بالی ووڈ اداکار سوشانت سنگھ کی گرل فرینڈ ریا چکروتی کا ’میڈیا ٹرائل‘: ’ریا انٹرویو نہیں، تفتیش کی مستحق ہیں‘
بالی ووڈ اداکار سوشانت سنگھ کی اچانک موت نے جہاں بالی ووڈ میں اقربا پروری کے موضوع پر بحث چھیڑ دی ہے وہیں اب اس حوالے سے انڈین میڈیا کے کردار بھی سوال اٹھائے جانے لگے ہیں۔
گزشتہ رات سے انڈیا میں ایک بار پھر سوشانت سنگھ کی موت پر گرما گرم بحث جاری ہے اور ٹوئٹر پر اس حوالے سے مختلف ہیش ٹیگ بھی ٹرینڈ کر رہے ہیں۔
انڈیا میں ٹوئٹر پر جہاں لوگ اس معاملے پر میڈیا کے غیر ذمہ دارانہ کردار پر سوال اٹھا رہے ہیں تو دوسری جانب سوشانت کی گرل فرینڈ ریا چکروتی کو ہی سوشانت کی موت کا ذمہ دار سمجھنے والے صارفیں ریا کا انٹرویو کرنے والے چینلز کو تنقید کا نشانہ بھی بنا رہے ہیں۔
واضح رہے کہ سوشانت سنگھ کی موت کے بعد ان کی گرل فرینڈ اور اداکارہ ریا چکروتی کے خلاف نفرت انگیز مہم جاری ہے جس میں سوشل میڈیا ٹرولز کے علاوہ انڈیا کے چند مشہور صحافی بھی شامل ہیں۔
انڈیا کے ایک قدامت پسند چینل نے انھیں ایک ’چالاک‘ عورت قرار دیا ہے جس نے ’کالے جادو‘ کی مدد سے ’سوشانت کو خودکشی کی جانب دھکیلا۔‘
وویک نامی صارف نے لکھا کہ ٹی وی چینلز ریا چکروتی کا انٹرویو کر کے سوشانت سنگھ کیس سے جڑے جذبات کے ساتھ کھیل رہے ہیں۔ اس بکواس کو بند کیا جائے۔
First #aajtak and now #NDTV both trying to manipulate the emotions related to #SSRMurderCase by interviewing this #RheaChakrobarty . Stop this nonsense #RheaChakrabortyInterview #RheaDualFaceExposed @republic @KanganaTeam @ishkarnBHANDARI pic.twitter.com/hlQvVebtzb
— Vivek (@Usingvivek) August 28, 2020
سابق رکن پارلیمان ڈاکٹر ادت راج نے لکھا کہ انھوں نے اس وقت سے ٹی وی دیکھنا چھوڑ دیا جب سوشانت سنگھ کی موت کی کوریج نے اہم مسائل کو پس پشت ڈال دیا۔
انھوں نے مزید لکھا کہ ریا چکروتی بہار کے انٹرویو کو بہار کے جذبات مجروح کرنے اور بے روزگاری، چین اور کورونا جیسے مسائل سے بچنے کے لیے استعمال کیا گیا۔
I avoid watching TV ever since Sushant Rajpat coverage has relegated back important issues . However, I could watch Rhea Chakravarty interview on NDTV & it seems she is being made scapegoat to suppress issues like unemployment,Corona ,China incursion & exploit Bihar sentiment .
— Dr. Udit Raj (@Dr_Uditraj) August 27, 2020
دوسری جانب سوشانت سنگھ کے فینز جو ریا چکروتی کو ہی ان کی موت کا ذمہ دار سمجھتے ہیں، ریا کا انٹرویو کرنے والے چینلز سے ناراض آئے۔ ایک صارف نے لکھا: ’قومی ٹی وی پر مجرموں کا انٹرویو کرنا بند کیا جائے۔‘
انھوں نے مزید لکھا کہ ریا انٹرویو کی نہیں بلکہ تفتیش کی مستحق ہیں۔
واضح رہے کہ اداکار سوشانت سنگھ راجپوت 14 جون کو ممبئی میں اپنے گھر میں مردہ پائے گئے تھے۔ ممبئی پولیس اس معاملے کی خود کشی کے طور پر تحقیقات کررہی ہے۔ ممبئی پولیس نے اس معاملے میں ریا چکرورتی سمیت ہندی فلمی صنعت کی بہت سی نامور شخصیات سے پوچھ گچھ کی ہے۔
ROAR it louder and say
Stop interviewing CRIMINAL on national television.@aajtak@ndtvindia
PR STUNT BAND KRO 🚫🚫🚫
— TannuPriyah | Justice for our brother Sushant | (@tannU240) August 28, 2020
گزشتہ مارہ ریا نے اپنے انسٹاگرام پر ایک پیغام کا سکرین شاٹ شیئر کیا جس میں ایک شخص سوشانت کا فین ہونے کا دعویٰ کرے ہوئے ریا کو ریپ اور قتل کی دھمکی دے رہا ہے۔ اس پیغام میں اس شخص نے ریا کو یہ بھی کہا کہ وہ ‘خود کشی کر لیں ورنہ میں اپنے بندے بھجوا کر تمھیں مار ڈالوں گا۔’
اس پوسٹ کے نیچے ریا نے لکھا کہ ’مجھے لالچی عورت کہا گیا لیکن میں چپ رہی، مجھے قاتل کہا گیا میں چپ رپی، مجھے بداخلاق عورت کہا گیا میں چپ رہی۔‘
انھوں نے سائبر کرائم پولیس سے مدد کی اپیل بھی کی۔
25 جولائی کو سوشانت سنگھ کے والد کی جانب سے درج کرائی گئی ایک ایف آئی آر میں ریا پر سوشانت کو خودکشی کے لیے مائل کرنے کا الزام عائد کیا گیا۔
انھوں نے ریا پر سوشانت کا پیسہ چوری کرنے، انھیں نشہ آور ادوات دینے، ان کی ذہنی صحت کے بارے میں لوگوں کو بتانے کی دھمکی دینے کے علاوہ خاندان سے دور کرنے کا الزام بھی عائد کیا تاہم وہ اس چیز کی تردید کرتے ہیں کہ ان کے بیٹے کسی قسم کے ذہنی مسائل سے دوچار تھے۔
- میٹا کو فیس بک، انسٹاگرام پر لفظ ’شہید‘ کے استعمال پر پابندی ختم کرنے کی تجویز کیوں دی گئی؟ - 28/03/2024
- ’اس شخص سے دور رہو، وہ خطرناک ہے‘ ریپ کا مجرم جس نے سزا سے بچنے کے لیے اپنی موت کا ڈرامہ بھی رچایا - 28/03/2024
- ترکی کے ’پاور ہاؤس‘ استنبول میں میئر کی نشست صدر اردوغان کے لیے اتنی اہم کیوں ہے؟ - 28/03/2024
Facebook Comments - Accept Cookies to Enable FB Comments (See Footer).