پاکستان میں سوشل میڈیا پر ’کم عمری‘ میں شادی کرنے والے جوڑے کی دھوم
پاکستانی سوشل میڈیا صارفین میں شادی کی صحیح عمر سے متعلق ایک بحث اُس وقت چھڑ گئی جب گذشتہ روز ایک شادی شدہ جوڑے کی تصاویر سوشل میڈیا پر وائرل ہوگئیں۔
سوشل میڈیا پر وائرل ہونے والی ان تصاویر میں بظاہر یہ جوڑا کم عمر معلوم ہوتا ہے اور اس پر بحث چھڑ گئی۔
البتہ متعدد صارفین نے جہاں اس جوڑے کے لیے نیک تمناؤں کا اظہار کیا وہیں دیگر صارفین نے کم عمری میں شادی کرنے سے متعلق مسائل کا بھی تذکرہ کیا۔
شادی کے بندھن میں بندھنے والے اسد کی بہن زرپاش خان نے سوشل میڈیا پر اس بات کی وضاحت کی کہ میاں بیوی کو شادی کرنے کے لیے گھر والوں کی جانب سے کسی قسم کی زور زبردستی نہیں کی گئی اور دونوں اپنے فیصلے پر بے حد خوش ہیں۔ تاہم انھوں بے ان کی عمریں واضح نہیں کیں۔
شادی کی آخر کوئی صحیح عمر ہوتی بھی ہے؟
سماجی رابطے کی ویب سائٹ ٹوئٹر پر صارفین اس موضوع پر تقسیم دکھائی دیے کہ آخر شادی کرنے کی صحیح عمر ہے کیا۔
ایک ٹوئٹر صارف نے مزاحیہ انداز میں پوسٹ کیا کہ جس عمر میں اسد اور نمرہ کی شادی ہوئی ہے اُس عمر میں تو وہ یہ فیصلہ نہیں کر پا رہے تھے کہ وہ اعلیٰ تعلیم کے لیے کس شعبے کا انتخاب کریں۔
Jis umar me is couple ne Shaadi ki us umar me humse to ye decide ni ho rhaa tha science le ya medical😂 pic.twitter.com/9BTHuscd2z
— Asad Tweets (@real_asad09) February 5, 2020
اس نو بیاہتہ جوڑے کی عمر سے متعلق بحث نے صارفین کو اس تجسس میں بھی مبتلا کردیا کہ آخر پاکستان میں کم عمر کی شادی سے متعلق قانون کیا کہتا ہے؟
پاکستان کے ایوان بالا یعنی سینیٹ نے گذشتہ سال کم عمری کی شادی سے متعلق ایک بل منظور کیا تھا جس کے مطابق لڑکی کی شادی کی عمر 16 سال سے بڑھا کر 18 سال کرنے کی تجویز دی گئی تھی۔
البتہ قومی اسمبلی میں پیش ہونے پر اس بل کو مذہبی جماعتوں سے مخالفت کا سامنا کرنا پڑا جس کے بعد اس بل کو قائمہ کمیٹی میں بھجوا دیا گیا اور تاحال اس بل پر کوئی پیش رفت نہیں ہوپائی ہے۔
‘جیو اور جینے دو’
پاکستانی معاشرے میں جہاں مذہبی اعتبار سے بیشتر لوگ اس بات پر زور دیتے دکھائی دیتے ہیں کہ شادی جلد ہوجانی چاہیے وہیں بہت سے لوگوں کے نزدیک ایک شخض کا صاحب استطاعت ہونا بھی لازمی ہے۔
ایک صارف نے کہا کہ اگر کوئی بھی شخض صاحب اسطاعت ہے تو کم عمر میں شادی کرنے میں کوئی قباحت نہیں۔
آج سوشل میڈیا کی سب سے وائرل تصویر جس پہ طرح طرح کے تبصرے کیے جا رہے ہیں مگر سچ تو یہ ہے کہ سب جل رہے ہیں ان کی شادی سے
میرے خیال میں اگر آپ صاحب استطاعت ہیں تو اس عمر میں شادی کرنے میں کوئی قباحت نہیں
گڈ لک pic.twitter.com/bwIDI0aYaV— Shahab Abbas (@Shahab_8000) February 4, 2020
پاکستان میں تجارتی برادری میں بالخصوص یہ رجحان پایا جاتا ہے کہ وہ اپنے بچوں کی شادی کم عمر میں کردیتے ہیں جس کے بعد اُن کے بچے اپنے خاندانی کاروبار میں ہاتھ بٹاتے ہیں۔
