تھائی لینڈ کے بادشاہ نے ’بدتمیز‘ اور ’بےوفا‘ ساتھی سے شاہی اعزازات چھین لیے

  •  
  •  
  •  
  •  
  •  
  •  
  •  
  •  
  •  
  •  
  •  
  •  

سنینت وانگواجیرپاکدی

EPA

تھائی لینڈ کے بادشاہ وجیرا لانگ کورن نے اپنی ساتھی سنینت وانگواجیرپاکدی سے شاہی خاندان سے ’بدتمیزی‘ اور ’بے وفائی‘ کی پاداش میں تمام اعزازت چھین لیے ہیں۔

تھائی لینڈ کے بادشاہ وجیرا لانگ کورن نے سنینت وانگوجیرپاکدی کو چند ماہ پہلے ہی ’رائل نوبل کنسورٹ‘ کا لقب دیا تھا جو اب واپس لے لیا گیا ہے۔ کنسورٹ کا لقب بادشاہ کی جانب سے اپنی شریک حیات یا ساتھی کو دیا جاتا ہے۔

تھائی لینڈ کے 67 سالہ بادشاہ مہا وجیرالونگ کورن نے اپنی چوتھی اہلیہ ملکہ سوتھیدا سے شادی کے دو ماہ بعد جولائی میں سنینت کو ’شاہی کنسورٹ‘ اعزاز دیا تھا۔

پیر کو ایک شاہی گزٹ کے ذریعے اعلان کیا گیا کہ سنینت وانگواجیرپاکدی نے مئی میں بادشاہ کی چوتھی بیوی کو ملکہ کا درجہ دیے جانے کی ہر انداز میں مخالفت کی اور ان کا رویہ ’گستاخانہ‘ تھا۔

ایک سرکاری اعلان میں کہا گیا ہے ’سنینت وانگوجیرپاکدی کو ملکہ بننے کا بڑا شوق تھا اور وہ کوشش کر رہی تھی کہ وہ ملکہ کے برابر رتبہ حاصل کر لیں‘۔

سنینت وانگوجیرپاکدی میجر جنرل کےعہدے پر فائز تھیں اور وہ تربیت یافتہ پائلٹ، نرس اور باڈی گارڈ تھیں۔ وہ قریباً ایک صدی میں پہلی خاتون تھیں جنھیں رائل نوبل کنسورٹ کے لقب سے نوازا گیا تھا۔ اب ان سے تمام اعزازت چھین گئے ہیں۔

یہ بھی پڑھیے

تھائی لینڈ: ’شاہی کنسورٹ‘ کی نادر تصاویر نے تہلکہ مچا دیا

تھائی لینڈ کے بادشاہ کی رسمِ تاج پوشی

بادشاہ نے اپنی سکیورٹی گارڈ سے شادی کر لی

سنینت وانگواجیرپاکدی

Reuters

41 سالہ ملکہ سوتھیدا سابق فلائٹ اٹینڈنٹ اور بادشاہ وجیرالونگ کورن کی ذاتی گارڈز کے یونٹ کی ڈپٹی کمانڈر تھیں۔ ان کا بادشاہ وجیرالونگ کورن کے ساتھ پرانا تعلق ہے اور کئی سال تک ان کو عوام میں بادشاہ کے ساتھ دیکھا جاتا رہا ہے۔

اس اعلان میں کہا گیا ہے کہ سنینت وانگواجیرپاکدی نے رواں برس مئی میں ملکہ کی تعیناتی کو روکنے کے لیے ہر انداز میں مزاحمت کی۔

اعلان میں کہا گیا ہے کہ سنینت وانگواجیرپاکدی کو شاہی کنسورٹ کا اعزار دینے کا مقصد ہی اس دباؤ کو ختم کرنا تھا جس سے شاہی خاندان کو نقصان پہنچ سکتا ہے۔

اعلان میں مزید کہا گیا کہ سنینت وانگواجیرپاکدی ’اپنے عہدے کا ناجائز فائدہ اٹھاتے ہوئے بادشاہ کی جانب سے احکامات جاری کر رہی تھیں‘۔

اعلان میں کہا گیا کہ بادشاہ کو پتہ چلا کہ سنینت وانگواجیرپاکدی شاہی لقب ملنے پر شکرگزار تھیں اور نہ ہی ان کا رویہ عہدے سے مطابقت رکھتا تھا۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10758 posts and counting.See all posts by british-broadcasting-corp