کورونا وائرس: لاک ڈاؤن کی تنہائی میں گھر کی کھڑکی سے دنیا کیسی نظر آتی ہے؟
جیسے جیسے زیادہ سے زیادہ لوگ کورونا وائرس سے بچاؤ کے سلسلے میں اپنے گھروں کے اندر رہنا شروع ہورہے ہیں، سٹیفن لوکن نے نیو یارک میں ایسے خاندانوں کی تصاویر لینا شروع کر دیں جو بروکلن میں آئسولیشن میں رہ رہی ہیں۔
ابتدائی طور پر لوکن نے لوگوں کے برآمدوں سے تصاویر لیں لیکن بعد میں انھیں احساس ہوا کہ ان کھڑکی کے پیچھے سے دکھانا زیادہ دلچسپی کا باعث بنے گا
انا بیتھ روساکیز اور اس کی بیٹی میری روساکیز
ان کا کہنا ہے کہ جیسے جیسے وہ اپنے پروجیکٹ کو آگے بڑھاتے رہے تو کھڑکی سے تصویر لینے کا خیال زیادہ بہتر لگا۔ کھڑکی وہ مقام ہے جہاں سے ہم باہر کی دنیا کا نـظارہ کرتے ہیں، یہ صیحح معنوں میں وہ جگہ ہے جہاں سے لوگ ہمیں دیکھ سکتے ہیں اور ہم دنیا کو کیسے دیکھ سکتے ہیں، یہ وہ جگہ ہے جہاں سے عام طور پر ہم اندر یا باہر نہیں جا سکتے۔
لوکن نے ہر خاندان کو کہا کہ وہ دنیا کے لیے اپنا ایک پیغام دیں۔
یہ پروجیکٹ ایک ہفتے سے چل رہا ہے لیکن اس پر سوشل میڈیا پر بڑا اچھا ردعمل دیکھنے میں آیا ہے۔
لوکن اس کام کو اس وقت تک جاری رکھنا چاہتے ہیں جب تک ایسا کرنا محفوظ ہے۔
لوکن کا کہنا ہے کہ اس غیر یقینی اور افراتفری کے وقت میں جب صیحح معنوں میں لوگ غیر معینہ مدت کے لیے ایک دوسرے سے علیحدہ ہو گئے ہیں ایسے میں یہ پروجیکٹ لوگوں کو ایک دوسرے کے ساتھ جڑے رہنے کا احساس دلائے گا۔
ان کے خیال میں اگر ہم ایک دوسرے سے رابطے بحال رکھیں اور ایک دوسرے سے براہ راست، دیانت داری اور مثبت انداز میں جڑے رہیں تو ہم اس مشکل سے اکھٹے باہر نکل سکتے ہیں۔
یہ سب (گھروں تک محدود رہنا) آسان نہیں ہوگا لیکن اس کے علاوہ کچھ اور تدبیر بھی ممکن نہیں ہے۔
گھروں میں رہیں اور محفوظ رہیں۔
اور جیسا کہ میرے اپنے بچوں کے دستخط بتا رہے ہیں کہ جلد ہم سب اکھٹے ہونگے۔
تمام فوٹوز بشکریہ سٹیفن لوکن/شٹرسٹاک
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).