گجرات میں اعتکاف پر بیٹھے 15 سالہ بچے کے ساتھ جنسی زیادتی کی کوشش


گجرات کے گاؤں پوٹھی میں اعتکاف پر بیٹھے بچے کے ساتھ جنسی زیادتی کی کوشش پر پولیس نے مقدمہ درج کر لیا ہے۔

تفصیلات کے مطابق 15 سالہ عادل حسین نویں جماعت کا طالب علم ہے اور پوٹھی کی نورانی مسجد میں اعتکاف پر بیٹھا تھا۔ بچے کے والد شیراز حسین کی جانب سے پولیس کو دی گئی درخواست میں مؤقف اختیار کیا گیا کہ میں اپنے بیٹے کو کھانا دینے گیا تو مجھے اپنے بچے کے چیخنے کی آواز سنائی دی۔ جب میں موقع پر پہنچا تو ملزم تبریز بچے کے ساتھ زبردستی بدفعلی کی کو شش کر رہا تھا، تاہم مجھے دیکھ کر ملزم موقع سے فرار ہو گیا۔

بچے کے والد نے کہا کہ مسجد میں میرے بچے کے ساتھ زیادتی کی کوشش کرنا انتہائی افسوسناک ہے۔ ملزم کے خلاف سخت سے سخت کارروائی کی جانی چاہیے، جس کے بعد پولیس نے مقدمہ درج کر کے ملزم کی تلاش شروع کر دی ہے۔

اس افسوسناک واقعہ کی ایف آئی آر سوشل میڈیا پر وائرل ہوچکی ہے جس کے بعد شہریوں کی جانب سے بھی ملزم کے خلاف سخت کارروائی کا مطالبہ کیا جا رہا ہے اور حکومت سے اس واقعے کا نوٹس لینے کا مطالبہ کیا گیا ہے۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments