مشرقِ وسطیٰ میں برفباری: سعودی عرب سمیت مشرق وسطیٰ کے اکثر ممالک میں برفباری کے مناظر

  •  
  •  
  •  
  •  
  •  
  •  
  •  
  •  
  •  
  •  
  •  
  •  

شام

Getty Images
شام کے شہر ادلب میں برفباری کے مناظر جہاں کئی علاقوں میں 15 سینٹی میٹر سے بھی زیادہ برفباری ہوئی

’ہر طرف اجلی دھنک، موسم ہوا ہے برف برف، ندی نالے ہی نہیں صحرا بنا ہے برف برف‘

مشرقِ وسطیٰ سے گذشتہ چند روز کے دوران سامنے آنے والی تصاویر اور سوشل میڈیا پر لگنے والی ویڈیوز دیکھنے کے بعد مسعود حساس کا یہی شعر ذہن میں آتا ہے۔

ایک ایسا خطہ جو عام دنوں میں سخت گرمی اور خشک موسم کے باعث جانا جاتا ہے، وہ اب برف کی سفید چادر سے ڈھک چکا ہے۔ لبنان، اردن، فلسطین، اسرائیل، ترکی، عراق اور سعودی عرب میں بھی برفباری کے دلکش مناظر دیکھنے میں آئے ہیں۔

یہ بھی پڑھیے

سپین میں گذشتہ پانچ دہائیوں کا ’شدید ترین برفانی طوفان‘

بارش اور برفباری کے بعد شامی پناہ گزینوں کے کیمپ جھیلوں میں تبدیل

انڈیا کے زیر انتظام کشمیر میں 30 سال میں ریکارڈ برفباری

برفباری دیکھنے جائیں مگر پوری تیاری کے ساتھ

لبنان

Getty Images
لبنان میں برفباری کے باعث کووڈ ویکسینیشن مہم بھی تعطل کا شکار رہی

اکثر افراد کو یہ تصاویر دیکھ کر شاید ایسا محسوس ہو رہا ہے کہ یہ کوئی انھونی بات ہے، حالانکہ عام طور بھی مشرقِ وسطیٰ کے اکثر علاقوں میں برفباری ہوتی ہے۔

تاہم اکثر افراد نے اس برفباری کو موسمیاتی تبدیلی سے منسلک کیا اور کہا کہ موسمیاتی تبدیلی کے مخالف بات کرنے والے افراد آج کہاں ہیں؟

فلسطین

Getty Images
فلسطین اور اسرائیل میں بھی برفباری ہوئی اور آنے والے دنوں میں موسم میں شدت آنے کا امکان بھی ظاہر کیا جا رہا ہے۔

برف باری کے باعث مشرقِ وسطیٰ کے متعدد علاقوں میں ٹریفک کے مسائل سامنے آئے اور کہیں کووڈ 19 کی ویکسینیشن بھی تعطل کا شکار رہی۔ اسی طرح کچھ ممالک میں تعلیمی ادارے بھی بند رہے۔

شام کا دارالحکومت دمشق بھی برفباری میں ڈھکا رہا اور ملک کی سرکاری خبر رساں ایجنسی صنا کے مطابق کچھ حصوں میں 15 سینٹی میٹر سے بھی زیادہ برفباری ریکارڈ کی گئی۔

شام

Getty Images
شام میں برفباری کے بعد برف کے گولے بنا کر ان سے کھیلتی ایک بچی، یہ کھیل یہاں بچوں کے لیے یقیناً نیا ہو گا

جہاں شدید گرمی کے باعث سڑکوں پر سراب بنا کرتے تھے، وہاں اب بلڈوزرز سڑک سے برف ہٹاتے دکھائی دیے۔

لبنان میں بھی برفباری تو ہوئی لیکن ساتھ ہی یہاں تیز ہوائیں بھی چلتی رہی ہیں اور ملک کے محکمہ موسمیات کے مطابق یہ برفانی طوفان میں جمعرات کو مزید شدت آ سکتی ہے۔

شام

Getty Images
اکثر ممالک میں ٹریفک کے بھی مسائل سامنے آتے رہے، لیکن یقیناً برفباری میں بائیک چلانے کا مزہ ہی الگ ہے

ادھر اسرائیل اور فلسطین میں برفباری ہوئی اور اسرائیل کے محکمہ موسمیات کے مطابق آنے والے دنوں میں پورے ملک میں موسم سرد رہے گا اور طوفانی بارش کا بھی امکان ہے۔

ایک صارف نے سوشل میڈیا پر ایک ویڈیو پوسٹ کی جس میں دمشق سے بیروت کی جانب جانے والی برف سے ڈھکی ہوئی سڑک کے مناظر دکھا رہی ہیں۔

https://twitter.com/BathoulAhmed/status/1362313799974477825?s=20

ادھر سعودی عرب کے پہاڑی علاقوں میں بھی برفباری کے بعد اکثر افراد سوشل میڈیا پر تبوک شہر میں برفباری کے دوران اونٹوں کی ویڈیو شیئر کر رہے ہیں۔ ایک صارف نے اس ویڈیو پر تبصرہ کرتے ہوئے کہا کہ یہ اونٹ بھی اس موسم کو دیکھ کر ابہام کا شکار ہیں۔

فلسطین

Getty Images

خیال رہے کہ سعودی عرب کے شہر تبوک میں برفباری ہونا کوئی اچنبھے کی بات نہیں۔ یہ شہر سعودی عرب اور اردن کی سرحد پر واقع ہے اور یہاں پر گذشتہ ماہ بھی برفباری دیکھنے میں آئی تھی۔

سوشل میڈیا پر اکثر افراد اس بات کی جانب بھی توجہ دیتے نظر آئے کہ ہمیں اس گھڑی میں مشرقِ وسطیٰ میں ان جنگ زدہ علاقوں کو نہیں بھولنا چاہیے جہاں برفباری کے باعث لوگ متاثر بھی ہو سکتے ہیں۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 17818 posts and counting.See all posts by british-broadcasting-corp