حلیمے سلطان: ترک اداکارہ اسرا بلگچ کی پشاور زلمی کے نام ٹویٹ اور سوشل میڈیا صارفین کا ردعمل
پاکستان سپر لیگ کے چھٹے سیزن کے انعقاد میں ابھی وقت ہے لیکن اتوار کی شب پی ایس ایل کے چھٹے سیزن کا ذکر پاکستان کے سوشل میڈیا پر اس وقت دیکھنے میں آیا جب پاکستان میں بے حد مقبول ہونے والے ترک ڈرامے ارطغرل غازی کی اہم کردار حلیمے سلطان یعنی اداکارہ اسرا بِلگِچ کا نام ٹاپ ٹرینڈ کرنے لگا۔
اس کی وجہ ترک ڈرامے ارطغرل غازی میں مرکزی کردار حلیمے سلطان ادا کرنے والی اداکارہ اسرا بلگچ کی جانب کی گئی ٹویٹ تھی جس میں انھوں نے پشاور زلمی فرنچائز اور اس کے سربراہ جاوید آفریدی کو ٹیگ کرتے ہوئے ٹویٹ کیا جس میں انھوں نے لکھا کہ ’میں بہت جلد آپ کو ایک اچھی خبر سناؤں گی۔‘
I will be sharing some good news with you soon. @JAfridi10 @PeshawarZalmi
— Esra Bilgiç (@esbilgic) July 5, 2020
اس ٹویٹ کا پس منظر یہ ہے کہ یکم جولائی کو پشاور زلمی کے سربراہ جاوید آفریدی نے اپنے ایک ٹویٹر پیغام میں سوشل میڈیا صارفین سے پوچھا تھا کہ ‘اگر ارطغرل غازی پشاور زلمی کے سفیر یا برانڈ ایمبیسیڈر کے طور پر آئیں تو آپ کیا کہیں گے۔‘
اور پھر انھوں نے حلیمے سلطان کو بھی پشاور زلمی کے برانڈ ایمبیسڈر کے لیے پیشکش کی تھی۔
WHAT IF WE OFFER TO #HalimeSultan AS WELL ❓ https://t.co/DpT0KzNcQv
— Javed Afridi (@JAfridi10) July 3, 2020
ترک اداکارہ اسرا بلگج کی جانب سے اتوار کی شب کی گئی ٹویٹ کے جواب میں جاوید آفریدی نے ان کا شکریہ ادا کیا۔
Thank you #HalimeSultan https://t.co/nLCWRDsBFD
— Javed Afridi (@JAfridi10) July 5, 2020
یاد رہے کہ پاکستان میں بے حد مقبول ہونے والے ترک ڈرامے ارطغرل غازی کا مرکزی کردار ترک اداکار اینگن التن دزیتن اور حلیمے سلطان کا کردار اسرا بلگچ نے نبھایا ہے۔ اور یہ دونوں اداکار اس وقت پاکستان میں بے حد مقبول ہیں۔
اتوار کی شب اسرا بلگچ کی جانب سے پشاور زلمی کے سربراہ کو ٹیگ کر کے اچھی خبر کا عندیہ دینا تھا کہ پاکستان میں سوشل میڈیا صارفین نے ان کے اس پیغام کا خیر مقدم کرتے ہوئے اپنے آرا کا اظہار کرنا شروع کر دیا۔
It will be Unique revenge against Indians and Europeans if you announced them as P.Z's Brand Ambassador.#ErtugrulGhazi
— Adnan Ahmad (@adnanahmad2473) July 5, 2020
عدنان احمد نامی ایک صارف نے پشاور زلمی کے سربراہ جاوید آفریدی کے نام ایک پیغام ٹویٹ کرتے ہوئے لکھا کہ ’اگر آپ ان دونوں اداکاروں کو پشاور زلمی کا برانڈ ایمبیسڈر بنانے کا اعلان کر دیں تو یہ انڈین اور یورپی شہریوں سے ایک بڑا انوکھا انتقام ہو گا۔‘
👀 looking forward to hear this news Javed bhai 👌🏽
— Wahab Riaz (@WahabViki) July 5, 2020
جبکہ پاکستانی کرکٹ ٹیم کے فاسٹ بولر اور پشاور زلمی کے کھلاڑی وہاب ریاض بھی اس بحث میں پیچھے نہ رہے اور انھوں نے بھی ٹویٹ کرتے ہوئے لکھا کہ ’جاوید بھائی اس اچھی خبر کا منتظر ہوں۔‘
