ولے ڈی بچ: فیس بک نے غلطی سے فرانسیسی شہر کا صفحہ ہٹا دیا

  •  
  •  
  •  
  •  
  •  
  •  
  •  
  •  
  •  
  •  
  •  
  •  


Bitche's Facebook page.

BBC
’بچ‘ شہر کے سرکاری صفحے کو فیس بک کے شرائط کی ’خلاف ورزی‘ کے طور پر ہٹایا گیا تھا

فرانس کے ایک چھوٹے شہر ’بچ‘ کے سرکاری صفحے کو فیس بک سے عارضی طور پر ہٹانے پر اس پر کڑی تنقید کی گئی ہے۔

سوشل نیٹ ورک کے الگورتھم نے شمال مشرقی فرانس کے شہر کو انگلش کا ایک توہین آمیز لفظ سمجھا۔

بچ کے میئر نے کہا ہے کہ فیس بک نے 19 مارچ کو ان کے 5000 آبادی والے شہر کا سرکاری صفحہ ’شرائط کی خلاف ورزی‘ پر ہٹا دیا تھا۔

فیس بک نے کہا ہے کہ غلطی پکڑے جانے کے بعد انھوں نے منگل کو صفحے کو دوبارہ بحال کر دیا ہے۔

یہ بھی پڑھیئے

’فیس بک صارفین کی گفتگو نہیں سنتا‘

فیس بک: مواد پر پابندی کی درخواستوں میں پاکستان دوسرے نمبر پر

کیا فیس بک کی ریگولیشن ممکن ہے؟

شہر کے میئر بینوئت کیفر نے کہا کہ ’19مارچ کو فیس بک نے ہمیں بتایا تھا کہ ولا ڈی بچ، اب آن لائن دستیاب نہیں ہے جس کی وجوہات شرائط کی وہ خلاف ورزی ہے جو فیس بک کے صفحات پر لاگو ہوتی ہے۔‘

انھوں نے کہا کہ لگتا ہے کہ ’ہمارے شہر کا نام برے تلفظ کی نظر ہوا ہے۔‘

Aerial view of Bitche

Getty Images
بچ کے میئر نے فیس بک کے بانی مارک زوکر برگ کو دعوت دی ہے کہ وہ آئیں اور ان کا شہر دیکھیں

صفحہ ہٹا دیے جانے کے بعد وہاں حکام کو ’میری 57230‘ کے نام سے ایک نیا صفحہ بنانا پڑا۔ یہ نام شہر کے پوسٹ کوڈ کے حوالے سے تھا۔

میئر کیفر نے فیس بک کے مواد کو مانیٹر کرنے کے طریقے پر تنقید کی۔

انھوں نے کہا کہ ’بچ شہر کے ساتھ جو کچھ ہوا ہے وہ ثابت کرتا ہے کہ موڈریشن کا طریقہ کار ناکافی اور محدود ہیں اور صرف انسانی آنکھ ہی اس کی قدر کر سکتی ہے۔‘

میئر نے کہا کہ فرانس میں فیس بک نے منگل کو ان سے رابطہ کیا تھا اور بتایا تھا کہ صفحے کو دوبارہ آن لائن کر دیا گیا ہے اور انھوں نے زحمت پر معافی مانگی تھی۔

میئر کیفر نے فرانس میں فیس بک کے اہلکار اور فیس بک کے چیف ایگزیکیٹیو مارک زکر برگ کو ’بچ‘ آنے کی دعوت دی تاکہ وہ ’ہمارا خوبصورت قلعہ بند شہر دیکھ سکیں۔‘

فیس بک کے ترجمان نے منگل کو بتایا ’صفحے کو غلطی سے ہٹایا گیا تھا اور پھر جب ہمیں مسئلے کے متعلق پتہ چلا تو جلدی سے اسے بحال کر دیا گیا۔‘

پیر کو علاقے کے ایک اور شہر روہرباش۔لے۔بچ نے اپنے صفحے کا نام بدل کر ولے ڈی روہرباش رکھ لیا ہے۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 18809 posts and counting.See all posts by british-broadcasting-corp