پاکستان بمقابلہ زمبابوے: فیصلہ کن ٹی ٹوئنٹی میچ میں پاکستان کا ٹاس جیت کر پہلے بیٹنگ کا فیصلہ

  •  
  •  
  •  
  •  
  •  
  •  
  •  
  •  
  •  
  •  
  •  
  •  

 

کرکٹ

Getty Images

پاکستان اور زمبابوے کے درمیان ٹی ٹؤنٹی سیریز کا تیسرا اور فیصلہ کن میچ ہرارے میں کھیلا جا رہا ہے جہاں پاکستانی ٹیم نے ٹاس جیت کر میزبان زمبابوے کے خلاف پہلے بیٹنگ کرنے کا فیصلہ کیا ہے۔

اب سے کچھ دیر قبل تک پاکستان نے تین اوورز کے بعد بغیر کسی نقصان کے 15 رنز بنائے ہیں۔

پاکستان کی جانب سے محمد رضوان اور شرجیل خان نے اننگز کا آغاز کیا جبکہ زمبابوے کی طرف سے بلیسنگ مزاربانی اور رچرڈ اینگاراوا نے بولنگ شروع کی ہے۔

میچ کا تازہ ترین سکور

اب تک کے دونوں میچوں میں یہ واضح رہا ہے کہ پچ تھوڑا سلو ہے اور روانی سے بیٹنگ کرنے میں دشواری کا سامنا ہے اور اس کے باعث ٹی ٹوئنٹی میچوں میں ٹاس جیت کر پہلے بولنگ کرنے کی روایتی حکمت عملی کے برعکس اس میدان میں پہلے بیٹنگ کرنا زیادہ مناسب ہوگا۔

سیریز کے پہلے میچ میں پاکستان نے جبکہ دوسرے میچ میں حیران کن طور پر زمبابوے نے جیت حاصل کر لی۔ یہ 15 بین الاقوامی ٹی ٹوئنٹی میچوں میں زمبابوے کی پاکستان پر پہلی جیت تھی اور آج کے میچ میں انھیں سیریز جیتنے کا سنہرا موقع ملا ہے۔

کرکٹ

Getty Images

سیریز کے فیصلہ کن میچ میں پاکستان نے اپنی ٹیم میں تین تبدیلیاں کی ہیں اور سابق کپتان سرفراز احمد، جارحانہ بلے باز شرجیل خان اور فاسٹ بولر حسن علی کو دوبارہ ٹیم میں شامل کیا ہے۔

سیریز کے پہلے میچ میں پاکستان نے 149 کا قلیل سکور بنایا لیکن زمبابوے کو صرف 138 تک محدود رکھنے میں کامیاب ہو گئے اور ایک صفر کی برتری حاصل کر لی۔

لیکن الگے میچ میں زمبابوے نے اس سے بھی بڑا اپ سیٹ کیا اور اپنی اننگز میں بنائے گئے صرف 118 رنز کے سکور کا کامیابی سے دفاع کرنے میں کامیاب رہے اور پاکستان کی پوری ٹیم 99 کے سکور پر ڈھیر ہو گئی۔

یہ ٹی ٹوئنٹی میچوں میں پاکستان کی زمبابوے کے خلاف پہلی شکست تھی۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 18954 posts and counting.See all posts by british-broadcasting-corp