شیخوپورہ ٹرین حادثہ: مسافر وین اور ٹرین میں تصادم، کم از کم 19 افراد ہلاک

  •  
  •  
  •  
  •  
  •  
  •  
  •  
  •  
  •  
  •  
  •  
  •  

پاکستان میں صوبہ پنجاب کے ضلع شیخوپورہ کے نزدیک مسافر ٹرین اور بس کے درمیان ہونے والے تصادم کے نتیجے میں کم از کم 19 افراد ہلاک ہو گئے ہیں۔

حکام کے مطابق یہ واقعہ شیخوپورہ سے 14 کلومیٹر دور فاروق آباد میں سچا سودا کے قریب اس وقت پیش آیا جب کراچی سے لاہور جانے والی شاہ حسین ایکسپریس ایک مسافر کوسٹر سے ٹکرا گئی۔

ریلوے ترجمان کے مطابق ٹرین حادثہ فاروق آباد اور بحالی ریلوے سٹیشن کے درمیان بغیر پھاٹک والی ریلوے کراسنگ پر پیش آیا۔

ترجمان ریسکیو 1122 کے مطابق کوسٹر میں جتنے بھی مسافر سوار تھے ان سب کا تعلق سکھ کمیونٹی سے ہے۔ انھوں نے بتایا کہ کوسٹر سے اب تک 27 افراد کو نکالا جا چکا ہے، جن میں سے آٹھ افراد شديد زخمی ہیں۔

ڈی پی او شیخوپورہ اصغر جوئیہ کے مطابق اس حادثے کے نتیجے میں ویگن میں سوار 15 سکھ یاتری ہلاک ہو گئے ہیں جبکہ کچھ مسافر زخمی بھی ہیں۔

یہ بھی پڑھیے

ٹرین میں آگ لگنے کے بعد کیا ہوا

ٹرین میں سکیورٹی کی ذمہ داری کس کی؟

آخری ٹرین کے مسافر: ’کوئی نہیں بتا رہا کہ واپسی کیسے ہو گی‘

زخمیوں کو ایمبولینسوں کے ذریعے ہسپتال منتقل کیا جا رہا ہے۔ ابتدائی اطلاعات کے مطابق ویگن میں پشاور سے تعلق رکھنے والے 25 سکھ یاتری سوار تھے۔

ترجمان ریلوے کے مطابق ریلوے اور ضلعی ریسکیو 1122 ٹیمیں موقع پر پہنچ کر ٹریک کی بحالی، زخمیوں اور ہلاک ہونے والوں کو کوسٹر سے نکالنے کر طبی امداد دینے میں مصروف ہیں۔

ریلوے حکام کے مطابق وزیر ریلوے شیخ رشید احمد نے ذمہ داران کے خلاف فوری کارروائی کا حکم دیا ہے۔

وزیر اعظم عمران خان نے شیخوپورہ میں ٹرین حادثے میں قیمتی جانوں کے ضیاع پر گہرے دکھ کا اظہار کرتے ہوئے زخمیوں کو بہترین طبی امداد کی فراہمی کی ہدایت کی ہے۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 17735 posts and counting.See all posts by british-broadcasting-corp