جنوبی کوریا کے میوزک بینڈ بی ٹی ایس کے ساتوں اراکین کروڑ پتی بننے والے ہیں
جنوبی کوریا سے تعلق رکھنے والے ’کے پوپ‘ گروپ بی ٹی ایس کے ساتوں اراکین کروڑ پتی بننے والے ہیں اور اس کی وجہ یہ ہے کہ ان کی کمپنی ’بِگ ہٹ انٹرٹینمنٹ‘ اکتوبر میں سٹاک ایکسچینج پر لسٹ ہونے والی ہے یعنی کہ اس کے شیئر مارکیٹ میں آنے والے ہیں۔
اس لیبل یا کمپنی کے حصص میں پہلے ہی بہت دلچسپی ہے اور اس کا تخمینہ 32 ارب پاؤنڈ لگایا گیا ہے۔
بگ ہٹ کے مالک بینگ سی ہوئک جو کہ کمپنی کے 43 فیصد حصے کے مالک ہیں، ارب پتی بن جائیں گے۔
اگست میں انھوں نے بی ٹی ایس گروپ کے ہر رکن کو کمپنی کے 68,385 حصص دیے تھے جن کی کل قیمت 62 لاکھ پاؤنڈ بنتی ہے۔
کمپنی کو امید ہے کہ وہ 63 کروڑ 83 لاکھ پاؤنڈ کی رقم ان حصص کو فروخت کر کے حاصل کرے گی۔ یہ رقم انھیں تقریباً 70 لاکھ نئے حصص فروخت کر کے اس وقت حاصل ہوگی جب کمپنی کورین سٹاک ایکسچنگ پر پندرہ اکتوبر کو لسٹ کی جائے گی۔
یہ بھی پڑھیے
دو گھنٹے میں اکتیس ممالک میں مقبول گانا
کے پاپ: نوجوان گلوکار جونگ ہیون کی ’خود کشی‘
سی این بی سی کے مطابق، جنوبی کوریا میں مداح اپنے پسندیدہ بینڈ کو سپورٹ کرنے کے لیے کم از کم ایک شیئر ضرور خریدنے کا ارادہ رکھتے ہیں۔
ایک اور دلچسپ بات یہ ہے کہ، یہ، جنوبی کوریا کا تین سال میں سب سے بڑا آئی پی او ہے۔
یہ اس بات کا اشارہ ہے کہ گروپ کی مقبولیت میں کمی نہیں آئی ہے حالانکہ ان کے کافی دورے کورونا وائرس کی وجہ سے منسوخ کردیے گئے ہیں۔ اس کے علاوہ گروپ کے کچھ ممبران کو شاید دو سال میں فوج میں لازمی سروس کے لیے بھی جانا پڑے۔
بی ٹی ایس نے اپنی سات سالہ تاریخ میں مسلسل ریکارڈ توڑ کامیابی حاصل کی ہے۔ اگست میں ان کا گانا ڈائنامائٹ 24 گھنٹے میں یوٹیوب پر سب سے زیادہ دیکھی جانے والی ویڈیوز میں شامل ہوا۔ اس ویڈیو کو ایک دن میں 100 ملین لوگوں نے دیکھا تھا۔
جبکہ جون میں ہونے والے ایک کانسرٹ کی ایک لائیو سٹریم میں جب سات لاکھ چھپن ہزار لوگوں نے اسے سو ملکوں سے زیادہ ممالک سے دیکھا تو گروپ نے اپنا نام گینس بک آف ورلڈ ریکاڈ میں درج کروایا تھا۔
گروپ میں کم ٹے ہنگ، جنگ ہو سک، کم نام جون، کم سوک جن، پارک جی من، جیون جنگ کک اور من تون جی شامل ہیں۔
انھوں نے اپنے کامیابی کی وجہ اپنے بین الاقوامی سطح پر موجود مداحوں کو قرار دیا ہے جنھیں ’آرمی‘ کہا جاتا ہے۔ گروپ کے مداحوں نے بی ٹی ایس کو اس سال مارچ سے ستمبر کے دوران سب سے زیادہ ٹویٹ کیے گئے موسیقی کے گروپ کا اعزاز دلانے میں اہم کردار ادا کیا ہے۔
گروپ کے مداح اب ان کے 20 نومبر کو نئے ریلیز ہونے والے دوسرے البم کا بے چینی سے انتظار کر رہے ہیں۔
- کیا آئی پی ایل میں ’بے رحمانہ‘ بلے بازی کرکٹ کو ہمیشہ کے لیے بدل رہی ہے؟ - 25/04/2024
- مریم نواز اور پنجاب پولیس کی وردی:’کیا وزیراعلیٰ بہاولنگر کے تھانے کا دورہ بھی کریں گی؟‘ - 25/04/2024
- غزہ کی اجتماعی قبروں میں لاپتہ اہلخانہ کی تلاش: ’ہم اس بات کی اجازت نہیں دے سکتے کہ یہ چھوٹا سا معاملہ بن کر دب جائے‘ - 25/04/2024
Facebook Comments - Accept Cookies to Enable FB Comments (See Footer).