انڈیا میں پٹڑی پر سوئے مزدوروں کو ٹرین نے کچل دیا، 16 ہلاک
انڈیا کی ریاست مہاراشٹر کے ضلع اورنگ آباد میں مال گاڑی کی زد میں آ کر 16 مزدور ہلاک ہو گئے ہیں۔
ملک میں جنوبی وسطی ریلوے کے مرکزی رابطہ کار افسر نے بی بی سی ہندی سے بات کرتے ہوئے اس حادثے کی تصدیق کی۔
انھوں نے بتایا کہ یہ حادثہ جمعے کی صبح ساڑھے پانچ بجے کے قریب کرماد ک علاقے میں پیش آیا۔
حادثے میں زخمی ہونے والے پانچ افراد کو اورنگ آباد کے سول ہسپتال میں داخل کروا دیا گیا ہے۔
یہ بھی پڑھیے
انڈیا: ٹرین کی سامنے سیلفی لیتے ہوئے ٹرین سے ٹکر
انڈیا: ٹرین حادثے میں 15 بوگیاں پٹڑی سے اتر گئیں
انڈیا: ٹرین حادثے میں ہلاکتوں کی تعداد 36 ہوگئی
انڈیا میں ٹرین حادثہ، کم از کم 25 افراد زخمی
ریلوے کے افسر نے حادثے کی وجوہات پر روشنی ڈالتے ہوئے کہا ’بظاہر ہلاک ہونے والے مزدور پٹڑی پر سو رہے تھے۔‘
اورنگ آباد پولیس کے ایس پی موکشا پاٹل نے بی بی سی مراٹھی کے نرنجن چنوال کو بتایا کہ یہ مزدور اورنگ آباد کے نواح میں واقع قصبے جالنا میں سٹیل کے کارخانے میں کام کرتے تھے۔
’یہ لوگ جالنا سے بھسوال کی طرف جا رہے تھے اور انھیں بتایا گیا تھا انھیں ٹرین بھسوال سے ملے گی۔‘
حادثہ کہاں ہوا؟
یہ حادثہ بدناپور اور کرماد کے ریلوے سٹیشنوں کے درمیان پربھنی۔ منمداد ریل سیکشن پر ہوا۔
https://twitter.com/narendramodi/status/1258597915536179201
کرماد پولیس سٹیشن کے ایک عہدیدار نے انڈین خبر رساں ادارے پی ٹی آئی کو بتایا کہ ’مزدور مدھیہ پردیش واپس جا رہے تھے۔ وہ ریل کی پٹڑی کے ساتھ ساتھ چل رہے تھے اور تھکاوٹ کے باعث پٹڑیوں پر ہی سو گئے تھے۔‘
اس حادثے پر ریلوے کی وزارت نے ایک بیان جاری کرتے ہوئے کہا ہے کہ جب مال گاڑی کے ڈرائیور کو نظر آیا کہ کچھ مزدور پٹڑی پر سو رہے ہیں تو اس نے ریل گاڑی روکنے کی بہت کوشش کی لیکن وہ ان سے ٹکرا گئی۔
ریلوے حکام کے مطابق اس واقعے کی تحقیقات کے احکامات دے دیے گئے ہیں اور جنوبی وسطی زون کے ریلوے سیفٹی کمشنر رام کرپل اس حادثے کی آزادانہ تحقیقات کریں گے۔
انڈیا کے وزیر اعظم نریندر مودی نے بھی ٹویٹ کر کے اس حادثے پر غم کا اظہار کیا ہے۔ انھوں نے اپنے ٹویٹ میں کہا کہ وہ اورنگ آباد میں ٹرین کے حادثے میں جانی نقصان پر بہت غمزدہ ہیں۔
ان کا کہنا تھا کہ انھوں نے وزیر ریلوے پیوش گوئل سے بات کی ہے جو اس سارے معاملے پر نظر رکھے ہوئے ہیں اور متاثرین کو ہر ممکن مدد فراہم کی جائے گی۔
- پاکستان میں چینی انجینیئرز پر حملے اور خدشات: کیا چین پاکستان میں سی پیک کے منصوبے منسوخ کر سکتا ہے؟ - 19/04/2024
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
Facebook Comments - Accept Cookies to Enable FB Comments (See Footer).