سنیپ چیٹ ویڈیو بناتے ہوئے برطانوی خاتون چلتی گاڑی سے گر گئیں
برطانیہ کی کاؤنٹی سرے کے ہائی وے ایم 25 پر ایک خاتون چلتی گاڑی سے باہر لٹک کر ویڈیو بناتے ہوئے سڑک پر گر پڑیں۔
سرے پولیس کے ٹریفک یونٹ نے ٹویٹ کی کہ وہ جنکشن سکس اور کلیکٹ لین سروسز کے درمیان ایسی لین میں گریں جس پر ٹریفک کی آمد و رفت جاری تھی۔
خاتون کو شدید چوٹیں تو نہ آئیں تاہم پولیس کا کہنا ہے کہ وہ خوش قسمت تھیں کہ ‘شدید زخمی یا ہلاک’ نہیں ہوئیں۔
طبی عملے نے انھیں موقع پر ہی امداد فراہم کی جبکہ پولیس کا کہنا ہے کہ کوئی گرفتاریاں عمل میں نہیں آئی ہیں۔
یہ بھی پڑھیے
روسی لڑکی سیلفی لینے کی کوشش میں ہلاک
انڈیا: ٹرین کی سامنے سیلفی لیتے ہوئے ٹرین سے ٹکر
سیلفی لیتے ہوئے ٹرین کی زد میں آکر دو نوجوان ہلاک
ٹوئٹر پر ایک پوسٹ میں روڈز پولیسنگ یونٹ نے کہا: ‘اگلی سیٹ پر موجود مسافر سنیپ چیٹ ویڈیو بناتے ہوئے ایم 25 پر گاڑی سے باہر لٹک رہی تھیں۔ پھر وہ گاڑی سے گر گئیں اور لائیو لین میں جا پڑیں۔‘
‘یہ صرف قسمت ہی ہے کہ وہ شدید زخمی یا ہلاک نہیں ہوئیں۔’
پولیس کے ایک ترجمان نے کہا: ‘افسران کو ایم 25 پر جنکشن سکس اور کلیکٹ لین سروسز کے درمیان دوپہر ڈیڑھ بجے کے کچھ بعد یہ اطلاعات موصول ہونے پر بلایا گیا کہ ایک چلتی گاڑی سے خاتون گر گئی ہیں۔
انھوں نے مزید کہا کہ ‘خاتون کو موقع پر طبی امداد فراہم کی گئی ہے اور ان کے زخم زندگی بدل دینے والے یا تشویش ناک نہیں ہیں۔’
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).