ملائشیا کے بادشاہ کا بوسہ، ملکہ کی تصاویر ٹوئٹر پر وائرل
بادشاہوں اور ملکاؤں کا نام سنتے ہی ذہن میں جو تصورات ابھرتے ہیں وہ جاہ و جلال اور کسی ایسی شخصیت کی عکاسی کرتے ہیں جو انتہائی سنجیدہ اور عام انسانوں سے احساسات اور جذبات میں مختلف ہیں۔
لیکن حقیقت ایسی نہیں۔ اس بات کا ثبوت حال ہی ملائشیا کی ملکہ عزیزہ آمنہ میمونہ کی ٹویٹر پر شئیر کی جانے والی وہ تصاویر ہیں جنھیں دنیا بھر میں صارفین نے پسند اور شیئر کیا۔
ملائشیا کی ملکہ نے تین اکتوبر کو اس وقت ٹوئٹر پر صارفین کی محبتیں سمیٹی جب انھوں نے بادشاہ شاہ سلطان رعایت الدین المصطفیٰ کے ساتھ ایک نجی فوٹو شوٹ کی چند بےتکلف تصاویر اپنے ٹوئٹر ہینڈل سے ٹویٹ کیں۔
https://twitter.com/cheminahsayang/status/1179692757901660160
یہ بھی پڑھیے
برما کا بھولا بسرا شاہی خاندان
بادشاہ نے اپنی سکیورٹی گارڈ سے شادی کر لی
ان تصاویر میں جہاں وہ ملائشیا کے بادشاہ شاہ سلطان رعایت الدین کے ساتھ ایک روائیتی فوٹو شوٹ میں دکھائی دے رہی ہے وہیں ایک تصویر ہے جس میں بادشاہ شاہ سلطان رعایت الدین المصطفیٰ ان کا بوسہ لینے کی کوشش کر رہے ہیں۔
یہ تصویر سوشل میڈیا پر سب سے مقبول ہوئی۔
https://twitter.com/cheminahsayang/status/1179692030240251904
ان تصاویر میں جہاں جوڑے کی نجی زندگی اور بادشاہ کے محبت کے جذبات کھل کر سامنے آئے وہیں سوشل میڈیا صارفین نے انھیں اپنی نجی زندگی کی ایک محبت بھری جھلک دکھانے پر بہت پسند کیا۔
ملکہ ملائشیا کی جانب سے ٹویٹ کی گئیں تصاویر میں سے چند میں ان کے پوتے شہزادہ آدم بھی دکھائی دے رہے ہیں جنھیں انھوں نے ’میرا پوتا آدم فوٹو بومب کرتے ہوئے‘ لکھ کر شئیر کیا۔
https://twitter.com/cheminahsayang/status/1179692552418549760
ان تصاویر کو جہاں ملائشیا کے مقامی اخبار دی سٹار آن لائن نے شائع کیا وہیں سوشل میڈیا صارفین اور خصوصاً ملائشیا کی عوام نے اپنی ملکہ کی جانب سے شئیر کی گئی تصاویر پر دل کھول کر رائے دی۔
اس میں سب سے زیادہ چرچا اس تصویر کا ہوا جس میں بادشاہ شاہ سلطان رعایت الدین المصطفیٰ کھل کر اپنی ملکہ رانی سے اظہار محبت کر رہے ہیں۔
ایک صارف نے ٹویٹ کرتے ہوئے لکھا کہ ’میری محترم ملکہ یہ سال کی بہترین تصویر ہو سکتی ہے۔ میرے محترم بادشاہ کی جانب سے یہ ایک نہایت ہی رومانٹک اور پیارا اندازِ اظہار ہے۔ خدا ہمارے بادشاہ اور ملکہ پر اپنی رحمت کرے۔‘
https://twitter.com/Jesjezlai/status/1179719796142665728
اسی طرح لیسلی گیل نامی ایک اور صارف نے ملائیا زبان میں ٹویٹ کرتے ہوئے لکھا ’آپ دونوں اتنے پیارے کیوں ہیں؟ محترم بادشاہ آپ کے چہرے پر مسکراہٹ بکھیرنے کے لیے آپ سے اظہار محبت کر رہے ہیں۔‘
https://twitter.com/EllieGailJM/status/1179692581552214016
ایک اور ٹویٹر صارف کا کہنا تھا کہ ’بہت بہت شکریہ ہماری پیاری ملکہ، اس تصویر کو ٹوئٹر پر موجود اپنے دوستوں سے شئیر کرنے کا بہت شکریہ۔‘
https://twitter.com/NhananNLI/status/1179712677960019970
نورسیرا نامی صارف نے اپنی ملکہ کی ان تصاویر پر جن میں ان کا پوتا شہزادہ آدم ان کے فوٹو شوٹ کو فوٹو بم کر رہا ہے پر تبصرہ کرتے ہوئے کہا کہ ’سو سویٹ مائی کوئین‘ یعنی میری ملکہ بہت خوبصورت ہیں۔
https://twitter.com/Norasirah15/status/1180025921031376897
- مختار انصاری کی موت: انڈیا میں انڈر ورلڈ کا بڑا نام جنھیں جیل میں ’زہر دیے جانے‘ کا ڈر تھا - 29/03/2024
- ماں بیٹی کے ملاپ کی کہانی: ’میں 17 سال بعد بیٹی کو دیکھ کر دوبارہ زندہ ہو گئی‘ - 29/03/2024
- شیاؤمی: چینی سمارٹ فون کمپنی نے الیکٹرک کار متعارف کروا کر کیسے ٹیسلا اور ایپل دونوں کو ٹکر دی - 29/03/2024
Facebook Comments - Accept Cookies to Enable FB Comments (See Footer).