فواد چوہدری کے ٹویٹ پر ردِ عمل: ’پولیس کے ناکوں سے کیسے چھٹکارا پایا جائے؟ آپ کی تکنیکی تجاویز درکار ہیں‘
اب ایسا تو کم ہی ہوتا ہے کہ کسی حکومت کا کوئی وزیر ہم آپ سے کسی بڑے یا اہم فیصلے کے لیے رائے مانگے، نہیں؟ اکثر اوقات تو پالیسیز طے کرنے کے بعد عوام کو بتایا جاتا ہے۔ کچھ لوگ کہتے ہیں کہ جمہوریت کا مطلب ہی یہی ہے، کہ عوام اپنے نمائندے منتخب کرے اور پھر ایسے کام ان پر چھوڑ دیے جائیں۔ آخر معاشرے کو درپیش مسائل کے بارے میں سوچنے اور انہیں حل کرنے کے لیے ہی تو انہیں منتخب کیا جاتا ہے۔
لیکن پھر بھی، ذرا سوچیں، اگر کوئی حکومتی اہلکار، بلکہ اہلکار ہی نہیں وزیر آپ سے پوچھے کہ بھائی پولیس ناکے کیسے ختم کیے جائیں؟ تو آپ کیا کہیں گے؟
اگر آپ سے کسی وجہ سے مِس ہو گیا تو یہ دیکھیں، سائنس اور ٹیکنالوجی کے وفاقی وزیر فواد چوہدری کا ٹویٹ۔
https://twitter.com/fawadchaudhry/status/1182541621398818817?s=20
اس میں وہ کہہ یہ رہے ہیں کہ پولیس ناکوں کو ختم کیسے کیا جائے۔ جو بھی حل تجویز کریں وہ ٹیکنالوجی پر مبنی ہونا چاہیے اور اگر یہ حل آپ نے ان تک اگلے 3 ہفتے میں پہنچا دیا تو آپ کو بیس لاکھ روپے انعام بھی ملے گا!
اب ظاہر ہے ٹویٹ پر ردعمل تو آنا ہی تھا۔ یہ ٹویٹ چند ہی گھنٹوں میں، یہ الفاظ لکھنے تک ایک ہزار بار ری ٹویٹ ہو چکی ہے اور اسے ہزاروں لائکس حاصل ہوئے ہیں۔
کچھ کو وزیر صاحب کا انداز اور کچھ کو اقدام بہت پسند آئی، جیسے مصنف فوزیہ بھٹی نے لکھا کہ ’واہ! کیا بہترین آئیڈیا ہے! ناکوں کو پوری طرح ختم کرنے کا!‘
https://twitter.com/BhattiFouzia/status/1182575993858469888?s=20
اسی طرح صحافی اجمل جامی نے لکھا، ’یہ بہترین اقدام ہے چوہدری صاحب، مجھے یقین ہے کہ آپ کو منفرد آئیڈیاز ملیں گے!‘
https://twitter.com/ajmaljami/status/1182551726081171458?s=20
کچھ لوگوں نے آئیڈیاز بھی دیے، جیسے ’نیا پاکستان‘ کے نام سے ایک صارف نے لکھا، ’سی سی ٹی وی کو بہتر بنائیں اور ان کی تعداد بڑھائیں۔ ہمارے پاس سوشل میڈیا پر ’ویلی‘ عوام ہیں جو انہیں لائیو مانیٹر کر کے کوئی بھی مسئلے پولیس سٹیشن میں رپورٹ کر سکتے ہیں۔ اور میرے انعام کی رقم پنجاب پولیس میں لگا دیں!‘
https://twitter.com/wazim81/status/1182543394515480578?s=20
کچھ نے تنقید کی، جیسے کہ ’کشمیر کال‘ کے نام سے ایک صارف نے لکھا، ’میں خود بیس لاکھ اس وزیر کو دوں گا جسے ٹیکنالوجی کا استعمال کرنا آتا ہو۔ یا پھر مجھے بجٹ دیں، ایک نیا پولیس کلچر، جو ٹیکنالوجی کے ذریعے کنٹرول ہو اور پنجاب بھر میں سیف سِٹیز! آپ کے پاس اب بھی 4 سال ہیں!‘
https://twitter.com/Activist_Journo/status/1182548171869822976?s=20
اور کچھ کو صرف ہنسی آئی!
https://twitter.com/G_____Ram_____G/status/1182550902688735232?s=20
- صدام حسین کے ’سکڈ میزائلوں‘ سے ایرانی ڈرونز تک: اسرائیل پر عراق اور ایران کے براہ راست حملے ایک دوسرے سے کتنے مختلف ہیں؟ - 17/04/2024
- پنجاب میں 16 روپے کی روٹی: نئے نرخ کس بنیاد پر مقرر ہوئے اور اس فیصلے پر عملدرآمد کروانا کتنا مشکل ہو گا؟ - 17/04/2024
- اسرائیل پر حملے سے ایران کو فائدہ ہوا یا نتن یاہو کو؟ - 17/04/2024
Facebook Comments - Accept Cookies to Enable FB Comments (See Footer).