جنوبی کوریا میں شائقین نے غلطی سے بیش قیمت فن پارے پر فنکاری کر ڈالی


Graffiti artwork by JonOne that was damaged by a couple at a gallery in Seoul, South Korea, 2 April 2021

حادثے کے بعد یہاں ہاتھ نہ لگانے کی ہدایات درج کی گئی ہیں

جنوبی کوریا کی ایک نمائش میں رکھا گیا ایک فن پارہ ایک جوڑے کے ہاتھوں حادثاتی طور پر خراب ہو گیا۔

ایسا اس وقت ہوا جب ایک سیاح جوڑے نے یہ سمجھ کر وہاں پڑے پینٹ اور برش سے فن پارے پر اپنی طبع آزائی کر ڈالی جب انھیں لگا کہ یہ سب سیاحوں کے لیے رکھا گیا ہے۔

سیئول میں اس فن پارے کی نمائش کے سربراہ نے خبر رساں ادارے روئٹرز کو بتایا کہ جوڑے نے سمجھا کہ شاید انھیں اس فن پارے میں شرکت کی اجازت ہے اور انھوں نے یہ غلطی کر دی۔

عملے نے جب پینٹنگ پر تازہ برش اسٹورکس دیکھے اور سی سی ٹی وی کی جانچ کی جس سے علم ہوا کہ ایک نوجوان جوڑے نے غلطی طورسے ایسا کر دیا ہے۔

اس بے نام فن پارے کی اندازاً قیمت پانچ لاکھ ڈالر کے قریب تھی۔

یہ بھی پڑھیے

مصنوعی ذہانت نے مونا لیزا میں جان ڈال دی

نیدر لینڈز میں قیمتی پینٹنگ تیسری مرتبہ چوری

بٹ کوائن پینٹنگ کا معمہ تین برس بعد حل کر لیا گیا

اس فن پارے کو امریکی گرافی فنکار جان ون نے سن 2016 میں سیئول کے شائقین کے سامنے تخلیق کیا تھا۔

جس کے بعد سے اس فن پارے کو کئی مقامات پر نمائش کے لیے پیش کیا گیا جس کے ساتھ ساتھ پینٹ اور برشز رکھے جاتے تھے اور وہاں براہ راست فن کے مظاہرے کیے جاتے تھے اور یہ اس فن پارے کے ساتھ گویا لازمی سرگرمی سمجھی جاتی تھی۔

Graffiti artwork by Jon One that was damaged by a couple at a gallery in Seoul, South Korea, 2 April 2021

جوڑے نے فن پارے پر یہ سیاہ نشان لگائے

اس نمائش کے سربراہ کانگ ووک کا کہنا تھا ’ہم اس کے خالق کے ساتھ بات چیت کر رہے ہیں کہ آیا اسے دوبارہ بحال کیا جا سکتا ہے یا نہیں۔

پولیس نے اس جوڑے کو تلاش کرنے کے بعد ان سے پوچھ کی ہے تاہم منتظمین نے ان کے خلاف مقدمہ نہ درج کرنے کا فیصلہ کیا جس کے بعد انھیں چھوڑ دیا گیا۔

اس حادثے کے بعد گیلری نے فن پارے اور شائقین کے درمیان ایک حفاظتی باڑ لگا دی ہے جس پر ’نہ چھونے‘ کی ہدایات درج کی گئی ہیں۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32286 posts and counting.See all posts by british-broadcasting-corp