ٹی وی پر گرل فرینڈ کے قتل کا انکشاف کرنے والے شخص کو پولیس نے گرفتار کر لیا
انڈین پولیس نے ٹی وی سٹوڈیوں میں اس وقت ایک شخںص کو گرفتار کر لیا جب وہ ٹی وی پروگرام کے دوران انھوں نے اپنی گرل فرینڈ سربجیت کور کے قتل کا انکشاف کرنے کے بعد باہر نکل رہے تھے۔ ان کی گرفتاری سے متعلق ٹی وی عملے نے پولیس کو اطلاع دی تھی۔
27 برس کے مانندر سنگھ چندی گڑھ شہر کے ٹی وی چینل نیوز18 کے آفس گئے اور ایک کیمرا مین کو بتایا کہ وہ اقبال جرم کرنا چاہتے ہیں۔
ٹی وی عملہ انھیں سٹوڈیو لے گیا اور ان کے انکشاف کو نشر کر دیا۔
یہ بھی پڑھیے
پروفیسر کے بیگ میں لڑکی کا کٹا ہوا بازو کیسے آیا؟
رونالڈو: گرل فرینڈ سے سیکس، بہترین گول سے بہتر
فلم جوکر سے مطابقت رکھنے والے اس واقعے نے میڈیا کے ضابطہ اخلاق پر بھی سوال اٹھا دیے ہیں۔
مانندر سنگھ نے ٹی وی پر بتایا کہ انھوں نے اپنی گرل فرینڈ کو اس وقت قتل کر دیا جب ان کا خاندان شادی پر راضی نہ ہوا۔
ان کا کہنا ہے کہ وہ اس وجہ سے ان واقعے کی ذمہ داری تسلیم کر رہے ہیں کیونکہ پولیس ان کے خاندان کو اس دن کے بعد سے تنگ کر رہی ہے جب وہ اپنی گرل فرینڈ کے ساتھ ایک ہوٹل میں داخل ہوئے تھے اور اس کے بعد سربجیت کور کی لاش ملی تھی۔
اس وقت سے مانندر سنگھ مفرور تھے۔
چندی گڑھ پولیس کے ایک اہلکار نہا یادیو نے بی بی سی پنجابی کی اروند چھابڑا کو بتایا کہ مانندر سنگھ شہرت اور ہمدردی سمیٹنا چاہتے تھے اور وہ یہ بھی چاہتے تھے کہ کوئی وکیل ان کے مقدمے کی مفت پیروی کرے کیونکہ ان کے پاس وکیل کی خدمات حاصل کرنے کے لیے پیسے نہیں تھے۔
مانندر سنگھ کا کہنا ہے کہ ان کی گرل فرینڈ سربجیت سنگھ کے خاندان نے ان کی مختلف ذات کی وجہ سے شادی سے انکار کیا۔
پنجاب پولیس نے بی بی سی کو بتایا کہ مانندر سنگھ پر ہریانہ میں اپنی ایک اور گرل فرینڈ کو بھی قتل کرنے کا بھی شبہ ہے۔
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).