سارہ خان، فلک شبیر کی منگنی: ’یہ ہم بھی ہو سکتے تھے لیکن آپ تو میری طرف دیکھتے ہی نہیں‘

  •  
  •  
  •  
  •  
  •  
  •  
  •  
  •  
  •  
  •  
  •  
  •  

سنہ 2012 میں ہم ٹی وی کے ڈرامے ’بڑی آپا‘ سے پاکستانی ڈرامہ انڈسٹری میں قدم رکھنے والی سارہ خان کا نام گذشتہ رات سے پاکستانی ٹوئٹر پر ٹرینڈ کر رہا ہے۔

اس کی وجہ ان کی گلوکار فلک شبیر کے ساتھ منگنی کی خبر ہے، جس نے سوشل میڈیا پر صارفین کے دل خوش کر دیے ہیں۔

ویسے تو سیلیبرٹیز کی شادی بیاہ اور منگنی کی خبر سن کر مبارکباد اور نیک تمنائیں بھیجنے کا سلسلہ شروع ہو ہی جاتا ہے مگر اس خبر سے پاکستان کی سوشل میڈیا فیملی کو کچھ زیادہ ہی خوشی ہوئی ہے۔

اس کی ایک وجہ سارہ خان کا وہ بندھن تھا جو ٹوٹ گیا تھا۔ اس بندھن کے ٹوٹنے پر بہت سے صارفین کی سارہ خان کے ساتھ ہمدریاں بڑھیں تھیں۔

اداکارہ سارہ خان کی فلک شبیر سے پہلے اداکار آغا علی کے ساتھ شادی ہونے کے چرچے تھے اور دونوں نے ایک ساتھ سکرین پر کام بھی کیا۔

یہ بھی پڑھیے

پاکستانی سیلیبرٹیز لاک ڈاؤن میں شادیاں کیوں کر رہی ہیں؟

کیا لڑکے بھی ارینج میرج میں رشتوں سے انکار سنتے ہیں؟

پاکستان میں شادیوں کا بجٹ کتنا ہوتا ہے؟

سارہ خان نے اردو نیوز کو دیے گئے اپنے ایک انٹرویو میں آغا علی سے تعلق کے خاتمے کے بارے میں کہا تھا کہ اُس نے اخلاقیات کی ہر حد کو پار کرتے ہوئے میرا دل دکھایا۔۔ اس لیے راستے جدا کر لیے۔

اس تعلق کے ختم ہونے کے بارے میں آغا علی نے مقامی میڈیا کو اپنے انٹرویو میں کہا کہ سارہ خان بہت اچھی لڑکی ہیں اور وہ اُن کی اور اُن کے کام کو عزت کی نگاہ سے دیکھتے ہیں۔

خیر یہ تو بات ہوئی ماضی کی لیکن گذشتہ روز جب فلک شبیر کی گھٹنوں کے بل بیٹھے سارہ کو پرپوز کرنے کی ویڈیو سامنے آئی تو صارفین نے دھڑا ڈھر نہ صرف اس ویڈیو کو شیئر کیا بلکہ دل کھول کے اس جوڑے کو مبادکباد بھی دی۔

https://twitter.com/FalakShabir1/status/1283475905411678212

اپنے انسٹاگرام پر سارہ خان نے بھی پوسٹ کرتے ہوئے لکھا میں نے ہاں کر دی۔

https://www.instagram.com/p/CCqakA6l4W6

ایک صارف حبیبہ نے لکھا کہ سارہ خان کی کہانی ثابت کرتی ہے کہ اللہ ہمارے لیے بہتر اور خوبصورت منصوبہ بناتا ہے۔

جب سب نے کہا کہ سارہ تم اس سے بہت بہتر کی مستحق ہو تو اُن کا مطلب تھا فلک شبیر۔ ماشااللہ پیارا جوڑا۔

ایک اور صارف نے سارہ خان کی آغا علی اور فلک شبیر کے ساتھ تصاویر شیئر کی اور ساتھ لکھا ’اس سے لے کر اس تک۔ یقیناً اللہ سب سے بہتر منصوبے بناتا ہے۔‘

ایش نامی ایک صارف نے لکھا ’جو صحیح ہے اور جسے آپ کے لیے بنایا ہے وہ آپ کے پاس آئے گا چاہے کچھ بھی ہو۔’

بلال نے اُن کی ایک ساتھ وڈیو شیئر کی اور لکھا ’وہ جس طرح اُسے ہنساتا ہے اور وہ جس طرح ہنستی ہے۔‘

ایک اور صارف نے لکھا: ’ہر محبت کی منزل ایسی ہو۔‘

صارف عدنان کہتے ہیں کہ جوڑے آسمانوں پر بنتے ہیں مگر کچھ لوگوں نے اُن کی افسردگی بڑھا دی۔ اُن کا کہنا تھا کہ اُن کی قسمت میں فی الحال یہ خوشی نہیں۔

ایک اور منچلے صارف جنہوں نے اپنا نام دیوا لکھا اُن کا کہنا تھا کہ ’سب کی شادی ہو رہی ہے بس ایک میں ہی ہوں جس نے کنوارا مرنا ہے۔‘

ایک صارف نے تو اپنی ’محبت‘ کا نام لیے بغیر یہ تک لکھ دیا کہ ’ڈیئر کرش، یہ ہم بھی ہو سکتے تھے لیکن آپ تو میری طرف دیکھتے ہی نہیں۔‘

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 14651 posts and counting.See all posts by british-broadcasting-corp