چین کے ہاربن فیسٹیول میں بلند و بالا برفیلی عمارتیں دعوتِ نظارہ دیتی ہیں
چین کے معروف ہاربن آئس اینڈ سنو سکلپچر انٹرنیشنل فیسٹیول کا جشن اور آتشبازیوں کے ساتھ پانچ جنوری کو افتتاح ہوا۔
چین میں برف کا یہ سالانہ جشن شمال مشرقی صوبے ہیلونگجیان میں منعقد ہوتا ہے اور یہ دنیا بھر میں آئس اور سنو کی سب سے بڑی تقاریب میں سے ایک ہے۔
برف کی یہ دنیا تعمیر کرنے کے لیے مبینہ طور پر تقریبا دو لاکھ 20 ہزار مکعب میٹر آئس اور سنو کا استعمال کیا گیا ہے۔
اس برفانی دنیا میں آنے والوں کے لیے ایک بلند و بالا منجمد محل دیدہ زیب منظر پیش کر رہا ہے۔
یہاں تک کہ وہاں برف سے ایک بھاپ کے انجن والی ٹرین بھی بنائی گئی ہے۔
یہ 36 واں ہاربن آئش فیسٹیول ہے جس کی ابتدا پہلے پہل سنہ 1963 میں ہوئی تھی لیکن چین کے ثقافتی انقلاب کی وجہ سے یہ چند برسوں تک منعقد نہیں کیا گيا تاہم اب اسے پھر سنہ 1985 سے مسلسل منعقد کیا جا رہا ہے۔
بلند و بالا تعمیرات کے علاوہ اس سالانہ تقریب میں سلیجنگ، آئس ہاکی، آئس فٹبال، سپیڈ سکیٹنگ اور آلپائن سکیئنگ کے مقابلے ہوتے ہیں۔
ان کے علاوہ یخبستہ پانی میں تیراکی کے مقابلے بھی ہوتے ہیں۔ یہاں تیراکوں کو شونگوا دریا میں تیرتے یہاں دیکھا جا سکتا ہے۔
اس سالانہ تقریب کی خاص بات برف کے تھیم پر مبنی شادی کی تقاریب ہیں۔ رواں سال وہاں 40 سے زیادہ جوڑوں نے شادی رچائی۔
باربن آئس فیسٹیول 25 فروری 2020 تک جارے رہے گا۔
۔
- مسلم ملک اُردن نے اسرائیل پر داغے گئے ڈرون کیوں مار گرائے اور یہ ملک تاریخی اعتبار سے کہاں کھڑا ہے؟ - 16/04/2024
- ’میری آنکھ باہر نکل کر میرے چہرے پر لٹکی ہوئی تھی، میں سوچ رہا تھا کہ میں مر رہا ہوں‘: سلمان رشدی - 16/04/2024
- کھلاڑی کو کوڑے مارنے کے ’ذلت آمیز مناظر‘: سعودی فٹبال فیڈریشن کا شائقین کے لیے قوانین سخت کرنے کا فیصلہ - 15/04/2024
Facebook Comments - Accept Cookies to Enable FB Comments (See Footer).