سٹارم فلومینا: سپین میں گذشتہ پانچ دہائیوں کی شدید ترین برفباری، آدھا ملک ریڈ الرٹ پر
برفانی طوفان 'فیلومینا' کے باعث سپین کے کئی علاقے برف کی چادر سے ڈھک گئے ہیں اور حکام نے ملک کے نصف سے زائد حصے کو ریڈ الرٹ پر کر دیا ہے۔
شدید برفباری کے بعد ملک بھر میں فضائی، زمینی اور ریل کے ذریعے سفر کرنے کی سہولیات متاثر ہوئی ہیں اور وزیر داخلہ فرنانڈو گرانڈے مرلاسکا کا کہنا ہے کہ سپین میں ‘گذشتہ 50 سالوں سے اتنا شدید طوفان نہیں آیا۔’
دارالحکومت میڈریڈ سب سے متاثرہ ترین علاقوں میں سے ایک ہے جہاں توقع ہے کہ اگلے 24 گھنٹوں میں آٹھ انچ تک برفباری ہو سکتی ہے اور ملک کے جنوبی حصوں میں دریا بھر گئے ہیں۔
اب تک طوفان کے باعث چار ہلاکتوں کی تصدیق ہوئی ہے۔ حکام کا کہنا ہے کہ دو لوگ سردی میں جم کر ہلاک ہو گئے جبکہ جنوبی سپین میں واقع شہر مالاگا دو افراد گاڑی میں سفر کر رہے تھے جب سیلاب کی وجہ سے ان کی گاڑی ڈوب گئی۔
جمعے کو میڈریڈ میں برفباری شروع ہوئی تو اس کے باعث بڑی تعداد میں شہر کے نزدیک موٹروے پر گاڑیاں پھنس گئیں۔
میڈریڈ کے بڑے پارکس کو بھی حفاظتی اقدامات کے تحت بند کر دیا گیا۔
اس کے علاوہ میڈریڈ شہر کا براہا بین الاقوامی ہوائی اڈہ بھی بند کر دیا گیا جبکہ شہر آنے اور جانے والی مرکزی شاہرائیں اور ٹرینوں کو بھی عارضی طور پر معطل کر دیا گیا۔
https://twitter.com/ENAIRE/status/1347929534230900739
فائر فائٹرز کو پھنسی ہوئی گاڑیوں اور ان کی ڈرائیورز کی مدد کے لیے طلب کیا گیا اور کچھ علاقوں میں فوج کو سڑکیں صاف کرنے کے لیے بلایا گیا۔
سپین کے وزیر اعظم پیڈرو سانچیز نے عوام سے اپیل کی ہے کہ وہ گھروں میں رہیں اور حکومتی ہدایات پر عمل کریں۔
ملک کے بادشاہ شاہ فیلیپ اور ملکہ لیٹیزیا نے ٹوئٹر کے ذریعے پیغامات دیے کہ ‘برفباری سے پیدا ہونے والے خطرات کے باعث بہت احتیاط سے کام لیں۔’
سپین کے محکمہ موسمیات کے مطابق یہ 'تاریخی برفباری' ہے۔
دوسری جانب برف پڑنے کے بعد کئی لوگوں نے باہر نکل کر دلکش نظارے سے لطف اٹھایا اور تصاویر بنائیں۔
میڈریڈ کے مشہور پوئرٹا ڈل سول چوک پر کئی لوگ جمع ہوئے۔
مغربی یورپ کی سب سے بڑی کچی آبادی کینیڈا ریال میں عوام آگ جلا کر خود کو گرم رکھنے کی کوشش کر رہے ہیں۔
میڈریڈ کی مشہور گران ویا شاہراہ پر ایک شخص سکینگ کرتا ہوا جا رہا ہے۔
کہا جا رہا ہے کہ میڈریڈ میں سخت سردی والا موسم مزید آنے والے چند دنوں تک رہے گا اور محکمہ موسمیات کی پیشنگوئی کے مطابق اگلے جمعرات کو درجہ حرارت گر کر منفی 12 ڈگری تک پہنچ سکتا ہے۔
- ٹوبہ ٹیک سنگھ میں لڑکی کے قتل کی ویڈیو وائرل: ’جو کچھ ہوا گھر میں ہی ہوا، کوئی بھی فرد شک کے دائرے سے باہر نہیں‘ - 28/03/2024
- چین کی معیشت پر پانچ سوالات: پاکستان سمیت دیگر ممالک میں چینی سرمایہ کاری کا مستقبل کیا ہے؟ - 28/03/2024
- اسلام آباد ہائیکورٹ کے چھ ججوں کا خط: عدلیہ پر اسٹیبلشمنٹ کے دباؤ کے الزامات کی حقیقت کیا ہے؟ - 28/03/2024
Facebook Comments - Accept Cookies to Enable FB Comments (See Footer).