البتہ ایک صارف کے لیے صاحب اسطاعت ہونا یا اس جوڑے سے متعلق کوئی بھی ایسی چیز نہیں جس کو متنازعہ بنایا جائے۔
I have seen many memes on this pic. I'm not understanding why everyone is talking about this couple like this guy is very young or she's looking like his aunty, how will they manage their expenses? yar apko kya ye unka apna issue hai, jeeyo or jeeny do sukoon se or khush rehny do pic.twitter.com/Lcq5fAxMnv
— Maryam (@ihappygurl) February 4, 2020
مریم نامی ایک صارف نے اس جوڑے پر ہونے والی تنقید کا تذکرہ کرتے ہوئے کہا کہ کیا فرق پڑتا ہے اگر لڑکے کی عمر لڑکی سے کم ہے یا یہ جوڑا اپنے اخراجات کی دیکھ بال کیسے کرے گا۔
مریم نے اپنی ٹویٹ کے ذریعے صارفین کو ایک مفت مشورہ بھی دے ڈالا جس میں نو بیاہتہ جوڑے کی جانب اشارہ کرتے ہوئے ان کا کہنا تھا کہ ‘جیو اور جینے دو، سکون سے اور خوش رہنے دو‘۔
‘کنوارے ہی مریں گے ہم’
ان تصاویر پر جہاں کم عمری کی شادی سے متعلق بحث جاری ہے وہیں متعدد صارفین نے اپنی شادی نہ ہونے کے دکھ کا بھی اظہار کیا ہے۔
This young couple and their parents set an example for us and our parents 😍
Ab hmary parents ko b yahan sy motivate ho k hmari shaadi krwaa deni chahye 😢🙏
Single hi maren gy hum 💔#بات_بس_اتنی_سی_ہے pic.twitter.com/uIQREztgSJ— 𝓲'𝓶 𝓐𝓫𝓭 🖤 (@mohd_abdullah7) February 4, 2020
عبداللہ نامی ایک صارف نے کہا کہ ‘کنوارے ہی مریں گے ہم۔’ انھوں نے اسد اور نمرہ کو شادی کی مبارکباد تو دی مگر ساتھ ہی اس امید کا بھی اظہار کیا کہ اُن کے والدین بھی اس سے سبق حاصل کریں اور اُن کی جلد شادی کردیں۔
ایک اور صارف نے بھی ملتے جلتے جذبات کا اظہار کرتے ہوئے کہا کہ انھوں نے اپنے والدین کو اس جوڑے کی تصاویر متعدد بار دھکائیں صرف اس امید سے کہ شاید انھیں بھی اس سے کوئی اشارہ مل جائے۔
’وہ اپنی تعلیم بھی جاری رکھیں گے‘
دولہے کی بہن نے سماجی رابطے کی ویب سائٹ انسٹاگرام پر جوڑے کی تصاویر شئیر کرتے ہوئے کہا کہ میرے بھائی اور بھابھی شادی کے بعد بہت خوش ہیں اور وہ اپنی تعلیم بھی جاری رکھیں گے۔
یہ ردعمل سوشل میڈیا پر ہونے والی تنقید کے جواب میں سامنے آیا جس میں کہا گیا تھا کہ اس عمر میں شادی ہونے سے بچوں کی تعلیم پر منفی اثرات پڑیں گے۔ زرپاش خان کی اپنے بھائی اور بھابھی کے مستقبل میں تعلیم سے متعلق بات نے دیگر صارفین کو مثبت طور پر متاثر کیا۔
https://twitter.com/shahidmemon20/status/1224926964567412736
ایک صارف نے ان کا تعلیم جاری رکھنے کے فیصلے کو اپنی ٹویٹ میں شامل کیا اور ساتھ ہی ساتھ اس جوڑے کو ازدواجی زندگی کی شروعات کرنے پر مبارکباد بھی دی۔
- پاکستان میں چینی انجینیئرز پر حملے اور خدشات: کیا چین پاکستان میں سی پیک کے منصوبے منسوخ کر سکتا ہے؟ - 19/04/2024
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
Facebook Comments - Accept Cookies to Enable FB Comments (See Footer).