#CoronaOutbreak: انڈیا کی جانب سے ادویات کی برآمدات کم ہونے سے عالمی سطح پر قلت کا خدشہ
</figure>کورونا وائرس کے سبب انڈیا نے بعض ادویات کی برآمدات کو محدود کر دیا ہے جس کی وجہ سے عالمی سطح پر ان کی قلت کا خدشہ ظاہر کیا جا رہا ہے۔
دنیا میں سب سے زیادہ استعمال ہونے والی ادویات کی فراہمی کرنے والے ملک انڈیا نے 26 اجزا اور ان پر مشتمل ادویات کی برآمد پر پابندی لگا دی ہے۔
ان ادویات میں پیراسیٹامول بھی شامل ہے جو کہ دنیا بھر میں سب سے زیادہ استعمال ہونے والی درد کش دوا ہے۔
یہ بھی پڑھیے
کیا سائنسدان کورونا وائرس کی ویکسین ایجاد کر پائیں گے؟
کھانسی کے لیے پہلے شہد استعمال کریں: نئی طبی سفارشات
آخر کورونا وائرس شروع کہاں سے ہوا؟
اینٹی بایوٹکس کے ساتھ شراب پی سکتے ہیں یا نہیں؟
یہ بات ایسے وقت میں سامنے آئی ہے جب چین میں ان اجزا سے ادویات بنانے والے کارخانے یا تو بند ہیں یا پھر ان کی پیداوار میں کمی ہوئی ہے۔
انڈین کمپنیاں ادویات بنانے کے لیے 70 فیصد اجزا چین سے حاصل کرتی ہیں۔ ماہرین نے متنبہ کیا ہے کہ اگر یہ وائرس پھیلتا رہا تو قلت کا سامنا ہو سکتا ہے۔
چائنا مارکٹ ریسرچ گروپ کے تجزیہ کار شوان رین نے متنبہ کیا کہ ’ادویات چین میں تیار نہیں کی جاتی لیکن ان کے بنیادی اجزا چین سے ہی آتے ہیں۔ اس لیے اگر چین اور انڈیا دونوں متاثر ہوتے ہیں تو عالمی سطح پر قلت ہو سکتی ہے۔‘
استعمال ہونے والی تمام ادویات اور اجزا میں انڈیا کی برآمدات کا کل حصہ 10 فیصد ہے۔ ان میں مختلف اینٹی بایوٹکس، ٹینڈازول اور اریری تھرو مائسن، ہارمون پروجیسٹرون اور وٹامن بی 12 شامل ہیں۔
</figure><p>آکسفورڈ اکانومکس کے سرکردہ ماہر معیشت سٹیفن فورمین نے بی بی سی کو بتایا کہ اجزا کی قلت کے سبب قیمتوں میں اضافے کی علامتیں واضح ہیں۔
انھوں نے کہا: ’پہلے سے ہی ایسے شواہد ہیں کہ فراہمی کی کمی کے سبب قیمتوں میں خاطر خواہ اضافہ ہوا ہے۔‘
انڈیا کی حکومت نے اپنے اعلان سے اطمینان دلایا ہے کہ کم سے کم تین مہینوں تک کے لیے وافر سٹاک موجود ہے۔
امریکہ میں صحت عامہ کے انتظامی ادارے فوڈ اینڈ ڈرگ ایڈمنسٹریشن (ایف ڈی اے) کے مطابق سنہ 2018 میں انڈیا میں تقریباً ایک چوتھائی ادویات اور 30 فیصد سے زیادہ اجزا درآمد کیے گئے۔
منگل کو ایف ڈی اے کے کمشنر سٹیفن ہان نے امریکی سینیٹرز کو بتایا کہ ایجنسی یہ طے کرنے کے لیے کام کر رہی ہے کہ یہ پابندیاں امریکہ کی طبی نظام کو کس قدر متاثر کرے گی اور اس کے اثرات ضروری ادویات پر کس قدر ہوں گے۔
امریکہ کی اہم دوا ساز کمپنیوں نے کہا ہے کہ وہ سپلائی کے سلسلے کی نگرانی کر رہے ہیں۔
گذشتہ ہفتے معروف دوا ساز کمپنی مائلن نے قلت سے متعلق خبردار کیا تھا جبکہ ایک دوسری اہم کمپنی ایلی لیلی نے کہا ہے کہ انھیں ایسا نہیں لگتا کہ کورونا وائرس کے پھیلاؤ سے انسولین کی مصنوعات سمیت ان کی ادویات میں کسی قسم کی قلت ہوگی۔
- چڑیا گھر میں سات سال تک نر سمجھا جانے والا دریائی گھوڑا مادہ نکلی - 25/04/2024
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
Facebook Comments - Accept Cookies to Enable FB Comments (See Footer).