کورونا وائرس: لاک ڈاؤن کے دوران تندولکر اور دیگر ستارے کیا کر رہے ہیں؟
کورونا وائرس سے جنگ نے پوری دنیا کو ایک جیسا کردیا ہے۔ عام عوام سے لے کر مشہور شخصیات تک، سب اپنے اپنے گھروں میں قید ہیں۔
مشہور شخصیات کی بات کی جائے تو کورونا وائرس کے پھیلاؤ کے پیش نظر ان کی زندگی بھی محدود ہو سکی ہے۔ تو ان لوگوں کا وقت کیسے کٹتا ہے۔
اس کا جواب یہ ہے کہ بعض لوگ اپنے پیاروں کے ساتھ وقت گزار رہے ہیں تو کچھ دیہاڑی کمانے والے مزدوروں کے لیے چندا جمع کررہے ہیں اور بعض ستارے عوام میں بیداری پھیلانے کی مہم چلارہے ہیں۔
آخر کورونا وائرس شروع کہاں سے ہوا؟
کورونا: وہ وائرس جس نے بالی وڈ کی بھی کمر توڑ دی
کیا کھیل اور انٹرٹینمنٹ کی دنیا کورونا بحران برداشت کر پائے گی؟
پی ٹی آئی کی ایک خبر کے مطابق بنگلہ دیش کے کرکٹ کھلاڑیوں نے کورونا وائرس سے جنگ میں مدد کے اپنی اپنی تنخواہ کا نصف حصہ عطیہ کے طور پر دینے کا اعلان کیا ہے۔
اس خبر کے آنے کے بعد انڈین سوشل میڈیا پر صارفین انڈیا کے کھلاڑیوں سے یہ سوال کر رہے ہیں کہ اس بارے میں کیا کر رہے ہیں؟
سعید نامی ایک صارف نے لکھا ہے ’ہمارے بھائی کدھر ہیں۔ جو ان کھلاڑیوں سے کئی گنا زیادہ کماتے ہیں’۔
اگر انڈیا کے نامور کرکٹ کھلاڑیوں کی بات کریں تو ویراٹ کوہلی نے انوشکا کے ساتھ ایک ویڈیو شیئر کیا ہے۔ اس ویڈیو میں دونوں نے عام لوگوں سے گھروں میں رہنے اور کورونا وائرس سے بچ کر رہنے کی اپیل کی ہے .
https://twitter.com/imVkohli/status/1242670175276556289
کے ایل راہل گھر پر رہ کر ہی ورزش کرتے نظر آئیں۔
https://twitter.com/klrahul11/status/1242823452999876608
سچن تندولکر نے ٹویٹ کیا ہے کہ ’آئندہ 21 دنوں تک اپنے گھروں سے باہر نہ نکلیں۔ یہ ہمارا فرض ہے کہ ہم گھروں میں رہیں۔‘
https://twitter.com/sachin_rt/status/1242770652106379264
ٹینس کھلاڑی روجر فیڈرر نے وائرس کے علاج کے لیے ایک بڑی رقم عطیہ کرنے کا اعلان کیا ہے۔
https://twitter.com/ShravanGarg/status/1242805312911859712
اس خبر کو شئیر کرتے ہوئے لوگ لکھ رہے ہیں۔ ’بھارت رتن سجن تندلکر، ویراٹ کوہلی اور دھونی جیسے لوگ کہاں ہیں جو اشتہارات سے بے حد کمائی کرتے ہیں۔‘
مہندر سنگھ دھونی نے آخری بار ٹوئٹ 14 فروری کو کیا تھا۔ دھونی کرکٹ کے میدان کے ساتھ ساتھ سوشل میڈیا سے بھی دور ہی نظر آرہے ہیں۔
فلم پرڈیوسر راج کمار ہیرانی نے دیہاڑی کمانے والے مزدوروں کی مدد کے لیے چندا جمع کرنے کی مہم کے بارے میں ٹویٹ کیا ہے۔
انہوں نے لکھا ہے، ’آئیے ہم لوگ دیہاڑی کمانے والے مزدوروں کی مدد کریں۔ میں اس مہم میں آپ کا ساتھ دونگا۔ آپ لوگوں سے گزارش ہے کہ ان مزدوروں کی مدد کے لیے آگے آئیں”
https://twitter.com/sonamakapoor/status/1243024188870254594
اداکارہ سونم کپور نے لکھا ہے ’میں نے عطیہ دے دیا۔ اور آپ نے؟‘
ادارکارہ پرینکا چوپڑا نے ہاتھوں کو صحیح طریقے سے دھونے کے ایک چیلنج کو قبول کرتے ہوئے ٹوئٹر پر ایک ویڈیو جاری کیک ہے۔ پرینکا ویڈیو میں کہتی ہیں ’آپ جو بھی ہیں، ہاتھ دھونا بے حد آسان ہے۔ 20 سے 25 سیکنڈ اپنے اور اپنے پیاروں کو صحیح طریقے سے ہاتھ دھلوانے میں صرف کریں۔‘
https://twitter.com/priyankachopra/status/1242912765234122758
فلم ہدایت کار انوراگ کشیپ نے ٹوئٹر اور انسٹاگرام پر لوگوں کو کچھ فلمیں دیکھنے کی صلاح دے رہے ہیں۔ اپنی انسٹاگرام سٹوریز میں انوراگ کشیپ کھانا بناتے ہوئے نظر آئے ہیں .
