مصر مقبرہ: مصر میں ڈھائی ہزار سال پہلے دفن کیے گئے تابوتوں کی دریافت
مصر میں آثارِ قدیمہ نے ایک قدیمی قبرستان سے 27 تابوت دریافت کیے ہیں جنہیں ڈھائی ہزار سال قبل دفنایا گیا تھا۔
یہ تابوت دارالحکومت قاہرہ کے جنوب میں علاقے سقارہ میں واقع ایک مقدس مقام پر ایک کنویں کے اندر پائے گئے ہیں۔
حکام کا کہنا ہے کہ اس ماہ کے شروع میں تیرہ تابوت دریافت ہوئے تھے اس کے بعد مزید 14 تابوت نکالے گئے۔
ماہرین اسے اپنی نوعیت کی سب سے بڑی دریافت کہہ رہے ہیں۔
یہ بھی پڑھیے
جب مصر میں ایک مقبرے کی دریافت نے دنیا کو بدل کر رکھ دیا
سنہ 536 تاریخ کا بدترین سال کیوں تھا؟
رومن سلطنت کو ٹکر دینے والی ’جنگجو ملکہ‘ زنوبیا کون تھیں؟
صحارا کی چٹانوں میں آباد قدیم جنگل میں کیا راز چھپے ہیں؟
آثارِ قدیمہ کی جانب سے جاری کردہ تصاویر میں دیکھا جا سکتا ہے کہ لکڑی کے تابوت اور دیگر چھوٹے نوادرات کو مختلف رنگوں میں پینٹ کیا گیا۔
سقارہ 3،000 سال سے زیادہ عرصہ تک تدفین کا ایک اہم مقام تھا اور یہ یونیسکو کا نامزد ورلڈ ہیریٹیج سائٹ ہے۔
مصر کی وزارت برائے نوادرات نے ہفتے کے روز ایک بیان میں کہا کہ ‘ابتدائی مطالعے سے پتہ چلتا ہے کہ یہ تابوت مکمل طور پر بند ہیں اور انھیں دفن کرنے کے بعد سے کھولا نہیں گیا۔‘
’مزید راز‘
بیان میں مزید کہا گیا ہے کہ مصر کے نوادرات کے وزیر خالد الاعنانی نے ابتدا میں اس دریافت کا اعلان اس وقت تک موخر رکھا جب تک انھوں نے خود اس سائٹ کا دورہ نہیں کیا جہاں انھوں نے عملے کا شکریہ ادا کیا جنہوں نے گیارہ میٹر (36 فٹ) نیچے جا کر مشکل حالات میں بھی اچھی طرح کام کیا۔
اس مقام پر کھدائی کا کام جاری ہے کیونکہ ماہرین تابوتوں کے بارے میں مزید تفصیلات جاننے کی کوشش کررہے ہیں۔
وزارت نے کہا کہ امید ہے کہ آنے والے دنوں میں ایک پریس کانفرنس میں ‘مزید راز’ افشا ں کیے جائیں گے۔
لکڑی کے تابوت کے آس پاس دریافت ہونے والی دیگر نوادرات بھی اچھی ساخت کی ہیں اور رنگین انداز میں سجائی گئی ہیں۔
نومبر 2018 سقارہ میں پیرامڈ کے قریب دریافت کے بعد آثار قدیمہ کے ماہرین نے ممی کیے ہوئے جانوروں کا ایک بڑا ذخیرہ پہلی بار عوام کے سامنے پیش کیا تھا
اس دریافت میں ممی شدہ بلیاں، مگرمچھ، کوبرا اور پرندے شامل تھے۔
سقارہ ، قاہرہ سے تقریبا30 کلومیٹر(18 میل) جنوب میں واقع ہے اور ایک قدیم تدفین گاہ ہے جو قدیم مصر کے دارالحکومت میمفس کے لیے قبرستان کے طور پر دو ہزار سال سے زیادہ عرصہ تک استعمال کیا جاتا رہا۔
حالیہ برسوں میں مصر نے اپنی سیاحت کی صنعت کو دوبارہ زندہ کرنے کے لیے اپنے آثار قدیمہ کی جانب سے ہونے والی دریافتوں کی تشہیر میں اضافہ کر دیا ہے۔
- کیا روزانہ نہانا ضروری ہے؟ - 25/04/2024
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
Facebook Comments - Accept Cookies to Enable FB Comments (See Footer).