پاکستان اسٹاک میں تاریخ کی بدترین مندی, انڈیکس 30600 پر آ گیا
کورونا وائرس نے پاکستان کی معیشت کو سخت ترین جھٹکا دیا ہے۔ اسٹاک مارکیٹ میں کاروبار مشکل ہو گیا۔ پاکستان اسٹاک مارکیٹ میں آج تاریخ کی بدترین مندی دیکھنے میں آئی۔
ہنڈریڈ انڈیکس میں 1682 پوائنٹس کی کمی کے بعد 8 روز کے دوران پانچویں بار کاروبار 45 منٹ کے لیے روکنا پڑا۔ کاروبار دوبارہ شروع ہوا تو ہنڈریڈ انڈیکس2081 پوائنٹس تک گر گیا اور 6 ماہ کی کم ترین سطح 30 ہزار 600 پوائنٹس پر آ گیا۔
ماہرین نے مارکیٹ میں گراوٹ کی وجہ شرحِ سود میں ہونے والی معمولی کمی اور گورنر اسٹیٹ بینک کے اعلانات کو قرار دے دیا۔
ایم ڈی پاکستان اسٹاک ایکس چینج کا کہنا ہے کہ مارکیٹ کا گرنا غیر متوقع نہیں، مارکیٹ میں ڈیفالٹ کے معاملات نہیں آئے۔
ماہرین کا کہنا ہے کہ اسٹیٹ بینک کو شرحِ سود مزید کم کرنا چاہیے تھا، دنیا بھر میں شرحِ سود انتہائی کم کر دیا گیا ہے۔ یاد رہے کہ گزشتہ روز اسٹیٹ بینک نے آئندہ 2 ماہ کے لیے شرح سود اعشاریہ 75 فیصد کم کرکے ساڑھے 12 فیصد کرنے کا اعلان کیا تھا۔
Facebook Comments - Accept Cookies to Enable FB Comments (See Footer).