https://twitter.com/anuragkashyap72/status/1242478859464794113
لاک ڈاؤن کے بعد سے سوشل میڈیا کے ذریعے بعض ایسے ویڈیوز منظر عام پر آئے ہیں جن میں پولیس سڑک پر لوگوں کو لاٹھیاں مارتی ہوئی نظر آرہی ہے۔
آرٹیکل 15 اور ملک جیسی فلمیں بنانے والے ہدایت کار انوبھو سنہا نے ٹویٹ کیا ہے ’لاکھ گالیاں دوں پولیس والوں کو لیکن وہ جو کررہے ہیں وہ بھی آسان کام نہیں ہے ۔ وہ ہماری حرکتوں کے باوجود اپنا ذہنی توازن نہیں کھو رہے۔ غلطیاں بھی جن کا اصلاح ہونا ضروری ہے پر تالیاں بھی۔‘
https://twitter.com/anubhavsinha/status/1242876891452735488
اداکار وکل کوشل نے ایک نظم کے ذریعے لوگوں سے گھروں میں رہنے کی اپیل کی ہے۔
لیکن افسانہ نگار اور کومیڈین ورون گرور نے تنہائی میں گزارے 20 دنوں کو ایک السٹریشن کے ذریعے سمجھایا ہے۔
https://twitter.com/varungrover/status/1242759744701358087
22 مارچ کو شاہ رخ نے ایک ویڈیو ٹوئیٹ کیا تھا۔ اس ویڈیو میں شاہ رخ نے لوگوں کو اس وقت گھروں کے اندر رہنے کی اہمیت کو بیان کیا ہے اور یہ بھی بتایا کے کورونا وائرس کے خلاف جنگ کیسے لڑی جائے۔
https://twitter.com/iamsrk/status/1241717797912080385
اس ویڈیو میں شاہ رخ خان اپنی ہی فلموں کے بعض مناظر کا مذاق اڑاتے ہوئے لوگوں کو سمجھا رہے ہیں کہ کیا کرنا ہے اور کیا نہیں۔
امیتابھ بچن بھی مسلسل کورونا وائرس کے بار ے میں بیداری پھیلانے والی جانکاری شیئر کررہے ہیں۔
حالانکہ 22 مارچ کو انڈیا کی حکومت کی جانب سے جس جنتا کرفیو کا اعلان کیا گیا تھا اور دن کے آخر میں لوگوں سے تھالی اور تالی بجانے کے لیے کہا تھا اس کے بعد امیتابھ بچن نے یہ ٹویٹ کیا تھا کہ تھالی کی آواز سے وائرس مرجاتا ہے۔ اس پر امیتابھ بچن کی زبردست تنقید کی ہوئی جس کے بعد انہوں نے اپنا ٹویٹ ڈیلیٹ کردیا تھا۔
https://twitter.com/SrBachchan/status/1242820488562216961
عام طور پر سماجی مسائل کے بارے میں سرگرم نظر آنے والے عامر خان نے جنتا کرفیو کے بارے میں ایک ٹویٹ سے زیادہ کچھ نہیں کہا ہے۔
انوشکا شرما اور ویراٹ کوہلی نے ایک سیلفی شیئر کی ہے۔ اس میں نیچے لکھا ہے کہ سیلف اآئسولیشن ہمیں اس بات میں مدد کررہا ہے کہ ہم دونوں ایک دوسرے سے ہر طرح سے پیار کرسکیں۔
https://www.instagram.com/p/B9_QRsTp0qK/
Facebook Comments - Accept Cookies to Enable FB Comments (See Footer).