کورونا وائرس: سینیٹائزر کے لیے انسان کے استعمال پر سعودی تیل کمپنی ارامکو کی معافی


کورونا وائرس سے بچاؤ کے لیے احتیاطی تدابیر میں دفاتر کے اندر ماسک کے علاوہ ہر ٹیبل پر ہینڈ سینیٹائزر ضرور دکھائی دے رہا ہے لیکن سعودی کمپنی ارامکو کو اپنے ایک ورکر کو سینیٹائزر ڈسپینسر کا کاسٹیوم پہنا کر گھمانے پر شدید تنقید کا نشانہ بنایا گیا۔

لیکن اب اطلاعات آ رہی ہیں کہ ارامکو کی جانب سے سوشل میڈیا پر تنقیدی ردعمل سامنے آنے کے بعد معافی مانگ لی گئی۔

سوشل میڈیا پر اپ لوڈ کی جانے والی تصاویر میں دیکھا جا سکتا ہے کہ ایک دفتر میں ایک شخص گھوم پھر رہا ہے جس نے ہینڈ سینیٹائزر ڈسپینر اپنے جسم پر لگا رکھا ہے اور گزرتے ہوئے لوگ اسے استعمال بھی کر رہے ہیں۔

کورونا

کورونا وائرس پر بی بی سی اردو کی خصوصی کوریج

کورونا: دنیا میں کیا ہو رہا ہے، لائیو

کورونا وائرس: آپ کیسے محفوظ رہ سکتے ہیں؟

کورونا وائرس: چہرے کو نہ چھونا اتنا مشکل کیوں؟

پہلے سے بیمار افراد کورونا وائرس سے کیسے بچیں؟

کورونا وائرس اور نزلہ زکام میں فرق کیا ہے؟


سماجی رابطوں کی ویب سائٹ ٹوئٹر پر لوگ اسے غیر اخلاقی اور انسانی حقوق کے خلاف قرار دے رہے ہیں، لیکن چونکہ تصویر میں دکھائی دینے والا شخص غیر ملکی ہے اس لیے بہت سے لوگوں نے اسے نسل پرستانہ بھی قرار دیا ہے۔

ایک صارف نے لکھا کہ کیا سیکیولرازم اور سرمایہ دارانہ نظام کے ساتھ دنیا سے غلامی ختم ہوگئی ہے؟ نہیں، ہزار بار نہیں!

حسن الراوی نامی صارف نے لکھا کہ یہ تصور پیش کرنے والے لوگ چاہتے تھے کہ اس شخص کو ڈبے میں بند کر کے اسے پھرایا جائے اور اس کی عزتِ نفس مجروح کی جائے۔

میڈیا اطلاعات کے مطابق کمپنی نے بعد میں معافی مانگ لی تاہم ایک صارف نعیمہ ابراہیم نے لکھا ہے کہ کمپنی کو اس ملازم سے ذاتی طور پر معافی مانگنی چاہیے۔ بیمار، انھوں نے پہلے کیا ہی کیوں۔ قابل نفرت اقدام۔‘

ایک اور صارف ایمن محمد نے اسے نسل پرستانہ قرار دیا ہے۔

لیکن بہت سے لوگ اس کے ذریعے مختلف سروسز کی تشہیر کے طریقہ کار کی مثال بھی پیش کر رہے ہیں۔

بحر الورد نامی صارف نے لکھا اوپر دی گئی تصویر کو اپ لوڈ کرتے ہوئے لکھا کہ ضروری نہیں دنیا بھر میں یہ تصویر غلامی کی تشہیر کر رہی۔ شاید وہ کام کرنے والوں کو سینیٹائزر استعمال کرنے کی ترغیب کے لیے کیا گیا ہے۔

نزار العوفی نامی صارف نے لکھا کہ یہ عام ہے کہ لوگ مختلف امور کو نئے طریقے سے سرانجام دینے میں غلطی کرتے ہیں۔ لیکن جو نارمل نہیں ہے وہ یہ ہے کہ اس طرح کے اقدامات اور نئے خیالات پر عمل درآمد سے پہلے ان پر نظر ثانی نہیں کی گئی۔

خیال رہے کہ دنیا کے دیگر ممالک کی طرح سعودی عرب میں بھی کورونا وائرس کے کیسز سامنے آئے ہیں۔ حج و عمرہ کی ادائیگی کے لیے لاکھوں زائرین کی آمد کے پیش نظر بھی سعودی عرب نے فلائٹس او ویزروں کو موخر کر رکھا ہے۔

جدہ میں ایک سعودی کمپنی میں ملازم احمد خان نے بی بی سی کو بتایا کہ یہاں دفاتر میں ہینڈ سینیٹائزرز تو سب کے لیے میسر ہے تاہم انسان کو ہینڈ سینیٹائزر ڈسپینسر کے طور پر استعمال نہیں کیا جا رہا ہے۔

انھوں نے بتایا کہ دفاتر اور عوامی مقامات پر معیاری طریقہ کار میں تبدیلی کی گئی ہے۔

انھوں نے بتایا کہ اب وہ دفاتر میں حاضری کے لیے مشین پر انگوٹھے کے استعمال کے بجائے اپنے ذاتی قلم کے ساتھ دستخط کرتے ہیں۔

’ہاتھ ملانا ممنوع ہے۔ ماسک کا استعمال کیا جا رہا ہے۔ نماز کے اوقات محدود کر دیے گئے ہیں اور تمام سکول کالج بند ہیں۔‘


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32292 posts and counting.See all posts by british-broadcasting-corp