پاکستان، انگلینڈ ٹی ٹوئنٹی سیریز: پاکستان کرکٹ ٹیم کی نئی کٹ پر سوشل میڈیا صارفین کی رائے منقسم

  •  
  •  
  •  
  •  
  •  
  •  
  •  
  •  
  •  
  •  
  •  
  •  

پاکستان، کرکٹ، ٹی ٹوئنٹی، آسٹریلیا، انگلینڈ، انڈیا

Getty Images
یہ تو آپ جانتے ہیں ناں کہ آج پاکستان اور انگلینڈ کے درمیان پہلا ٹی ٹونٹی میچ مانچسٹر کے تاریخی اولڈ ٹریفرڈ سٹیڈیم میں کھیلا جانے والا ہے؟ ہماری طرح آپ بھی پُرجوش ہوں گے!

ٹیسٹ سیریز کے بعد ٹی ٹونٹی سے ہی سب کی امیدیں بندھی ہوئی ہیں لیکن فی الحال ہار جیت، پرفارمنس، وغیرہ کی نہیں کسی اور ہی چیز کی باتیں ہو رہی ہیں۔

کہاں؟ اب ظاہر ہے سماجی فاصلہ برتنے کے اِن دنوں میں اس طرح کی گپ شپ اور کہاں لگ سکتی ہے، ٹوئٹر پر! ویسے تو اس طرح کی بحث کورونا وائرس سے پہلے بھی سب سے زیادہ سوشل میڈیا پر ہی ہوتی تھی، پر خیر آج بات سوشل میڈیا کی نہیں کرکٹ کِٹ کی ہے۔

کرکٹ کِٹ؟ نہیں سمجھے؟ اجی ہوا یوں کہ کل دونوں ٹیموں کی اس سیریز کے لیے کرکٹ کِٹ کی تصاویر شائع کی گئیں۔ ہمیں پورا یقین ہے کہ اب تک آپ نے بابر اعظم کی یہ تصویر ضرور دیکھ لی ہو گی۔

https://twitter.com/TheRealPCB/status/1298974197197271041?s=20

یہ بھی پڑھیے

بابر اعظم: لوگوں کی توقعات پر پورا نہ اتروں تو افسوس ہوتا ہے

ٹی20 کرکٹ پاکستان کا پسندیدہ فارمیٹ کیوں

تو آپ کو کرکٹ کِٹ کیسی لگی؟ اب آپ ہمیں اپنی رائے بتائیں اس سے پہلے ہم آپ کو بتا دیتے ہیں کہ سوشل میڈیا صارفین کی رائے اس حوالے سے کافی منقسم ہے! جہاں کچھ شائقین کو یہ کرکٹ کِٹ بہت پسند آئی تو وہیں بعض افراد کو چند شکایات بھی ہیں۔ ہاں، لیکن بابر اعظم سب کو پسند ہیں!

کچھ لوگوں کو نئی جرسی میں ورلڈ کپ کی کِٹ کی جھلک نظر آئی۔ جیسا کہ کرکٹ کے تجزیہ کار مظہر ارشد نے لکھا کہ ’پاکستان کی نئی کِٹ دیکھنے میں بہت اچھی ہے۔ اس میں 1999 کے ورلڈ کپ کِٹ کی جھلک ہے۔‘

https://twitter.com/MazherArshad/status/1298967216948424704?s=20

اسی طرح احمد خواجہ نے لکھا کہ ’رنگ مکمل طور پر لیموں جیسا ہرا ہونا چاہیے تھا، مگر اس کے علاوہ، (یہ) زبردست ہے۔‘

https://twitter.com/azkhawaja1/status/1298967374809497605?s=20

لیکن اب آپ یہ نہ سمجھیں کہ سب کو پسند آیا۔ مطلب ایک بات تو ہم نے بھی نوٹس کی، اور یہی بات علی ارسلان نامی صارف نے بھی لکھی کہ، ’سر پاکستان کو پتلون کے اندر ڈال دیا ہے پیپسی کو ایڈجسٹ کرنے کے لیے۔۔ کیا بات کرتے ہیں آپ۔۔‘

https://twitter.com/aliarslanvetdoc/status/1298981813419794437?s=20

اسی طرح حسین مقبول احمد نامی صارف نے لکھا کہ ’یہ کِٹ جس نے بھی ڈیزائین کی ہے وہ بہت ذہین ہے یا پھر پہلے سے جانتا تھا کہ کراچی کی بارش میں پاکستان ڈوب جائے گا۔‘

https://twitter.com/HMAKhuwaja/status/1298969801407176704?s=20

اور رافع کیانی نامی صارف کو تو کِٹ بالکل پسند نہیں آئی، انھوں نے لکھا کہ ’بہت ہی بُری کٹ ہے کہ آنکھیں دکھ جائیں۔ جیسے کسی بچے نے کریان سے کچھ بھی بنا دیا ہو۔ پلیز انڈین اور انگلش کِٹس سے کچھ رہنمائی لیں۔ میں پی سی بی مرچنڈائیز خریدنا چاہتا ہوں مگر اس قدر بدشکل۔‘

https://twitter.com/rafaekay/status/1299021280063246343?s=20

اب ٹوئٹر ہے تو ظاہر ہے بات سے بات سے بات نکلتی ہے لیکن ہمیں لگتا ہے کہ سولہ آنے سچ بات پیناڈول نامی ایک ٹوئٹر صارف نے کی کہ، ’اچھی کِٹس کی جگہ اچھی کارکردگی چاہیے۔‘

https://twitter.com/Realist27777789/status/1298974642208636928?s=20

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 15376 posts and counting.See all posts by british-broadcasting-corp