب کے ریاستی ٹی وی الاخباریہ کے مطابق مکہ ریجن کے پولیس ترجمان نے بتایا کہ میجر جنرل عبدالعزیز الفغم کو ان کے دوست نے ’ذاتی تنازعے‘ پر گولی مار کر ہلاک کیا گیا۔
المتحدث الإعلامي بشرطة منطقة مكة المكرمة: استشهاد اللواء عبدالعزيز الفغم بعد إطلاق النار عليه من صديقه وإصابة خمسة من رجال الأمن #الإخبارية
— قناة الإخبارية (@alekhbariyatv) September 29, 2019
اس واقعے پر سعودی حکام کی جانب سے مزید کوئی تبصرہ نہیں کیا گیا ہے۔
پولیس اطلاعات کے مطابق میجر جنرل الفغم جدہ میں شاہی محل سے چند کلومیٹر فاصلے پر اپنے ایک دوست کے گھر گئے تھے جہاں مبینہ طور پر ان کا اپنے دوست کے ساتھ جھگڑا ہوا۔
سعودی پولیس کا کہنا ہے کہ انھوں نے جائے وقوعہ کو گھیرے میں لیا لیکن مبینہ قاتل نے اپنے آپ کو پولیس کے حوالے کرنے سے انکار کیا جس پر سکیورٹی اہلکاروں کی فائرنگ سے قاتل ہلاک ہو گیا ہے جبکہ اس واقعہ میں پانچ سکیورٹی اہلکار بھی زخمی ہوئے ہیں۔
میجر جنرل الفغم سعودی عرب کے سابق فرمانروا عبداللہ بن عبدالعزیز آل سعود کے بھی ذاتی محافظ رہ چکے تھے اور شاہ سلمان کے تخت سنبھالنے پر انھوں نے اپنی ذمہ داریاں جاری رکھیں۔
اس واقعے پر سعودی عرب کے شاہی دربار کے مشیر ترکی علی الشیخ کی جانب سے ٹویٹ میں تعزیت کی گئی۔ عربی میں کی گئی اس ٹویٹ میں انھوں نے کہا کہ ’دس سال میں انھوں نے ان میں بہترین کام اور دیانتداری کے علاوہ کچھ نہیں دیکھا۔‘
الله يرحمك يابطل … عشرة سنين لم ارى منك الا كل خير واخلاص … كنت معي على الهاتف اليوم وتضحك وتتكلم عن الرياض … رحمك الله رحمك الله يا ابوعبدالله … الحمدالله على قضاءه وقدره … غير مستوعب اني لن اراك بعد اليوم! pic.twitter.com/gNEw0hKAgh
— TURKI ALALSHIKH (@Turki_alalshikh) September 29, 2019
Facebook Comments - Accept Cookies to Enable FB Comments (See Footer).