امریکہ: کینساس میں ایک بندوق بردار نے چار افراد کو گولیاں مار کر ہلاک کر دیا
امریکہ کی وسط مغربی ریاست کینساس کے شہر کینساس سٹی کے ایک بار میں چار افراد کو گولیاں مار کر ہلاک کر دیا۔
مقامی پولیس نے ایک ٹویٹ میں بتایا ہے کہ 10 ویں اور مرکزی ایونیو پر ہونے والے اس واقعے میں مزید پانچ افراد زخمی بھی ہوئے ہیں۔
پولیس نے بعد میں بی بی سی کو بتایا کہ وہ ایک ہسپانوی نژاد شخص کی تلاش میں ہے جو جائے وقوع سے فرار ہے۔
یہ بھی پڑھیئے
کیلی فورنیا کے بار میں شوٹنگ، 13 افراد ہلاک
ملزم نے بعض ’طلبہ کو چھوڑ دیا کہ وہ کہانی سنا سکیں‘
امریکہ: سرکاری عمارت پر فائرنگ، 12 ہلاک، متعدد زخمی
ابھی تک اس واقعے کے محرکات اور بندوق بردار کے متعلق مزید کچھ نہیں بتایا گیا۔
مقامی میڈیا کی رپورٹس کے مطابق مقامی وقت کے مطابق تقریباً 1:30 پر گولیوں کی آوازیں سنی گئی۔ ان کا کہنا ہے کہ شہر کے مرکز میں واقع ٹیکیلا کے سی بار میں ہینڈگن کا استعمال ہوا۔
یہ واقعہ ٹیکساس میں ہونے والے ان دو مختلف واقعات کے کچھ ہفتے بعد ہوا ہے جن میں کم از کم 44 افراد ہلاک ہوئے تھے۔
اس سال امریکہ میں بڑے پیمانے پر شوٹنگ کے 40 واقعات ہوئے ہیں۔
وال مارٹ نے جو کہ امریکہ میں سب سے زیادہ اسلحہ فروخت کرنے والوں میں شامل ہوتا ہے، گذشتہ ماہ کہا تھا کہ وہ اسالٹ سٹائل ہتھیاروں اور ہینڈ گنز میں استعمال ہونے والی چند مخصوص گولیوں کی فروخت بند کر دے گا۔
لیکن امریکہ کی گن لابی، دی نیشنل رائفل ایسوسی ایشن، نے ان ترامیم کو ’شرمناک‘ قرار دیتے ہوئے کہا تھا کہ اس سے کاروبار متاثر ہوں گے۔
- انڈیا میں سول سروس کے امتحان میں کامیابی پانے والے مسلمان طلبہ: ’سخت محنت کا کوئی نعم البدل نہیں‘ - 20/04/2024
- ایرانی جوہری تنصیب اور ڈرون و بیلسٹک میزائل تیار کرنے والی فیکٹریوں کے مرکز اصفہان کی سٹریٹجک اہمیت کیا ہے؟ - 20/04/2024
- غزہ کی وہ تصویر جسے ’ورلڈ پریس فوٹو آف دی ایئر‘ کا ایوارڈ ملا: ’اس لمحے میں غزہ کے درد کی داستان موجود ہے‘ - 19/04/2024
Facebook Comments - Accept Cookies to Enable FB Comments (See Footer).