بھارتی جارحیت کی وجہ پاکستان کی غیر فعال خارجہ پالیسی ہے:خورشیدقصوری

  •  
  •  
  •  
  •  
  •  
  •  
  •  
  •  
  •  
  •  
  •  

\"khursheed-kasuri\"

سابق وزیر خارجہ خورشید محمود قصوری نے کہاہے کہ لائن آف کنٹرول (ایل او سی)اور ورکنگ باونڈری پر بھارت کی مسلسل جارحیت کی بنیادی وجہ پاکستان کی خارجہ پالیسی ہے، جو اس وقت مکمل طور پر غیر فعال ہے۔نجی ٹی وی سے گفتگو کرتے ہوئے خورشید محمود قصوری نے کہا کہ\’ حکومت اب تک وزیرِ خارجہ کا تقرر نہیں کرسکی اور وزیراعظم نواز شریف پاناما لیکس کے معاملے میں پھنسے ہوئے ہیں، لہذا وہ اس دفتر کی ذمہ داری نہیں لے سکتے\’۔انھوں نے کہ وزیراعظم کو وزیر خارجہ کی ذمہ داریاں لینی ہی نہیں چاہئے تھیں، ایسا کرکے انھوں نے بڑی غلطی کی۔ان کا کہنا تھا کہ \’میں پانچ سال وزیرخارجہ کے منصب پر رہا، لہذا میں جانتا ہوں کہ اس عہدے پر خاص وقت دینے کی ضرورت ہوتی ہے، لیکن وزیراعظم کے پاس نہ پہلے وقت تھا اور نہ آج ہے\’۔سابق وزیر خارجہ کا کہنا تھا کہ پاکستان اور بھارت کے درمیان سرحدی کشیدگی کوئی نئی چیز نہیں اور اس کی وجہ کچھ سیاسی اور کچھ حد تک بھارت اپنے عوام کی حمایت بھی حاصل کرنا چاہتا ہے۔انھوں نے کہا کہ وزیراعظم نریندر مودی نے اپنی فوج کے ذریعے سرجیکل اسٹرائیکس کا دعوی اس لیے کروایا تھا، کیونکہ وہ عوام کو دکھانا چاہتے تھے کہ پاکستان کو کتنا سخت جواب دیا گیا۔

image_pdfimage_print
Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  

اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں