پرویز مشرف کیس: خصوصی عدالت کی تشکیل کے خلاف درخواست کی سماعت فل بینچ کرے گا
چیف جسٹس لاہور ہائیکورٹ نے سابق فوجی صدر جنرل ریٹائرڈ پرویز مشرف کی طرف سے سنگین غداری کے مقدمے کی سماعت کرنے والی خصوصی عدالت کی تشکیل کو چیلنج کرنے والی درخواست کی سماعت کے لیے فل بنچ بنا دیا ہے۔
لاہور ہائیکورٹ کا تین رکنی فل بینچ آئندہ ماہ نو جنوری سے سابق فوجی صدر کی درخواست پر سماعت کرے گا۔ تین رکنی فل بینچ کے سربراہی ہائیکورٹ کے جسٹس مظاہر علی اکبر نقوی کریں گے۔
نامہ نگار عباد الحق کے مطابق چیف جسٹس لاہور ہائیکورٹ سردار شمیم احمد خان نے تین رکنی بینچ تشکیل دیا ہے جس کے دیگر ارکان میں جسٹس امیر بھٹی اور جسٹس مسعود جہانگیر شامل ہیں۔
یہ بھی پڑھیے
مشرف مردہ حالت میں ملیں تو لاش ڈی چوک پر لٹکائی جائے: جسٹس وقار
’آگ سے کھیلنے والوں کو علم نہیں کہ جل بھی سکتے ہیں‘
مشرف کو سزائے موت: ’افواج پاکستان میں شدید غم و غصہ اور اضطراب ہے‘
پیرا 66 سے آگے: خصوصی عدالت کے فیصلے میں کیا ہے؟
جسٹس مظاہر علی اکبر نقوی نے عین اس دن فل بنچ بنانے کی سفارش کی تھی جس دن خصوصی عدالت نے سابق آرمی چیف کو آئین کے آرٹیکل 6 کے تحت موت کی سزا سنائی تھی۔
سابق صدر جنرل ریٹائرڈ پرویز مشرف نے سابق گورنر پنجاب خواجہ احمد طارق رحیم کے توسط سے درخواست دائر کی جس میں سنگین غداری کے الزام میں اُس وقت سماعت کرنے والی عدالت کی تشکیل کو چیلنج کیا تھا۔
گزشتہ سماعت کے دوران خواجہ احمد طارق اور اُن کے معاون وکیل اظہر صدیق نے اعتراض اٹھایا تھا کہ سابق جنرل کے خلاف خصوصی عدالت کی تشکیل کے لیے قانونی تقاضے پورے نہیں کیے گئے۔
اظہر صدیق ایڈووکیٹ کے مطابق لاہور ہائیکورٹ کا تین رکنی فل بنچ سابق آرمی چیف کی درخواست کے قابل سماعت ہونے کے بارے میں فیصلے کرے گا۔
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- ہیلری کلنٹن کے ساتھ کام، غزہ جنگ پر ’خاموشی‘: غزہ کے لوگوں کے لیے میری حمایت پر کوئی کنفیوژن نہیں ہونی چاہیے، ملالہ یوسفزئی کا تنقید پر جواب - 25/04/2024
- کیا آئی پی ایل میں ’بے رحمانہ‘ بلے بازی کرکٹ کو ہمیشہ کے لیے بدل رہی ہے؟ - 25/04/2024
Facebook Comments - Accept Cookies to Enable FB Comments (See Footer).