Welcome @esbilgic 😍😍❤️ pic.twitter.com/T9bXAGS3Qs
— Areeba Khan (@khanareebazai) July 5, 2020
اریبہ خان نامی سوشل میڈیا صارف نے ٹویٹ کرتے ہوئے ترک اداکارہ اسرا بلگچ کو پاکستان آنے پر خوش آمدید کہا۔
سعید اگروال نامی صارف نے بھی اسرا بلگچ کو خوش آمدید کہتے ہوئے ٹویٹ کیا کہ ’آپ ارطغرل کے ساتھ پاکستان آئیں، آپ سب کو یک ساتھ پاکستان میں دیکھ کر بہت خوشی ہو گی۔‘
https://twitter.com/SaeedQsc/status/1279785279138803718
سید عدنان اسلم نامی صارف نے لکھا کہ ’ کیا اسرا بلگچ پشاور زلمی کی برانڈ ایمبیسڈر بننے جا رہی ہیں؟ مجھے امید ہے کہ یہ پشاور زلمی کی ٹیم اور پاکستان کے لیے نیک شگون ہو گا۔‘
Esra- #HalimeSultan going to become brand ambassador of Peshawar zalmi?
I hope this will bring good luck to zalmi team and Pakistan.#PeshawarZalmi pic.twitter.com/UErOsxF6L6— Syed_Adnan_Aslam🌠 (@the_Alpha_Zone) July 5, 2020
حرا علی نامی صارف نے لکھا کہ ’اگر حلیمے سلطان پشاور زلمی کی برینڈ ایمبیسیڈر ہو گیں تو انھیں یقین ہے کہ 90 فیصد پاکستانی پشاور زلمی کی حمایت کریں گے۔‘
If #HalimeSultan will be the brand ambassador of @PeshawarZalmi than 90% Pakistanis will definitely support #PeshawarZalmi pic.twitter.com/UPX7H8Zdst
— Hira Ali (@Hira_Ali001) July 5, 2020
کیا ارطغرل غازی اور حلیمے سلطان پشاور زلمی کے سفیر ہو سکتے ہیں؟
کیا یہ دونوں اداکار پاکستان سپر لیگ کے چھٹے سیزن کے لیے پشاور زلمی کے برینڈ ایمبیسیڈرز ہو سکتے کے سوال پر پشاور زلمی کے سربراہ جاوید آفریدی نے بی بی سی سے بات کرتے ہوئے بتایا کہ اس بارے میں ان سے رابطے ہو رہے ہیں کوئی حتمی فیصلہ ہو گا تو وہ ضرور شائقین کو اس بارے میں اگاہ کیا جائے گا۔
صرف یہی نہیں پشاور زلمی کے لیے ایک اور بڑی خبر یہ ہے کہ پی ایس ایل 6 کے کچھ میچز پشاور کے ارباب نیاز سٹیڈیم میں بھی کھیلے جائیں گے ۔ اس کے لیے ارباب نیاز سٹیڈیم کی تیاری کا کام شروع کر دیا گیا ہے۔
پشاور زلمی کے سربراہ جاوید آفریدی نے چند روز پہلے کہا تھا کہ پی ایس ایل کے چھٹے ایڈیشن میں کچھ میچز پشاور میں ہوں گے۔
انھوں نے بتایا کہ وزیر اعلی خیبر پختونخوا محمود خان نے کہا ہے کہ پی ایس ایل کے چھٹے ایڈیشن کے چند میچز کا انعقاد پشاور میں کروایا جائے گا اور صوبائی حکومت کی کوشش ہے کہ یہ میچز بہتر انداز میں ہوں۔
جاوید آفریدی نے پشاورزلمی کے شائقین کو مبارکباد دی اور پاکستان کرکٹ بورڈ، پی ایس ایل اور خیبر پختونخوا حکومت کا شکریہ ادا کیا۔
واضح رہے کہ پی ایس ایل کے چھٹے ایڈیشن کے میچز کا شیڈول اب تک جاری نہیں کیا گیا لیکن تمام فرنچائزز اپنی اپنی تیاریوں میں مصروف ہیں۔
Facebook Comments - Accept Cookies to Enable FB Comments (See Footer).