یونان کے مندر سے 2500 برس پرانا بیل کا مجسمہ دریافت

  •  
  •  
  •  
  •  
  •  
  •  
  •  
  •  
  •  
  •  
  •  
  •  


بیل کا مجسمہ

Reuters
اس چھوٹے سے مجسمے کے بارے میں خیال ظاہر کیا جا رہا ہے کہ اسے دیوتا زیؤس کے سامنے پیش کیا گیا ہو گا

ایک پیتل کے بیل کے بارے میں یہ خیال ظاہر کیا گیا ہے کہ وہ کم از کم 2500 سال پرانا ہے۔ یہ یونان میں اولمپیا کے قدیم مقام کے قریب موسلا دھار بارشوں کے بعد سامنے آیا ہے۔

اس مجسمے پر جلے ہوئے نشانات سے پتہ چلتا ہے کہ شاید یہ دیوتا زیؤس کو پیش کی جانے والی ہزاروں چیزوں میں سے ایک ہے۔

یونان کی وزارت ثقافت کی جانب سے بتایا گیا ہے کہ اس چھوٹی سی چیز کی دریافت ماہرین آثارِ قدیمہ نے یونان میں ایک مندر کے قریب کی۔

ماہرین نے اس بیل کے ایک سینگھ کو دیکھا جو مٹی سے باہر نکلا ہوا تھا، جس کے بعد اسے فوری طور پر لیبارٹری میں معائنے کے لیے بھیج دیا گیا۔

یہ بھی پڑھیے

جمعے کو وزارت ثقافت کا بیان سامنے آیا کہ گذشتہ ماہ ملنے والے مجسمے کی ابتدائی طور پر جانچ کرنے سے پتہ چلا ہے کہ یہ مجسمہ 1050 سے 700 قبل مسیح کا ہے۔

بیل کا مجسمہ

Reuters
جانوروں جن میں بیل بھی شامل ہے کہ بارے میں کہا جاتا ہے کہ اس دور میں اہمیت کی وجہ سے ان کی عبادت کی جاتی تھی

انسانی بقا میں جانوروں کی اہمیت کے پیشِ نظر اس دور میں جانوروں، جن میں بیل اور گھوڑے بھی شامل ہیں، کے بارے میں خیال کیا جاتا ہے کہ ان کی پوجا کی جاتی تھی۔

بیان میں بتایا گیا ہے کہ دوسرے جانوروں اور انسانوں کے مجسمے کی طرح زیوئس کے مندر کے پاس سے دریافت ہونے والے بیل کے مجسمے کے بارے میں بھی یہی خیال کیا جا رہا ہے کہ اسے قربانی کے لیے پیش کیا گیا ہو گا۔ اس کی وضاحت اس پر موجود جلنے کے نشانوں سے ہوتی ہے۔

واضح رہے کہ یونان میں اولمپیا کا یہ مقام قدیم اولمپکس گیمز کی جائے پیدائش ہے۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 18481 posts and counting.See all posts by british-broadcasting-corp