کورونا وائرس: انگلینڈ کے کھلاڑی سری لنکا میں کسی سے ہاتھ نہیں ملائیں گے

  •  
  •  
  •  
  •  
  •  
  •  
  •  
  •  
  •  
  •  
  •  
  •  

جو روٹ اپنے کھلاڑیوں کے ساتھ

Getty Images
انگلینڈ نے پچھلی دفعہ 2018 کے دورے کے دوران سری لنکا کو سری لنکا میں شکست دی تھی

انگلینڈ کی ٹیسٹ ٹیم کے کپتان جو روٹ نے کہا ہے کہ کورونا وائرس سے بچاؤ کے لیے انگلینڈ کے کھلاڑی سری لنکا کے دورے کے دوران کسی سے ہاتھ نہیں ملائیں گے۔

دورہ سری لنکا کے دوارن انگلش کھلاڑی کسی کو مبارک باد دینے کے لیے مکے سے مکا جوڑیں گے۔

انگلینڈ کی ٹیم سری لنکا کے حالیہ دورے کے دوران دو ٹیسٹ میچ کھیلے گی۔ انگلینڈ کی ٹیم نے کٹونائیکے میں کھیلے گئے دونوں وارم اپ میچ جیت لیے ہیں۔

انگلینڈ اور سری لنکا کے مابین دو ٹیسٹ میچوں کی سیریز آئی سی سی ورلڈ ٹیسٹ چیمپیئن شپ کا حصہ ہے۔

مزید پڑھیے:

کورونا سے متعلق چند بنیادی سوالات اور ان کے جواب

کورونا وائرس کی علامات کیا ہیں اور اس سے کیسے بچیں؟

انگلش کپتان جو روٹ نے کہا کہ جنوبی افریقہ کے دورے کے دوران جس طرح بیماریوں نے ہماری ٹیم کا پیچھا کیا اس کی وجہ سے ہم کم سے کم چھونے کی اہمیت کو جان چکے ہیں۔

انھوں نے کہا کہ ہم تواتر کے ساتھ ہاتھ دھو رہے ہیں اور ہمیں بیکٹیریا سے بچاؤ کے جو وائپ ہمیں دیئے گئے ہیں ہم ان کا استعمال کر رہے ہیں۔

جو روٹ نے کہا کہ انھیں پوری امید ہے کہ سری لنکا کا دورہ اپنے طے شدہ پروگرام کے مطابق آگے بڑھے گا۔ انھوں نے کہا وہ حکام سے مسلسل رابطے میں ہیں اور انھیں کے مشوروں پر عمل کریں گے۔

انگلینڈ کی ٹیم کو جنوبی افریقہ کے حالیہ دورے کے دوران متعدد بیماریوں کی وجہ سے سخت مشکلات کا سامنا کرنا پڑا تھا۔ کئی اہم انگلش کھلاڑی پیٹ خرابی یا نزلہ زکام کی وجہ سے کھیل میں حصہ نہیں لے سکے تھے۔

چین میں کورونا وائرس کے پھیلاؤ کی وجہ سے کھیلوں کے کئی مقابلوں کو ملتوی کیا گیا ہے۔ کورونا وائرس دنیا کے 50 ملکوں میں پھیل چکا ہے، اس سے 86 ہزار لوگ متاثر ہوئے ہیں اور تین ہزار لوگ اس وائرس کے ہاتھوں زندگی کی بازی ہار چکے ہیں۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 12800 posts and counting.See all posts by british-broadcasting-corp