’اپنی ٹوپی کا دھیان رکھنا‘، راجر فیڈرر کا مداحوں کو پیغام
سوشل میڈیا کی دنیا یوں تو پل پل بدلتی رہتی ہے، خاص کر اِن دِنوں میں جب زیادہ تر لوگ گھروں تک محدود ہیں۔ باہر کی دنیا سے رابطے کا سب سے موثر ذریعہ اس وقت سوشل میڈیا پلیٹ فارمز ہی تصور کیے جا رہے ہیں۔
یہی وجہ ہے کہ جب بھی ٹویٹر، فیس بک یا انسٹاگرام کھولیں تو کچھ دلچسپ دیکھنے کو ضرور ملتا ہے۔ جہاں لمحہ بہ لمحہ بدلتی صورتحال پر ٹرینڈز چینج ہوتے ہیں وہیں کچھ ایسی چیزیں بھی سامنے آتی ہیں جو سوشل میڈیا پر کچھ وقت کے لیے ٹھہر جاتی ہیں۔ جیسے جانی مانی شخصیات کی کورنٹین کے دِنوں میں سامنے آنی والی سرگرمیاں۔
Here’s a helpful solo drill. Let’s see what you got! Reply back with a video and I’ll provide some tips. Choose your hat wisely 🎩😉👊 #tennisathome pic.twitter.com/05lliIqh1h
— Roger Federer (@rogerfederer) April 7, 2020
حال ہی میں ٹینس سٹار راجر فیڈرر کی جانب سے گھر پر رہتے ہوئے ’ٹینس ایٹ ہوم‘ کے نام سے ایک ٹرینڈ سامنے آیا جس میں انھوں نے اپنے گھر پر ایک ٹینس روٹین کی ویڈیو شیئر کی، لیکن ساتھ ہی اپنے مداحوں سے یہ بھی کہا کہ اب جواب میں وہ اپنی کوئی ویڈیو شیئر کریں۔
راجر فیڈرر نے اپنی ٹویٹ میں کہا کہ ’ایک مدد گار تنہا کھیل کا نمونہ پیش خدمت ہے۔ اس کا جواب آپ اپنی کھیل کی ویڈیو کے ساتھ بھیجیے اور میں پھر جواب میں کچھ آزمودہ طریقے آپ کو بتاوں گا۔ بس اپنی ہیٹ (ٹوپی) دھیان سے منتخب کیجیے گا۔‘
اس کے جواب میں بہت سے لوگوں نے اپنی ویڈیوز ان کے ساتھ شیئر کیں۔ اس تھریڈ میں مزیدار بات یہ ہے کہ لوگ ٹینس کی ویڈیو تو بنا کر بھیج رہے ہیں لیکن ان میں سے اکثر کا زور اچھی ٹوپی کی طرف ہے۔ جیسے ایک یوزر چارلز ہیروش کاو بوائے ہیٹ پہن کر کھیل رہے ہیں، وہ لکھتے ہیں ’اصل مسئلہ اس ہیٹ کا ہے۔‘
I guess the problem is the hat 🎩🎾 pic.twitter.com/SCkNqqAtVa
— Charles Haroche (@CharlesHaroche) April 7, 2020
ایک فین نے گریجویشن کپ پہن کر ٹینس کھیلا۔ صارف وی وی بی کہتی ہیں کہ ’سڈنی میں صبح کے ساڑھے بارہ بج رہے ہیں اور میں نے اپنی گریجویشن کیپ ڈھونڈ کر نکالی ہے۔ پرفیسر فیڈرر میری مدد کیجیے۔‘
So it’s 12:25am in Sydney but I dug up my graduation hat. Professor Federer I need your help 🤓 pic.twitter.com/tDfnXcO8j1
— ViVi B (@ViVi_RFObsessed) April 7, 2020
یاد رہے کہ تقریباً ایک ہفتہ قبل ٹینس سٹار نویک جوکووچ نے بھی انسٹاگرام پر گھر کے اندر، کھانے کے برتن کا ریکٹ بنا کر ٹینس کھیلنے کی ویڈیو شیئر کی تھی جو بہت وائرل ہوئی۔
اس کے علاوہ اگر کھیلوں کی دنیا سے نکل کر انٹرٹینمنٹ ورلڈ میں قدم رکھیں تو ہالی وڈ سٹار آرنلڈ شوارزنیگر کی اپنی بیٹی کے ساتھ لانگ بوٹس پالش کرنے کی سرگرمی میں بھی لوگوں کا کافی انٹریسٹ رہا۔ اپنی اس ویڈیو میں آرنلڈ اور انکی بیٹی کاو بوائے ہیٹ پہنے ہوئے زور زور سے بوٹ پالش کرنے میں لگے ہیں۔ آرنلڈ لکھتے ہیں
’باپ بیٹی کی کورنٹین میں گزرنے والی زندگی کے کچھ حصے‘
Some father/daughter quarantine activities with @CSchwarzenegger. Stay safe. pic.twitter.com/kK9SUtJnCG
— Arnold (@Schwarzenegger) April 7, 2020
لوگوں نے باپ بیٹی کی اس ویڈیو کو پسدند تو بہت کیا لیکن کچھ کے ذہنوں میں سوال بھی آئے جیسے ایک یوزر کہتے ہیں کہ ’بوٹس کا معاملہ تو ہو گیا اب کپڑوں اور موٹر سائیکل کی چھانٹی کی باری کب آئے گی۔‘
https://twitter.com/vandertalen/status/1247663496780750862
جیمز واٹس لکھتے ہیں کہ ’مجھے نہیں لگتا کے آپ کے پاس زیادہ بوٹس ہیس آرنلڈ۔‘
https://twitter.com/Gtwy/status/1247653141253951493
پاکستانی ایکڑ بلال قریشی کی انسٹاگرام پر اہنے بیٹے کے ہیئر کٹ کے ویڈیو پر بھی لوگوں کی انگیجمنٹ بہت نظر آئی۔ اس ویڈیو پر اپنی کپشن میں بلال قریشی لکھتے ہیں ’بِلو کا بِلا، کٹنگ ٹائم۔ کورنٹین۔‘
کچھ لوگ ان کے اس ان دیکھے ٹیلنٹ کو سراہا رہے ہیں تو کچھ لوگ سماجی دوری میں گزارے جانے والے اس وقت کے استعمال پر تعریف کر رہے ہیں۔
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
Facebook Comments - Accept Cookies to Enable FB Comments (See Footer).