اداکارہ انجمن نے طلاق کی تردید، عمرے پر جانے کا اعلان: شوہر کی طرف سے طلاق کی تصدیق کا بیان


ماضی کی معروف اداکارہ انجمن شاہین کو ان کے شوہر نے ایک طلاق دے دی ہے تاہم اداکارہ نے خبروں کی تردید کی ہے۔ وسیم علی عرف لکی علی نے اداکارہ انجمن شاہین سے گزشتہ سال جون میں پسند کی شادی کی تھی لیکن اطلاعات ہیں کہ وسیم علی نے انجمن کو ایک طلاق دے دی ہے جس کی تصدیق لکی علی اور انجمن کے مشترکہ فلمی دوست نے بھی کی ہے۔ وسیم علی نے خود بھی تصدیق کرتے ہوئے کہا کہ انہوں نے انجمن کو پہلی طلاق دے دی ہے تاہم انہوں نے طلاق کی وجوہات بتانے سے انکار کیا۔

دوسری جانب اداکارہ انجمن نے طلاق کی تردید کرتے ہوئے کہا کہ اپنے شوہر وسیم کے ہمراہ رواں ہفتے عمرے کی ادائیگی کے لیے جا رہی ہوں۔ انہوں نے یہ بھی کہا کہ اللہ پاک جھوٹی خبریں پھیلانے والوں کو ہدایت دے۔ ذرائع کے مطابق دونوں کے درمیان کافی عرصے سے اختلافات چل رہے تھے اس حوالے سے لکی علی اور انجمن کے مشرکہ فلمی دوست نے بھی طلاق دئیے جانے کی تصدیق کی ہے۔

واضح رہے کہ وسیم علی عرف لکی علی اور انجمن گزشتہ سال جون میں رشتہ ازدواج میں منسلک ہوئے تھے جب کہ انجمن شاہین کو ان کے شوہر وسیم لکی نے مبینہ طور پر حق مہرکے عوض دو کروڑ روپے، ہنڈا کار، دو کنال کا گھر نیز اسلام آباد کی ہاؤسنگ سوسائٹی میں 20 پلاٹس دیئے ہیں۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments