عمران خان کی ٹویٹ: ’عالمی بردادی جاگ جائے اس سے پہلے کہ آر ایس ایس مسلمانوں کا قتل عام شروع کر دے‘

  •  
  •  
  •  
  •  
  •  
  •  
  •  
  •  
  •  
  •  
  •  
  •  

عمران خان

Getty Images
عمران خان نے اقوام متحدہ کی جنرل اسمبلی میں بھی آر ایس ایس پر تنقید کی تھی

پاکستان کے وزیراعظم عمران خان نے عالمی برادری کو انڈیا کی صورتحال سے خبردار کرتے ہوئے کہا ہے کہ وہ اپنی آنکھیں کھولے اس سے پہلے کہ آر ایس ایس مسلمانوں کا ایسا قتل عام شروع کر دے، جس کے سامنے ماضی کے سب قتل عام چھوٹے لگیں گے۔

مزید پڑھیے

’اینٹ کا جواب پتھر سے دیں گے، ہماری فوج تیار ہے‘

آر ایس ایس افطار لے کر تیار ہے

عمران خان نے یہ بات ٹویٹ جمعرات کو ایک سوشل میڈیا صارف سترا وجین کی ٹویٹ کے رد عمل میں کی جس میں انتہا پسند ہندو تنظیم راشٹریہ سیوک سنگھ(آر ایس ایس) کے ارکان کو اس ٹویٹ کے مطابق انڈیا کی ریاست تلنگانا میں مارچ کرتے ہوئے دیکھا جا سکتا ہے۔

وزیراعظم نے اپنے پیغام میں لکھا کہ جب بھی کسی دوسری کمیونٹی سے نفرت کی بنیاد پر ہٹلر کی براؤن شرٹس اور آر ایس ایس جیسی ملیشیا وجود میں آتی ہیں تو انجام قتل عام ہوتا ہے۔‘

وزیراعظم کے اس بیان پر جہاں ان کی حمایت کی جا رہی ہے وہیں کچھ ٹوئٹر صارفین ان پر تنقید بھی کر رہے ہیں۔

عمران خان کی جانب سے آر ایس ایس کے خلاف پہلی بار آواز نہیں اٹھائی گئی۔

وزیراعظم کے اس بیان پر جہاں ان کی حمایت کی جا رہی ہے وہیں کچھ ٹوئٹر صارفین ان پر تنقید بھی کر رہے ہیں۔

عمران خان کی جانب سے آر ایس ایس کے خلاف پہلی بار آواز نہیں اٹھائی گئی۔

وہ جب بھی وزیراعظم نریندر مودی کی حکومت کی بات کرتے ہیں تو وہ آر ایس ایس کا حوالہ ضرور دیتے ہیں۔

رواں برس عمران خان نے اپنی ایک ٹوئٹ میں لکھا کہ کشمیر کے عوام کے پیغام رساں کی حیثیت سے میں بین الاقوامی برادری کو فاشسٹ مودی حکومت کی جانب سے انسانی حقوق کی خلاف ورزیوں کے بارے میں آگاہ کرتا رہوں گا۔ مغربی دنیا نہیں جانتی کہ آر ایس ایس کا ایجنڈا جرمن نازیوں سےمتاثر ہے۔

https://twitter.com/ImranKhanPTI/status/1167440832754065408

وزیر اعظم پاکستان عمران خان نے کہا کہ ’انڈیا میں آج کی حکومتی جماعت ہٹلر کی نازی پارٹی سے متاثر ہو کر بنی تھی۔ ان کا مقصد بھی یہی تھا کہ یا تو مسلمانوں کو انڈیا سے نکال دیں یا پھر ان کو دوسرے درجے کے شہری کے حیثیت کے طور پر دیکھا جائے۔ جس کی مثال آج انڈیا کے زیر انتظام کشمیر میں ہونے والے ظلم سے صاف ظاہر ہے۔‘

عمران خان نے اقوام متحدہ کی جنرل اسمبلی میں بھی آر ایس ایس پر تنقید کی۔

آر ایس ایس کیا ہے؟

سخت گیر ہندو نظریاتی تنظیم راشٹریہ سویم سیوک سنگھ (آر ایس ایس) نامی تنظیم ابتدا سے ہی ہندوتوا کی جانب مائل جماعتوں اور تنظیموں سے وابستہ رہی ہے۔ بی جے پی اس کی سیاسی شاخ ہے۔ بجرنگ دل، وشو ہندو پریشد، بن واسی کلیان سمیتی، اور اکھل بھارتیہ ودیارتھی پریشد جیسی متعدد تنظیمیں اس کی محاذی شاخیں ہیں جو الک الگ علاقوں میں الگ الگ طریقے سے اپنا کردار ادا کرتی ہیں۔ ان سبھی تنظیموں کا نصب العین ہندوتوا کا فروغ ہے۔

آر ایس ایس کارکن

Getty Images
آر ایس ایس اپنے کارکنوں کو اپنے دفاع کے لیے لاٹھی چلانے کا ہنر سکھاتی ہے

ان میں بجرنگ دل اور وشو ہندو پریشد جیسی تنظیمیں اب اپنے ارکان کو لڑائی اور مسلح ٹکراؤ کی تربیت بھی دیتی ہیں۔ بجرنگ دل جیسی تنظیموں کی نوعیت ملیشیا جیسی ہے جن کا کردار انتخابات میں سماجی ٹکراؤ اور سیاسی مفاد کے حصول کے لیے دنگے فساد میں اکثر نظر آتا ہے۔

ان میں سے بعض تنظیموں نے اب خود کو سینا یعنی فوج کہنا شروع کر دیا ہے۔ ان تنظیموں کے حکمراں جماعت بی جے پی سے گہرے تعلقات ہیں۔ گائے کے تحفظ کے لیے بنائی گئی ’گؤ رکشا‘ سمیتیوں اور ‘اینٹی رومیو’ سکواڈ جیسے پرتشدد گروپوں میں انھی ملیشیا کے نوجوان شامل ہوتے ہیں۔

بی جے پی کے اقتدار میں آنے کے بعد آر ایس ایس کے ارکان کی تعداد میں زبردست اضافہ ہوا ہے۔ اس کے ارکان کی تعداد اب لاکھوں میں ہے جو تنظیم کے سربراہ کی ایک آواز پر منظم طریقے سے فوجی ڈسپلن کے ساتھ کھڑے ہوں گے۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 12817 posts and counting.See all posts by british-broadcasting-corp