تہران: کلینک میں دھماکہ، کم از کم 19 افراد ہلاک، متعدد زخمی
ایران کے دارالحکومت تہران میں ایک کلینک میں ہونے والے دھماکے میں کم از کم 19 افراد ہلاک ہوگئے ہیں۔
دھماکہ سینا اطہر کلینک میں ہوا ہے۔
مہر نیوز ایجنسی نے تہران کے حکام علی القاصی مہر کے حوالے سے بتایا ہے کہ مرنے والوں میں چار مرد اور 15 خواتین شامل ہیں۔
حکام کے مطابق متعدد افراد زخمی بھی ہیں اور یہ خدشہ ظاہر کیا جا رہا ہے کہ ہلاکتوں کی تعداد میں اضافہ ہوسکتا ہے۔
ایران کے سرکاری میڈیا نے ایک سینیئر عہدیدار کے حوالے سے بتایا ہے کہ یہ دھماکہ گیس کے اخراج کے باعث ہوا ہے۔
ٹی وی پر نظر آنے والی تصاویر میں کلینک سے دھواں اور آگ کے شعلے بلند ہوتے نظر آئے۔ آگ پر قابو پانے میں فائر فائٹر عملے کو کافی وقت لگا۔
تہران کے آگ بجھانے والے محکمے کے ترجمان جلیل مالکی نے کہا ہے کہ آگ لگنے کا واقع ایک پانچ منزلہ عمارت میں ہوا جہاں دوسری منزل پر زور دار دھماکہ ہوا۔
ایران کی ایمرجنسی انتظامی ایجنسی کے ترجمان مجتبی خالدی کا کہنا ہے کہ زیادہ تر ہلاکتیں اوپری منزلوں پر ہوئی ہیں۔
انھوں نے کہا: ‘زیادہ تر ہلاکتیں چوتھی اور پانچویں منزلوں پر ہوئیں جہاں آپریشن روم ہے۔’
یہ واقعہ منگل اور بدھ کی درمیانی شب کو پیش آيا اور آگ لگنے کے بعد وہاں کم از کم دو دھماکے سنے گئے۔ آگ لگنے کی تصاویر جلد ہی سوشل میڈیا پر گشت کرنے لگیں۔
اس سے کچھ دن پہلے ہی فوج کے ایک اڈے کے قریب ایک بڑا دھماکہ ہوا تھا جس کی وجہ بھی گیس کا اخراج بتائی گئی تھی۔
- کیا آئی پی ایل میں ’بے رحمانہ‘ بلے بازی کرکٹ کو ہمیشہ کے لیے بدل رہی ہے؟ - 25/04/2024
- مریم نواز اور پنجاب پولیس کی وردی:’کیا وزیراعلیٰ بہاولنگر کے تھانے کا دورہ بھی کریں گی؟‘ - 25/04/2024
- غزہ کی اجتماعی قبروں میں لاپتہ اہلخانہ کی تلاش: ’ہم اس بات کی اجازت نہیں دے سکتے کہ یہ چھوٹا سا معاملہ بن کر دب جائے‘ - 25/04/2024
Facebook Comments - Accept Cookies to Enable FB Comments (See Footer).